2 Samuel 21:1 - ICIGHAN BIBILO

¹ Sha ayange a Davidi la, ijen gba anyom atar, sha adondo adondo; nahan Davidi ker ishigh ki TER. TER kaa a na er: Ka sha ci u ike i awambe ngi sha Saulu kua ya na sha ci u a wua Mbagibeon.

2 Samuel 21:1 Iomraidhean Croise

Genese 12:10

Tsô ijen gba hen tar la, nahan Aberam sen za shin Igipiti sha u una lu shir ker; gadia ijen taver hen tar la yum.

Genese 26:1

Ijen gba ken tar la, kpa ka ijen i hiihii i i kôr sha ayange a Aberaham la ga. Tsô Isaka za hen Abimeleki, tor u Mbafiliti, hen Gerar.

Genese 41:57

Tar cii gba van ken Igipiti hen Yosev sha u va yamen kwaghyan; gadia ijen kôr sha won cii.

Genese 42:5

Nahan ônov mba Iserael kpaa, za va ken mbavan mbala, sha u va yamen alakema; gadia ijen lu ken tar u Kanaan.

Genese 43:1

Ijen kôr ken tar la tsung.

2 Samuel 16:8

TER gema awambe a ya u Saulu cii, u u tem tor sha ityough nagh la, hile sha ityough you; TER gema tor na sha ikev i wan wou Abesalom ve; nenge, kwagh tser u sha ifer you, sha ci u u lu or u haan awambe yô.

2 Samuel 20:26

man Ira Oryair kpaa lu pristi u Davidi.

2 Samuel 21:5

Ve kaa a tor er, or u lu wua se man shi wa ishima u timin se er se̱ de kera luun ken ma veghertar u Iserael ga la,

2 Samuel 24:1

Tsô ishima shi vihi TER a Iserael, nahan A tor Davidi ityô sha u a̱ er ve kwagh u vihin yô. A kaa er: Za, za ôr iyenge i Iserael man i Yuda.

2 Samuel 5:19

Tsô Davidi pine TER, kaa er: M̱ kôndo m̱ za nôngo ityav a Mbafiliti? Ú na ve sha ikev yam shinii? TER kaa a Davidi er: Kôndo; gadia Me na Mbafiliti sha ikev you kpee je.

2 Samuel 5:23

Zum u Davidi pine TER yô, A kaa er: De kende ga, wa nev ken ijime ve, tsô ú za ta num sha a ve hen atine a balsem.

1 Utor 17:1

Tsô Eliya Ortishibi u hen Tishibi u ken Gileadi la, a kaa a Ahaba er: Mimi je, er TER, Aôndo u Iserael, u m til sha ishigh Nagh A lu u uma ne, avure aa kera gba ga, ura kpaa ua kera nôô ken anyom ne ga, saa sha imo yam.

1 Utor 18:2

Nahan Eliya za er una za ande hen Ahaba. Yô, ijen taver ken Samaria.

2 Utor 6:25

Zegejen gba ken Samaria; ve kase un a ityav je, i gema teen ityough ki jaki sha agbenger a azurfa akunduanyiin man akôngo a mkungu a a kom môm sha unyiin u ikaren i kab, sha agbenger a azurfa ataan.

2 Utor 8:1

Yô, Elisha ôr kwagh a kwase, u un hire wan na a uma her la, a kaa er: Mough, yem, we a ior mba hen ya wou, gba za teman shir henpe i doo u pe za teman tsô; gadia TER yila ijen er i̱ gba; ia gba hen tar ne anyom ataankarahar je.

Yobu 10:2

Me kaa a Aôndo mer: De nem ibo ga, kpa tesem kwagh u a er man U lu num a mo la.

Upasalmi 27:8

Ishima yam ngi ôron kwagh Wou er: Ker nen ishigh Yagh. Ka ishigh You je me ker ye, TERE.

Upasalmi 50:15

yilam sha iyange i ican, Me yima u, ú gema ú civir Mo.

Upasalmi 91:15

Zum u una yilam yô, Mo kpaa Me ungwa imo na; ken ican Mo Me lu a na, Me yima un, shi Me civir un kpaa.

Levitiku 26:26

Zum u Me vihi kwaghyan wen u ne suur sha mi la kera yô, kasev pue vea kaa bredi wen ken atse môm, vea kar bredi wen myohom man vea hide á na ne yô; né ya, kpa á kuma ne ga.

Numeri 27:21

Ka sha ishigh ki pristi Eleasar una tilen er a pinen ipasen i Urim sha ishigh ki TER sha ci na ye; ka sha imo na vea duen ye, shi ka sha imo na kpaa vea nyôron ye, un a Mbaiserael cii a na imôngo, ka ior cii je la

Yosua 7:1

Kpa Mbaiserael per tindi sha kwagh u i te icin sha mi la; gadia Akan wan u Karmi, wan u Sabedi, wan u Sera u ken kwe u Yuda, a tôô kwagh sha akaa a i te icin sha mi la; nahan ishima vihi TER a Mbaiserael tsung.

Yosua 9:20

Kwagh u sé er a ve yô, sé de ve uma, sha er iyugh i̱ de kera ve sha a vese ga, sha ci u mbum u se bum a ve yô.

Rutu 1:1

Tsô sha ayange a mbajiriv lu sôron tar la, ijen gba hen tar la. Nahan or u Betelehem u ken Yuda la yem shir ken tar u Moabi, un vea kwase na man ônov nav mba nomso uhar.

1 Samuel 10:22

Nahan ve seer pinen TER er: Shin ma orgen ngu u nana shi á va heene? TER gema kaa er: Nenge, a yer ken uika.

1 Samuel 23:11

Shin ior mba Keila vea nam sha ikev naou? Shin Saulu una sen er wanye wou a ongo nahanou? TERE, Aôndo u Iserael, shi kaa wanakiriki wou. Tsô TER kaa er: Una sen.

1 Samuel 23:2

Nahan Davidi pine imo i TER, a kaa er: M̱ za, m̱ za wua Mbafiliti mban shinii? TER kaa a Davidi er: Za, za hemba Mbafiliti, yima Keila.

1 Samuel 23:4

Tsô Davidi shi pine imo i TER. TER kaa un er: Mough, sen shin Keila, gadia Me na Mbafiliti sha ikev you.