2 Samuel 12:9 - ICIGHAN BIBILO

⁹ Man ka nyi u laha kwaghôron u TER, u er iferkwagh ne sha ashe Na nahana? U wua Uria Orhiti sha sanker, u tôô kwase na a hingir kwase wou; u wua un sha sanker u Mbaamon.

2 Samuel 12:9 Iomraidhean Croise

2 Samuel 11:4

Tsô Davidi tindi mbatyomov za kua a na; ve hen a na yô, a yav a na (gadia a sember wanger iyol na sha mlu na u wang ga la). Tsô a hide hen ya na.

2 Samuel 12:10

Nahan hegen yô, sanker una kar hen ya wou kera ga; sha ci u u laham u tee kwase u Uria Orhiti a hingir kwase wou yô.

2 Samuel 16:7

Shimei lu tuhwan kaan er: Yem kera, yem kera, we or u haan awambe, we gbilinor ne;

1 Utor 15:5

gadia Davidi er kwagh u jighilii sha ishigh ki TER, a undu ma kwagh u A kaa un ga, sha ayange a uma na cii, saa di sha kwagh u Uria Orhiti la tsô.

1 Utor 21:19

Za ôr kwagh a na wer: TER ngu kaan nahan er: U wua, shi ú kôr u ngoholo? Yô, shi ôr kwagh a na kaa wer: TER ngu kaan nahan er: Henpe iwa i ndiar awambe a Naboti la, iwa shi ia ndiar awambe a ou je.

2 Kroniku 33:6

Man shi a er ônov nav ve kar ken atô u usu shin pev u wan u Hinom; a eren ahir man lu veren ishima sha ishor i kpehen, man a lu a ukurayol; a ver mba ve lu a ujijingi mba mbakpenev, man mba tsengan pasen akaa; a er ifer kpishi sha ishigh ki TER, sha u bamen Un.

Upasalmi 51:14

Warem sha ike i awambe, Aôndo, We, Aôndo u myom wam, nahan nombor wam ua wa icam ua wuese perapera Wou.

Upasalmi 51:16

Saan We ken ishima a nagh ku sôngon ga, gayô ma m ne ku; nagh ku nanden kpaa doo U ga.

Upasalmi 51:4

Ka We tseegh, m er U isholibo ye, m er kwagh u a lu u bo sha ishigh You; sha er Ú lu a ishô zum u U ôron kwagh, Ú lu wang zum u U lu ôron ijir la.

Upasalmi 90:8

U ver aferakaa ase sha ishigh You, asorabo ase a ken myer kpaa, U ver a ken iwanger i ishigh You.

Anzaakaa 14:2

Or u nan zenden sha mimi u nan yô, nan ngu cian TER, kpa u nan lu dang sha ieren i nan yô, nan ngu lahan Un.

Yesaia 5:24

Nahan yô, er nomborusu ka u hia atôayia man er toho u uman kpaa ka u haa inya sha usu, kape mise ve ua vôngo la, imondon ve kpaa una mough er ihundu yô, gadia ve venda ityesen i TER u akum a Sha, ve laha kwaghôron u Icighan u Iserael la.

Yeremia 18:10

kpa aluer vea er ifer sha ishigh Yagh, vea wa iko sha imo Yam ga yô, nahan Me vaa afanyô, Me de kwagh u doon u M kaa Mer, Me er ve la.

Amoshi 2:4

TER ngu kaan nahan er: Sha ci u atindi a peren atar a Yuda, een, sha ci u anyiin je yô, Me kera hide a mtsaha na ijime ga, gadia ve venda atindiakaa a TER, ve wa akaawan a Na iko ga, mbaaie vev na ve mtsum, mba uter vev lu zenden sha mi la;

1 Samuel 15:19

Inja na nan u ongo imo i TER ga, u gem u kumbur sha ishar, u er kwaghbo sha ishigh ki TERE?

1 Samuel 15:23

Gadia, u hendan kwagh, ka er ishor i kpehen nahan, man ityough ki taver gema ka er akombo a sôron kua eev mbu civir nahan. Er u vende u ungwan imo i TER yô, Un kpaa A venda u, u shi lun tor.

1 Samuel 15:26

Kpa Samuel venda a Saulu er: Me hide a we imôngo ga, gadia u venda kwaghôron u TER, nahan TER kpaa venda u u shi lun tor u Iserael.