2 Samuel 23:4 - ICIGHAN BIBILO

⁴ una lu er iwanger i pepe, er iyange ka ia duen nahan, er sev mbu abeen ka a lu ga la, iyange i wanger; man er ura ka u nôô, toho u mende shin inya u hôm nahan.

2 Samuel 23:4 Iomraidhean Croise

Upasalmi 110:3

Ior Ou vea na nagh sha ayol a ve sha asema a dedoo je sha iyange i ikumutya You, a uicighanmbaakondov iyol, sha mve u use; er avure a lu nahan kape ikaior You ia va la.

Upasalmi 72:6

A̱ lu er ura u u nee sha toho u i tende u yô, man er iura i nôôn shin inya yô.

Upasalmi 89:36

Tsombor na ua lu gbem, ikônough nagh ki torough kpaa kia lu sha ishigh Yagh er ka iyange yô;

Anzaakaa 4:18

Kpa gbenda u orperapera ngu er iwanger i sha use nahan, ngi seer aseer zan hemen zan zan mkende u iyange sha sha tembe la.

Yesaia 18:4

Gadia TER kaa a mo nahan er: Me lu ving, Me kenger ken ijiir Yam i teman, er mtsee u war war sha mte u iyange, er ibeenegh ki irkpiigh ken mtsee u sha shighe u sundan iyiagh yô.

Yesaia 4:2

Sha iyange la mende u TER ua doo ashe ua engem, iyiav mbi shin tar kpaa mbia lu icivir man iengem i mba ve wer ken Iserael la.

Yesaia 60:1

Mough sha, ta iwanger; gadia iwanger you i va, iengem i TER kpaa ngi mondon sha a we.

Yesaia 60:3

Akuraior aa va hen iwanger you, utor kpaa vea va hen iwanger i i mondo sha a we la.

Hosea 6:3

Yô, sé fa nen, sé nôngo nen tsung u fan TER; mdugh Na ka u kpee je, er m-av u use nahan: Una va hen vese er ura nahan, er ka ura u masetyô u haan mngerem inya yô.

Hosea 6:5

Ka sha ci u nahan, M gber ve sha uprofeti ye; M wua ve sha mkaanem ma ken zwa Wam; ajiraôron a i ôr u yô, due fele er ka iwanger yô.

Mika 5:7

Asande a Yakob a a shi her la, aa lu ken atô u akuraior kpishi er avure a a dugh hen TER nahan, man er aber a ura sha toho nahan, a a keghen or ga, shin á ngôôr her sha ci u ônov mba iorov kpaa ga yô.

Malaki 4:2

Kpa ne mba ne cie iti Yam yô, iyange i perapera ia due ne a mbee u uange ken akper a i; né due, né tsuwe er anibuav ka ve due ken ityôr nahan.

YOHANE 1:7

Un yô, va sha u pasen kwagh, ka sha u pasen kwagh u iwanger la sha u ior cii ve̱ na jighjigh sha tom na la.

Duteronomi 32:2

Ityesen yam i̱ haa er ura nahan; kwaghôron wam a̱ gba er avure nahan, er ura u hamber sha agumatoho nahan, man er ura u nôôn sha ahu nahan.

Mbaajiriv 5:31

Mbaihomov Ou cii, ve̱ saa ishe nahan TERE! Kpa mba A doo ve ishima la yô, ve mba er iyange, zum u ka ia due sha agee a i nahan. Tsô tar la zua a mmem anyom akunduahar.