2 Samuel 15:8 - ICIGHAN BIBILO

⁸ Gadia wanakiriki wou tsegha zwa er m lu ken Geshur u Shiria la je, m kaa mer: Aluer TER Una hide a mo ken Yerusalem mimi je yô, nahan me civir TER.

2 Samuel 15:8 Iomraidhean Croise

2 Samuel 14:23

Nahan Yoabi mough za ken Geshur za kua a Abesalom va a na ken Yerusalem.

2 Samuel 14:32

Abesalom gema kaa a Yoabi er: Nenge ase, m tindi loho her a we, mer, va heen, me tindi u hen tor, za pine un wer, inja na nan man m hir ken Geshur? Guda u ma m lu keregh zan zan nyian; yô, kam pe nengen a ishigh ki tor; aluer mea lu a ibo yô, a̱ wuam tsô.

2 Samuel 15:9

Tor kaa a na er: Yô, za doo doo. Tsô a mough a za ken Heberon.

2 Samuel 3:3

u sha uhar lu Kileabi, a mar un a Abigail kwase u Nabal, Orkarmel; u sha utar lu Abesalom wan u Maaka wan u Talmai, tor u Geshur;

Upasalmi 56:12

Uiceghzwa mba m tsegh a We, mba sha a mo, Aôndo; me na U nagh ku ishughun.

Orpasenkwagh 5:4

Zum u wea tsegha zwa sha ishigh ki Aôndo yô, de kera ngôôr u eren sha mi ga, gadia doo Un a abumeaior ga; yô, er kwagh u u tsegh zwa sha mi la.

Yesaia 28:15

Gadia ne kaa ner: Se ya ikur a ku, se zua zwa a Sheol, zum u bocan u van sha agee una va karen la, una va hen vese ga; gadia se gema aie hingir se ijiir i yeren, man se yer ayol ase ken icugh je.

Yeremia 42:20

gadia ne tsume je ne vihi uuma enev kera; gadia ne tindim hen TER, Aôndo wen, ner: Sôn TER, Aôndo wase, sha ci wase, kwagh u TER, Aôndo wase, Una ôr cii yô, pase se, sé er un.

Yosua 24:15

Kpa aluer, u civir TER, á lu ne kwagh u bo yô, tsuwa nen u i lu ne ka civir la nyian, shin a lu Mbaaôndo mba Ifi yandera mba uter enev lu civir la, shin mbaaôndo mba Mbaamor, mba ne tem ken tar ve ne; kpa mo a ya wam cii yô, ka TER sé civir Un ye.

1 Samuel 1:11

Nahan a tsegha zwa a kaa er: TER u akum a Sha, aluer Wea rumun, Wea nenge ican i kpan Wou u kwase, Wea umbur mo, kpan Wou u kwase á hungul We ga, Wea na kpan Wou u kwase wan u nomso yô, mo kpaa me na TER un sha ayange a á lu uma cii, atsem kpaa á kar un sha ityou ga.

1 Samuel 16:2

Kpa Samuel gema pine er: Me er na man me zaa? Aluer Saulu una ungwa nahan yô, una wuam. Nahan TER kaa er: Kôr tulebua, za a mi za kaa wer, m va sha u me va na TER nagh.