2 Samuel 12:7 - ICIGHAN BIBILO

⁷ Tsô Natan gema kaa a Davidi er: Ka we je, u lu or shon ye! TER, Aôndo u Iserael, ngu kaan nahan er: Mo M shighe u mkurem u hingir tor u Iserael, Mo M yima u sha ikev i Saulu kpaa;

2 Samuel 12:7 Iomraidhean Croise

2 Samuel 14:13

Nahan kwase la kaa er: Ka nyi u hen kwagh ne sha ior mba Aôndoo? Gadia sha kwaghôron ne nahan, tor hingir er ka or u lun a ibo yô, sha er tor a hide a or na u i zende nan la ga yô.

2 Samuel 22:1

Tsô Davidi ôr kwagh a TER sha asemberakaa a icam ne sha iyange i TER yima un sha ikev i mbaihomov nav cii, kua sha ikev i Saulu kpaa la.

2 Samuel 22:49

u A due a mo sha ikev i mbaihomov av; een, U kendem sha sha mba ve hendan a mo; U yimam sha ikev i iferor.

2 Samuel 7:8

Yô, za kaa wanakiriki Wam Davidi nahan wer, TER u akum a Sha ngu kaa nahan er: M tôô u hen ijiir i ilev yan toho, ken ijime i uile Mer, hingir or u hemen ior Av, Iserael;

1 Utor 14:7

Hide, za kaa Yerobiam wer: TER, Aôndo u Iserael, ngu kaan nahan er: Er M kende u sha ken ior, M ver u orhemen sha ior Av Iserael,

1 Utor 18:18

A gema a kaa er: Ka mo m nzughul a Iserael ga, kpa ka we kua ya u teru, sha er u undu atindi a TER, u gem u dondo sha Ubaal yô.

1 Utor 20:40

Tsô er wanakiriki wou lu eren kwagh kera wue wue yô, or la osough. Tor u Iserael gema kaa a na er: Kape ijir you ia lu je la; we iyol you je u kure i.

1 Utor 20:42

A gema a kaa a na er: TER ngu kaan nahan er: Er u de or u M ver un Mer a̱ tim, a osough we sha ikev yô, uma wou una lu sha ityough ki uma na, ior ou kpaa sha ityough ki ior nav.

Upasalmi 18:1

U doom ishima tsung je, TERE, We u U lu agee am!

Yeremia 34:6

Tsô profeti Yeremia ôr akaa angan cii a Sedekia tor u Yuda ken Yerusalem,

Daniel 4:22

ka we tor; u vese, u taver, gadia icivir you seer je ar sha, man tartor wou kpaa tser tar cii.

Mateu 14:14

Tsô Yesu dugh yô, A nenge a ikpelaior kpishi; nahan mhôônom kôr Un a ve, A bee mbauangev vev angev.

1 Samuel 13:13

Samuel kaa a Saulu er: U er ibumekwagh; u wa kwagh u TER, Aôndo wou, A kaa u la iko ga; gadia TER ma A ver tartor wou sha Iserael ma u taver gbem.

1 Samuel 15:17

Samuel kaa er: Er u nenge iyol you kpeghee nahan, u gema u hingir orhemen u ikwe i Iserael gaa? TER kpaa shighe u mkurem ver u tor sha Iserael;

1 Samuel 16:13

Tsô Samuel tôô korough ku mkure, a shighe un mkurem hen atô u anmgbianev nav; Jijingi u TER kpaa kende Davidi sha agee, hii sha iyange la je man ken hemen kpaa. Tsô Samuel mough, yem hen Rama.

1 Samuel 18:11

Nahan Saulu ker iwange la; a kaa er: Me tume Davidi je i̱ kar i̱ kôr ken kpekpe; kpa Davidi palegh kar kera kuma kwa har je.

1 Samuel 18:21

Saulu kaa er: Me na un un, a̱ hingir kwagh u hônon un a min, uwegh ku Mbafiliti ku̱ lu ihom a na. Ka nahan man Saulu kaa a Davidi er: Nyian ka kwa har je, u lu wan wam kem ne.

1 Samuel 23:14

Tsô Davidi tema a ne nagh ken toho man ken ajiir a yeren a sha iwo, kua sha tar u iwoogh ken desereti u Shiv. Saulu gba keren un ayange ayange; kpa Aôndo na un sha ikev na ga.

1 Samuel 23:7

Tsô i va ôr Saulu er, Davidi va hen Keila. Nahan Saulu kaa er: Aôndo na un sha ikev yam kera ve; gadia a wuhe iyol na je, er a nyer ken gar u lun a ihinda i iyôô kua uishindan mba iyôôv yô.