2 Samuel 16:1 - ICIGHAN BIBILO

¹ Er Davidi za poson ityough ki igungu la ciôn yô, Shiba wanakiriki u Mefibosheti va kohol un a ujaki uhar a ushidi; ve tôô ikpenbredi deri uhar man asume a atam a wain a uman deri man atam a ikon a vian deri kua ikpa i wain.

2 Samuel 16:1 Iomraidhean Croise

2 Samuel 15:30

Tsô Davidi gba kôndon sha gbenda u unden sha uwo u Olev la, lu vaan unden, a yisa ityough nagh, lu yemen, lu a akôv shin angahar ga; ior mba ve lu a na imôngo cii ve yisa ityough vev seer seer, ve lu kôndon vaan yemen.

2 Samuel 15:32

Tsô, er Davidi unde sha igungu henpe i civir Aôndo la yô, nenge, Hushai Orarkiti va kegh un gbenda, a ianden riga iyol, lu a inya sha ityou kpaa.

2 Samuel 19:17

ior i Benyamin dubu lu a na imôngo, man Shiba u hen ya u Saulu a ônov nav pue kar utaan kua mbatomov nav ikundu a na imôngo kpaa; ve per hen Yordan sha ashe a tor je.

2 Samuel 19:32

Barshilai bee iyol kpishi, anyom a na lu akunduanyiin; a koson tor er a lu ken Mahanaim la, gadia un lu shagbaor kpekpe.

1 Kroniku 12:40

Man shi mba ve lu anmgbianev vev yô, zan zan ar hen Isakar man Sebulon man Nafetali kpaa, ve va a kwaghyan sha ujaki man sha urakumi man sha mbaalfadari man sha ibua, kwaghyan er mwem, man azen a tur, man asume a atam a wain a ombor, man wain kua mkurem, man ibua kua iyôngo kpishi; gadia saan Iserael iyol kpishi.

Anzaakaa 18:16

Iwua i or ka i sôr nan ijiir i teman, man ka i za a nan sha ishigh ki ashagbaior kpaa.

Yeremia 40:10

Kpa mo yô, nenge me tema hen Misepa sha u tilen sha ishigh ki Mbakaldi, mba vea va her a vese yô; kpa ne yô, kohol nen zar u wain, man atam a ikon sha wangernyom, man mkurem, koso nen ken atum a en, man tema nen ken agar a en a ne ngohol a yô.

Yeremia 40:12

nahan Mbayuda cii za hide ken ajiir a i zenda ve, ve yem ker la, ve va hen tar u Yuda, ve za hen Gedalia hen Misepa; nahan ve kohol zar u wain man atam a ikon a sha wangernyom kpen kpen.

Amoshi 8:1

Ter AÔNDO tesem nahan: yô, nenge, ikese i atamaikon a inyom.

Mika 7:1

Kpe ahii! Gadia m hingir er shighe u i vande kohol atam a ikon a fam kera, er twar u yaren sha atam a ikon i wain nahan; sumegh ku atam a wain ku yan, kera ku ga, shin ityamegh ki tur ki tsutswa ki ki sarem yum la kpaa ki ga.

1 Samuel 10:3

Tsô ú karen heera yô, ú za ar hen kon u terebin u Tabor, ior itiar vea kohol we her, mba zan hen Aôndo hen Betel, u môm tôô anivoov utar, ugen tôô ikpenbredi itiar, ugen shi tôô ishegh i wain;

1 Samuel 16:20

Tsô Yese kôr jaki, shi tôô bredi man ikpa i wain kua anivo, tindi Saulu a mi sha ikev i wan na Davidi.

1 Samuel 25:18

Tsô Abigail tôô ikpenbredi deri uhar fefa kua akpa a wain ahar man iyôngo itian i i vande sôngon i i bur dedoo yô, man alakema u kaan uikaren utaan, man asume a atam a wain a ombor deri man azen a atam a tur a uman deri uhar, a penda akaa la cii sha ujaki.