Kpa Yonatan wan u Saulu, lu a wan u sombon angahar. Anyom a na lu ataan zum u loho u Saulu man Yonatan va nyôr ken Yesereel la; yô, yese na tôô un nyôngoso a na; er lu nyôngoso zan fele fe fele la, a osough, a gba a sombo. Iti na er Mefibosheti.
Kahan un sule, we a ônov ou kua mbashilen we; vaan a iyiav kpaa sha u wan u orvesen wou a̱ zuan a kwaghyan yô; Mefibosheti wan u orvesen wou yô, una yaan kwagh sha tebul wam gbem. Yô, Shiba lu a ônov mba nomso pue kar utaan man mba shilen un ikundu.
Nahan Mefibosheti, wan u Yonatan, wan u Saulu, va hen Davidi, va gure kuma ishigh inya civir un. Davidi kaa a na er: Mefibosheti. A rumun er: Mo wanakiriki wou ne!
Davidi kaa a na er: De cie ga, gadia mimi je me er a we dedoo sha ci u teru Yonatan; me hide u a tar u teru, Saulu, cii; ú ya kwagh sha tebul wam gbem.
Tsô Yonatan kaa a Davidi er: TER, Aôndo u Iserael, A̱ lu shiada; shighen u me time kwagh hen terem kper shighe ne nahan, shin sha iyange i atar la, man m nenge a kwagh u tseren Davidi ga yô, me kera tindi á za pase u gaa?
Yonatan kaa a Davidi er: Za doo doo gadia se bum ayol a ase sha iti i TER ser: TER A̱ tema hen atô wase, mo vea we, man hen atô u tsombor wam a tsombor wou gbem sha won. Tsô a mough, a gba yemen, Yonatan gema hide ken gar.
Yô, gema er a wanye wou dedoo; gadia u vande yan ikur a wanye wou ken TER; kpa aluer ifer ia lu ken mo yô, wuam iyol you; gadia ka nyi je ú shi ú za a mo hen teru kpee?