2 Samuel 16:4 - ICIGHAN BIBILO

⁴ Nahan tor kaa a Shiba er: Nenge, akaa a a lu a Mefibosheti cii a hingir a ou. Nahan Shiba kaa er: M gure m civir, ma i shi doo terem tor a mo.

2 Samuel 16:4 Iomraidhean Croise

2 Samuel 14:22

Tsô Yoabi gure kuma ishigh inya, sugh, ver tor doo doo. Yoabi kaa er: Nyian, wanakiriki wou fa er i doo u a mo terem tor, sha er tor a er sha zamber u wanakiriki na yô.

2 Samuel 14:4

Zum u kwase u Tekoa la, va nyôr hen tor yô, a gure a kuma ishigh inya, a sugh, a kaa er: Ahii! Tor wasem!

2 Samuel 14:8

Tor gema kaa a kwase la er: Yem hen ya wou, mo me kaa imo sha kwagh wou.

2 Samuel 16:3

Tsô tor pine er: Wan u orvesen wou ngu hana? Shiba gema kaa a tor er: Nenge, a tema ken Yerusalem, gadia ngu kaan er: Nyian, ya u Iserael vea hidem a tor u terem.

2 Samuel 16:5

Zum u tor Davidi va ar hen Bahurim yô, nengen, or ugen u hen tsombor u ya u Saulu, iti na er Shimei, wan u Gera, due; a due, a gba tuhwan zan.

2 Samuel 19:27

A za vihi iti i wanakiriki wou hen terem tor; nahan kpaa terem tor ngu er ortyom u Aôndo yô; nahan gba eren kwagh u a doo u tsô.

2 Samuel 9:6

Nahan Mefibosheti, wan u Yonatan, wan u Saulu, va hen Davidi, va gure kuma ishigh inya civir un. Davidi kaa a na er: Mefibosheti. A rumun er: Mo wanakiriki wou ne!

2 Samuel 9:9

Nahan tor yila Shiba, wanakiriki u Saulu la, kaa a na er: Kwagh u ngise lu u Saulu cii kua ya na cii kpaa, m na wan u orvesen wou ne.

Ekesodu 23:8

Man shi de ngohol inyaregh ki yamen ishô a mi la ga; gadia inyaregh ki yamen ishô a mi la, ki pirin mba ve nenge la ashe, shi ki nzughul mbaperapera ijir kpaa.

Anzaakaa 18:13

Or u nan kaa imo je er nan lu a ungwa ga yô, á hingir lanegh ku nan man kwagh u kunya kpaa.

Anzaakaa 18:17

Or u nan vande van a ityôikaa i nan yô, ka i nenge nan a mimi, kpa or u wan ndor a nan a gema a va time kwagh u nan dedoo.

Anzaakaa 19:2

U lun a gbashima man mfe lun ga yô, doo ga, or u nan zenden fefa sha angahar a nan yô, ka nan kar kpe.

Duteronomi 19:15

Orshiada môm tseegh nana̱ de eren shiada sha or nana̱ pase hanma injaifer i nan, shin hanma injaisholibo i nan, á lu nyityô isholibo i or la nana er kpaa ga; ka sha zwa u mbashiada uhar shin sha zwa u mbashiada utar man kwagh una kure ye.