2 Samuel 3:14 - ICIGHAN BIBILO

¹⁴ Shi Davidi tindi mbatyomov hen Ishibosheti wan u Saulu, a kaa er: Nam kwase wam Mikal u ngise m er un sha ishe i uipusu mba Mbafiliti deri la.

2 Samuel 3:14 Iomraidhean Croise

2 Samuel 2:10

Anyom a wan u Saulu, Ishibosheti, lu akunduahar zum u a ya tor sha Iserael la, a tema tor anyom ahar. Kpa ya u Yuda yô, dondo Davidi.

2 Samuel 3:15

Nahan Ishibosheti tindi i za kua a na hen nom na Paltiel wan u Laishi.

2 Samuel 6:16

Tsô, er areki u TER va nyôr ken gar u Davidi yô, Mikal wan u Saulu ta ashe hen ianiyoughough za nenge tor Davidi lu tsuwen vinen amar sha ishigh ki TER; tsô a laha un ken ishima.

Mateu 1:18

Mmar u Kristu yô, kape a lu ne: Zum u Yosev lu sôôr ngô Na, Maria, man er ve lu a zua ga je tsô, i nenge un a iyav sha Icighan Jijingi.

1 Samuel 18:25

Saulu shi kaa er: Kaa nen Davidi nahan ner: Inyaregh sar tor ga, saa uipusu mba Mbafiliti deri, sha u oron iyev sha mbaihomov mba tor. Kpa awashima u Saulu yô, lu u nan Davidi er a̱ za kpe sha ikev i Mbafiliti.

1 Samuel 18:27

Davidi mough a ior nav za, za wua Mbafiliti ior deri uhar; Davidi va a uipusu vev va na tor nahan vough, er una hingir wankem u tor. Nahan Saulu na un Mikal wan na u kwase a er.

1 Samuel 25:44

Saulu vande tôôn Mikal, wan na u kwase, kwase u Davidi la, na Palti u Laishi or u Galim er.