2 Samuel 11:1 - ICIGHAN BIBILO

¹ Tsô sha inyom i he, sha shighe u utor ka ve zaan ityav la yô, Davidi tindi Yoabi a mbashilen un kua Iserael cii; ve za tim Mbaamon, ve za kase Raba sha utya. Kpa Davidi yô, lu ken Yerusalem.

2 Samuel 11:1 Iomraidhean Croise

2 Samuel 10:14

Zum u Mbaamon nenge Mbashiria mba ngur yevese yô, ve di kpaa ve yevese Abishai, ve za nyôr ken gar. Tsô Yoabi de Mbaamon, a hide ken Yerusalem.

1 Utor 20:22

Tsô profeti kporom hen tor u Iserael kaa a na er: Za za waan ago iyol, man ver ishima kpaa, nenge sha kwagh u ú er yô; gadia sha mhii u inyom yô, tor u Shiria una shi á va nôngo ityav a we.

1 Utor 20:26

Tsô sha mhii u inyom la yô, tor Benhada kohol Mbashiria, kôndo sha Afeki, sha u za nôngon ityav a Iserael.

1 Kroniku 20:1

Tsô sha inyom i he, sha shighe u utor ka ve zaan ityav la yô, Yoabi mough a akumautya a ageegh, due a ve, za vihi tar u Mbaamon, shi za kase Raba sha utya. Kpa Davidi gema lu ken Yerusalem. Yoabi hemba Raba, tim un.

2 Kroniku 36:10

Er inyom i he i kom yô, tor Nebukadinesar tindi er i̱ va a na ken Babilon, kua ikav mbi dedoo mbi iyou i TER la kpaa; a gema a ver anngô na Sedekia tor sha Yuda man Yerusalem.

Upasalmi 60:9

Ka an nana za a mo ken gar u taveraa? Ka an nan fetyô u zan a mo ken Edomo?

Orpasenkwagh 3:8

shighe u lun a dooshima, man shighe u kôron ihom; shighe u nôngon ityav, man shighe u bem.

Yeremia 49:2

Nahan yô, nenge, ayange nga van, kape TER A kaa ne, a Me na á ungwa shishavaa u utya sha Raba u Mbaamon; una hingir atihialôgh, man agar a na a kiriki yô, á nande a sha usu; tsô Iserael una ya dyako u mbala mba ve ye un dyako la, kape TER A kaa ne.

Yeremia 49:3

Vaa, we Heshebon, gadia i tim Ai kera; ngor nen mliam ônkasev mba Raba, ta nen akondo uya, zungwe nen, yevese nen hurugh hurugh, her atô u ugar mba ishulev; gadia á yem a Milkom uikangen a upristi nav man atiator a na imôngo.

Esekiel 21:20

Yô, ver gbenda u sanker una va ken Raba u Mbaamon, man hen Yuda ken Yerusalem u a lu a gilgar la.

Amoshi 1:14

nahan Me keer usu sha gilgar u Raba, ua hia ayouator a na, a amo a geren sha iyange i utya, sha ijeverahumbe kpaa sha iyange i zegehiar;

Sekaria 14:3

Zum la TER Una due, Una nôngo ityav a akuraior la, er ka A nôngo sha iyange i utya nahan.

Duteronomi 3:11

(Gadia Ogo tor u Bashan la, ka un tseegh mase shin ken Mbarefai ye; gambe na lu gambeiyô; ka ken Raba u ken ônov mba Mbaamon a lu ye gaa? Ityaven na ka aseva ataankaranyiin je, igbangese na gema ka aseva anyiin je, sha ishiva i karen kwagh a mi keke la.)

1 Samuel 18:30

Tsô atiator a Mbafiliti due; nahan hanma shighe u vea due yô, kwagh a hemba laghen Davidi a mbayev mba Saulu cii, je iti na za gwa kpishi.