2 Samuel 3:13 - ICIGHAN BIBILO

¹³ A kaa er: Ka sha mi, me ya ikur a we, kpa kwagh ngum a we môm tsô, ú nenge a ishigh yagh ve ga, saa ú vam a Mikal wan u Saulu, shighe u ú vaan u va nengen mo yô.

2 Samuel 3:13 Iomraidhean Croise

Genese 43:3

Tsô Yuda kaa a na er: Or la kaa a vese gbang gbang er: Né kera nenge ishigh yagh ga, saa anngô wen la una lu a ven.

Genese 44:23

Kpa u kaa ikpan you wer: Aluer anngô wen u kiriki una va a ven imôngo ga yô, mayange né kera nenge ishigh yagh ga.

Genese 44:26

Se kaa ser: Se fatyô u zan ga. Aluer anngô wase la una lu a vese imôngo yô, sé za, gadia sé fatyô u gba za nengen ishigh ki or la ga, saa anngô wase u masetyô una lu a vese imôngo.

2 Samuel 3:12

Tsô Abiner tindi mbatyomov hen Davidi sha ityough nagh, a kaa er: Tar ne ka u ana? Shi a kaa er: Ya ikur a mo, mo kpaa, nenge, uwegh agh kua lu a we imôngo, me gema Iserael cii me va a ve hen a we.

1 Kroniku 15:29

Tsô er areki u ikuryan u TER va nyôr ken gar u Davidi yô, Mikal wan u Saulu ta ashe hen ianiyoughough za nenge tor Davidi lu vinen amar, numben yô, tsô a laha un ken ishima na.