2 Samuel 5:2 - ICIGHAN BIBILO

² Sha ayange a tsuaa a Saulu lu tor sha a vese la, lu we je u hemen Iserael, u duen a ve shi u nyôron a ve kpaa ye; man TER kaa a we er: Ka we ú kura ior Av Iserael, shi ka we ú lu orhemen u Iserael kpaa ye.

2 Samuel 5:2 Iomraidhean Croise

Genese 49:24

kpa ada na yô, lu her taveraa, akaseaveegh a na kpaa, lu naregh her, sha ave a Uageegh u Yakob; ka heregh, her ape Orkuran, Iwen i Iserael A lu la.

2 Samuel 6:21

Davidi gema kaa a Mikal er: Ka sha ishigh ki TER je, u A tsoughom, m hemba doon Un a teru man ya na cii la, A verem orhemen u ior mba TER, ka Iserael je la; me ember sha ishigh ki TER.

2 Samuel 7:7

Sha ajiir a M lu zenden a Mbaiserael imôngo la cii, M shi ôr kwagh a ma kwe u Iserael u M ver u sha u u kura ior Av Iserael la, Mer: Ka nyi ne maam iyou i sha ikon i sedar ga, kpa?

2 Samuel 7:8

Yô, za kaa wanakiriki Wam Davidi nahan wer, TER u akum a Sha ngu kaa nahan er: M tôô u hen ijiir i ilev yan toho, ken ijime i uile Mer, hingir or u hemen ior Av, Iserael;

2 Utor 20:5

Hide, za kaa Hesekia, orhemenegh u ior Av wer: TER, Aôndo u teru Davidi, ngu kaan nahan er: M ungwa msen wou, M nenge mliam ou kpaa; yô, Me bee u angev; sha iyange i sha utar la ú kôndo ú za sha iyou i TER.

1 Kroniku 11:2

Sha ayange a tsuaa a Saulu lu tor la je kpaa, lu we je u hemen Iserael, u duen a ve, shi u nyôron a ve kpaa ye; man TER, Aôndo wou, kaa a we er: Ka we ú kuran ior Av Iserael, shi ka we ú lu orhemen u ior Av Iserael kpaa ye.

2 Kroniku 1:10

Yô, nam mkav man mfe sha u m̱ duen, m̱ nyôron sha ishigh ki ior mban; gadia ka anti je nana fatyô u ôron imbaikpelaior You ne ijiri?

Yesaia 40:11

Una koso ilev Nav er orkuranilev nahan, Una kohol ônovmbaiyôngov sha uwegh Nagh, Una tôô ve Una wa sha ikum Na, una za a mbi amben ônov tegh tegh.

Yesaia 55:4

Nenge, M ver un Mer, a̱ lu shiada hen ior a̱ lu orhemen man orwan akuraior kwagh.

Esekiel 34:23

Me ver orkuran môm sha a ve, nana koson ve, ka wanakiriki Wam Davidi je la, ka un una koson ve shi ka un kpaa una hingir orkuran ve ye.

Mika 5:4

Tsô Una tile, Una koso ikumuile Na ken agee a TER, sha icivir i iti i TER, Aôndo Na; vea tema bem bem, gadia hegen Una hemba zan zan á za ar sha akighir a tar je.

Numeri 27:17

u nana hemen ve u duen man nana hemen ve u nyôron, nana duen ve̱ man nana hiden a ve, sha er ior i̱ de hingir er ilev mbi mbi lu a orkuran ga ze.

Mateu 2:6

We, Betelehem, tar u Yuda, mayange je u lu u gban ijime ken mbahemenev mba Yuda ga; gadia ka ken we je man Orhemen Una due, u Una kuran nongoior Wan Iserael ye.

YOHANE 10:11

Mo M ngu Orkuranilev u dedoo; orkuranilev u dedoo ka A gbihi uma na sha ci u iyôngo.

Mbaheberu 2:10

Gadia Un u akaa cii a dugh her a Na yô, er A lu van a ônov mba nomso kpishi ken iengem yô, doo u Una sôr Orhemen u myom ve, A̱ hingir vough, sha atsan a yan.

1 Samuel 13:14

Kpa hegen yô, tartor wou ua kera lu gbem ga; TER ker or Na u sha ishima Na vough, TER ver un er a̱ lu orhemen u ior Nav, sha er u we kwagh u TER A kaa u ne iko ga yô.

1 Samuel 16:1

Tsô TER kaa a Samuel er: Ka hanma shighe je ú de u zungwen Saulu er M vende un u teman tor sha Iseraele? Haa mkurem ken korough ough poo; yô, za, Me tindi u hen Yese or u Betelehem, gadia ka ken ônov nav M tsough tor Wam ye.

1 Samuel 18:13

Ka nahan man Saulu kar a na sha ishigh nagh kera, gema ver un orhemen na u sha ior dubu ye; nahan a duen a nyôron sha ishigh ki iorough.

1 Samuel 18:16

Kpa Iserael kua Yuda cii, Davidi doo ve ishima; gadia lu duen nyôron sha ishiv vev.

1 Samuel 18:5

Davidi yô, hanma ijiir i Saulu a tindi un yô, a za; aeren a na kpaa luun sha mi vough; Saulu wa mbanôngontyav sha ikev na, nahan kwagh la doo ior cii, mbayev mba Saulu kpaa doo ve.

1 Samuel 25:28

Shi de kpan wou u kwase kwaghbo na; gadia TER Una maa terem ya u taver dông kpee je; gadia terem ngu nôngon ityav mbi TER; nahan sha ayange a ou cii á zua a ifer her a we mayange ga.

1 Samuel 25:30

Tsô zum u TER Una er terem akaaôron a i ter sha a we ne cii, man shi Una ver u tor sha Iserael kpaa yô,

1 Samuel 9:16

Kper er hegen nahan, Me tindi u a or u ken tar u Benyamin, shighe un mkurem sha u a̱ lu orhemen u ior Av Iserael yô, ka wen una yima ior Av sha ikev i Mbafiliti ye; gadia M nenge ior Av, mliam vem kôndo ar her a Mo je.