2 Samuel 23:3 - ICIGHAN BIBILO

³ Aôndo u Iserael kaa kwagh, Vande u Iserael ôr kwagh a mo: Or u hemban u a tem tor sha ior, u a tem tor, a cie Aôndo,

2 Samuel 23:3 Iomraidhean Croise

Genese 33:20

A ta atse a nan nagh sha mi heregh, a ii a iti er El-elohe-Iserael (ka Aôndo u Iserael A lu Aôndo ye).

2 Samuel 22:32

Gadia ka an nan lu Aôndo, saa TER tseegh gaa? Man ka an nan lu vande, saa Aôndo wase tseegh gaa?

2 Samuel 8:15

Davidi tema tor sha Iserael cii; Davidi ôron ior nav cii ijir sha mimi.

1 Utor 10:9

I̱ wuese TER, Aôndo wou, u u doo Un ishima A ver u sha ikônough ki torough ki Iserael; ka er Iserael a doo TER ishima gbem man A ver u tor er u̱ ôron ijir, shi u̱ eren perapera kpaa ye.

Nehemia 5:14

Man shi hii sha iyange i i verem gomna ve ken tar u Yuda la, hii sha inyom i sha ikundu la je zan zan ar sha inyom i sha ikundugber kar uhar i tor Artashaseta la, ka anyom pue kar ahar je la, mo vea anmgbianev av se ya kwaghyan u gomna ga.

Yobu 34:17

Á fatyô u or u vendan mimi nana lu ortaregh kpa? Ú cihi u na Un u A lu perapera man u ageegh ibo kpa?

Upasalmi 110:2

TER Una naregh tôgh ku ageegh Ough ken Shion, Una kaa er: Tema tor hen atô u mbaihomov Ou!

Upasalmi 42:9

Me pine Aôndo, vande wam, mer: Ka nyi m hungul We? Shi ka nyi m zenden m zungu sha ci u mkighir u mbaihomovo?

Upasalmi 72:1

Aôndo, na tor ajiraôron a Ou, na wan u tor perapera Wou.

Upasalmi 72:2

A̱ ôr ior Ou ijir sha perapera; mbaatsanev Ou kpaa sha mimi.

Ekesodu 18:21

Shi ú sange ior mba fan kwagh ken ior cii, mba ve cie Aôndo, mba mimi, mba ve vende inyaregh ki yamen ishô; ver ve sha ior, ve̱ lu mbavesen sha ior dubu dubu man sha ior deri man sha ior akunduahargber akunduahargber man sha ior pue pue,

Ekesodu 20:2

Ka Mo TER, M lu Aôndo wou, u M dugh a we ken tar u Igipiti, ken ya u ikpan ye.

Ekesodu 3:15

Shi Aôndo kaa a Mose er: Kaa Mbaiserael nahan wer: TER, Aôndo u uter enev, Aôndo u Aberaham man Aôndo u Isaka man Aôndo u Yakob, tindim hen a ven; ingin ka iti Yam gbem sha won je ne, ka sha i je á umbur Mo sha ikov ikov ye.

Anzaakaa 31:9

Bugh zwa wou ôr ijir sha mimi, ôr ijir i mbaatsanev kua mbaibanave sha mimi.

Yesaia 32:1

Nenge, tor ugen una tema tor sha perapera, atiator kpaa aa kura tar sha ijirôron i mimi.

Yeremia 23:5

Nenge, ayange nga van, kape TER A kaa ne, a Me mough Davidi a Gbaa u perapera, Una tema tor, Una eren kwagh sha kwaghfan, Una ôr ijir sha mimi man Una er perapera sha tar.

Sekaria 9:9

Ember tsung, we wankwase u Shion! Gbidye iwer we wankwase u Yerusalem; nenge, Tor wou ngu van her a we, Un ka u perapera je, man u hemban kpaa, u hiden a iyol Na ijime, A henda jaki, wan u mgbianjaki.

Duteronomi 32:4

Ka Vande, tom Na ngu vough; gadia igbenda Na cii, ngi jighilii. Ka Aôndo u jighjigh, ngu a ifer ga, Un ka u perapera man u mimi.

Mbaheberu 1:8

Kpa sha kwagh u Wan la yô, A kaa er: Aôndo, ikônough You ki torough yô, ka ki tsôron gbem sha won; ka tôgh ku perapera je, ku lu tôgh ku tartor Wou ye.