2 Samuel 3:12 - ICIGHAN BIBILO

¹² Tsô Abiner tindi mbatyomov hen Davidi sha ityough nagh, a kaa er: Tar ne ka u ana? Shi a kaa er: Ya ikur a mo, mo kpaa, nenge, uwegh agh kua lu a we imôngo, me gema Iserael cii me va a ve hen a we.

2 Samuel 3:12 Iomraidhean Croise

2 Samuel 19:14

Nahan a gema asema a ior i Yuda cii, hingir er ka or môm yô; nahan ve tindi tor loho, er: Hide a mbayev ou cii.

2 Samuel 19:41

Tsô ior i Iserael cii va hen tor, ve va kaa a tor er: Inja na nan anmgbianev asev, ior i Yuda, ve koo a we, ve per a tor myer a ior nav cii hen Yordan kua ior i Davidi cii a na imôngo nahana?

2 Samuel 19:6

gadia mba ve ker u ihom doo u ishima, u gem u vende mba u doo ve ishima la. Gadia nyian u pase je er, atiator kua mbayev ve lu ugbilinmbaiorov sha ishigh you yô; gadia nyian m kav, aluer Abesalom una lu uma nyian man se cii sea kpe nyian yô, ma i doo u mimi.

2 Samuel 3:11

Tsô a kera fatyô u ôron kwagh ugen a Abiner ga, gadia a lu cian un.

2 Samuel 3:13

A kaa er: Ka sha mi, me ya ikur a we, kpa kwagh ngum a we môm tsô, ú nenge a ishigh yagh ve ga, saa ú vam a Mikal wan u Saulu, shighe u ú vaan u va nengen mo yô.

2 Samuel 3:21

Tsô Abiner kaa a Davidi er: Me mough me yem me za kohol Iserael cii, me va a mi hen terem tor sha er ve̱ va ya ikur a we, er u tema tor er i sar u ken ishima cii yô. Tsô Davidi na Abiner gbenda, a mough doo doo.

2 Samuel 3:27

Mba za hidi a Abiner ken Heberon yô, Yoabi ta ibalegh a na hen hundagar er una ôr kwaghhuwa a na, tsô a maa a kuma un kwagh sha uya a kpe, sha ci u awambe a Asahel anngô na la.

2 Samuel 3:38

Shi tor kaa a mbayev nav er: Ne fa er nyian ititor, zegeor, a kpe ken Iserael gaa?

Upasalmi 62:9

Mimi je, ior mba ve lu a icivir ga, mba er humbe u karen kera nahan; mba ve lu a icivir kpaa, ka aie tsô, sha ikyekye i karen kwagh a mi yô, vea kuma ga, ve imôngo cii ve kuma sha humbe u karen kera la kpaa ga.