2 Samuel 11:11 - ICIGHAN BIBILO

¹¹ Uria gema kaa a Davidi er: Areki man Iserael kua Yuda mba tsan ken atumbe; terem Yoabi man mbashilen terem mba ken afo ken toho, man mo m̱ gema m̱ yem hen ya wam, m̱ za ya kwagh m̱ ma kwagh shi m̱ tsa a kwase wama? Er u lu uma ne, m bum uma wou, mayange me er nahan ga.

2 Samuel 11:11 Iomraidhean Croise

2 Samuel 11:10

Kpa er i za kaa Davidi er: Uria za hen ya na ga yô, Davidi kaa a Uria er: Ka ken zende u za hir gaa? Man ka nyi u ze hen ya wou ga?

2 Samuel 14:19

Tsô tor pine er: Uwegh ku Yoabi ku a we sha kwagh ne cii shinii? Nahan kwase la kaa er: Een, er u lu uma ne tor, ma or u geman ken iyan shin ken imese sha u undun kwagh u terem tor a kaa, môm nan ngu ga; een, ka wanakiriki wou Yoabi a we kwagh, shi ka wen a tam kwaghôron ne cii a we kpan wou u kwase ken zwa kpaa ye;

2 Samuel 20:6

Tsô Davidi gema kaa a Abishai er: Hegen Sheba wan u Bikeri una er se kwagh u bo á hemba u Abesalom la; yô, kua a mbayev mba teru, zenda un ijime sha er a̱ de nyer ken agar a i maa a ugil, a̱ ndiir se ashe ga.

2 Samuel 7:2

tor kaa a profeti Natan er: Nenge, mo m tema ken iyou i ikon i sedar, kpa areki u Aôndo yô, gema ngu tsan ken tenti tsô.

2 Samuel 7:6

Gadia hii sha iyange i M due a ônov mba Iserael ken Igipiti la je zan zan nyian, M ngu a tema ken ma iyou ga, kpa ka ken tenti, ka ken tabernakel M lu zenden ye.

Numeri 32:6

Tsô Mose kaa a ônov mba Gadi man ônov mba Ruben er: Nahan yô, anmgbianev enev ve̱ za ityav, ne né tema heen zee?

YOHANE 13:14

Yô, aluer Mo u M lu Ter man Ortesen, M ôô ne angahar yô, nahan ka u ne kpaa ne ôô ayol a en angahar nahan keng.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:12

Aluer se wa ishima yô, sé ya tor a Na imôngo. Aluer se nyiman Un yô, Un kpaa Una nyiman se.

1 Samuel 1:26

A kaa er: Terem, mimi je, er u lu uma ne terem, ka mo kwase u iyange m tile hen we heen sônon TER ne.

1 Samuel 14:18

Tsô Saulu kaa a Ahia er: Va a areki u Aôndo heen. Gadia her ayange la areki u Aôndo lu ken Iserael.

1 Samuel 17:55

Zum u Saulu nenge Davidi due sha u za nôngon a Orfiliti la yô, a pine kurutya na Abiner, er: Abiner, wanye ne ka wan u ana? Abiner kaa er: Mimi je, tor, er u lu uma ne m fa ga.

1 Samuel 20:3

Kpa Davidi bum, kaa er: Teru fa dedoo je er i doo u a mo yô; ngu kaan je er, Yonatan a̱ de fe kwagh ne ga, sha er ishima ia vihi un ga yô; kpa mimi je, er TER A lu u uma, man we kpaa u lu uma ne, mo a ku yô, kuma iavennguhar i môm tsô.

1 Samuel 25:26

Hegen yô, terem, mimi je, er TER A lu u uma ne, man we kpaa u lu uma ne yô, ka TER A yange u ike i awambe man iyevoron sha uwegh ough iyol you ye; yô, mbaihomov ou man mba ve keren terem a ifer la, ve̱ hingir er Nabal nahan.

1 Samuel 4:4

Tsô ior tindi loho hen Shilo, i za va a areki u ikuryan u TER u akum a Sha u A tem hen atô u ucerubi la; ônov mba Eli mba uhar mbala, Hofeni man Pinehashi, ve lu a areki u ikuryan i Aôndo.