2 Samuel 24:3 - ICIGHAN BIBILO

³ Nahan Yoabi kaa a tor er: TER, Aôndo wou, A̱ seer iyenge i ior kwa deri, ashe a terem tor kpaa a̱ nenge a mi, kpa inja na nan man kwagh ne a gbe terem tor ishima yum nahana?

2 Samuel 24:3 Iomraidhean Croise

2 Samuel 10:12

Yô, taver nen ishima sé lu nen nomso, sha ci u ior asev man sha ci u agar a Aôndo wase; TER A̱ er kwagh u A doo Un yô.

2 Samuel 24:4

Nahan kpaa imo i tor hemba i Yoabi kua mbahemenev mba akumautya; tsô Yoabi kua mbahemenev mba akumautya due sha ishigh ki tor, sha u za ôron iyenge i ior i Iserael.

Upasalmi 115:14

TER A̱ seer ne er ne̱ ngee, ne̱ za a za hemen yô, ne kua ônov enev cii.

Anzaakaa 14:28

Ihagh i tor yô, ka mngee u ior la, kpa mban u ior gema ka mtim u ortaregh.

Yesaia 60:5

Nahan wea nenge man ishigh you kia engem sha iember, ishima you ia tsuwe, ia bugh ia gbanger; gadia inyaregh ki zegemnger kia gema á va hen a we, man akaa a injaa a akuraior kpaa aa va her a we.

Duteronomi 1:11

TER Aôndo u uter enev, A̱ shi A̱ seer ne iyenge er né hemba iyenge yen i hegen ne kwa dubu je, A̱ ver ne doo doo, er A tende zwa a ven nahan yô.