2 Samuel 1:16 - ICIGHAN BIBILO

¹⁶ Davidi kaa a na er: Ike i awambe ou i̱ hide sha ityough you, gadia ka zwa wou je u pase u ye, er u kaa wer: M wua or u TER, u i shigh nan mkurem yô.

2 Samuel 1:16 Iomraidhean Croise

2 Samuel 1:10

Tsô m va tile a na, m wua un, gadia m fa una kera fatyô u shi lun uma er a vande gban la ga; nahan m tôô idyer i tor i sha ityough nagh la man ihye i ken uwegh nagh m va a mi hen terem heen.

2 Samuel 16:8

TER gema awambe a ya u Saulu cii, u u tem tor sha ityough nagh la, hile sha ityough you; TER gema tor na sha ikev i wan wou Abesalom ve; nenge, kwagh tser u sha ifer you, sha ci u u lu or u haan awambe yô.

1 Utor 2:37

Gadia iyange i ú due, ú per uwagh u Kideron yô, fa dedoo, ú kpe keng, awambe a ou aa lu sha ityough you.

Yobu 15:6

Ka zwa wou je, u ne u ibo ye, ka mo ga! Een, ka zwa wou iyol you je, u lu pasen ibo you ye.

Anzaakaa 6:2

i hôn u sha kwaghôron u sha zwa wou, i kôr u sha kwaghôron u sha zwa wou je ve;

Esekiel 18:13

una na injô una wa mngerem una ngohol mtsera, nahan shi una lu umaa? Mayange una lu uma ga. A er akaa a ndôhôrshima ne cii; á wua un kpee; ike i awambe a na ia hide sha ityough nagh.

Esekiel 33:5

Nan ungwa mkaa u kor, kpa nan wa iko ga, awambe a nan aa lu sha ityough ki nan; kpa aluer nana we iko sha kwaghwan la yô, ma nan yem uma u nan.

Levitiku 20:16

Man aluer kwase nana mgbôghom a ma zendenya sha u a̱ unde nan yô, i̱ wua kwase la kua zendenya la; i̱ wua ve kpee je, awambe a ve a̱ lu sha ityouv vev.

Levitiku 20:27

Aluer nomsoor shin kwase nana lu a jijingi u orkpen shin tsenganpasen akaa yô, i̱ wua ve kpee, i̱ ta ve awen; awambe a ve a̱ lu sha ityouv vev.

Levitiku 20:9

Gadia hanma or u nan toho ter u nan shin ngô u nan yô, i̱ wua nan kpee je, nan tuhwa ter u nan shin ngô u nan je; awambe a nan a̱ lu sha ityough ki nan.

Mateu 27:25

Ikpelaior la cii gema kaa er: Awambe a Na a̱ lu sha a vese kua sha ônov asev kpaa.

Luka 19:22

Kpa a kaa a na er: Ka sha kwagh ôron u ken zwa wou je man me ôr u ijir ye, we ortom u ifer ne! U fa er m lu nomor yô, m tee henpe m ver ga, man m sondo henpe m lee kpaa ga yô.

Aerenakaa A Mbaapostoli 18:6

Tsô er ve lu nyiman ngegh, man tuhwan a tuhwa kpaa yô, a nduur akondo na, a kaa a ve er: Awambe a en a̱ hide sha ityough yenegh; mo yô, m ngu a ishô sha kwagh ne; masen yam yemen ken atôatyev je ne.

Aerenakaa A Mbaapostoli 20:26

Ka sha ci u nahan man m pase ne nyian ye, mo m ngu a ishô sha awambe a ior cii.

Mbaromanu 3:19

Se fa, hanma kwagh u atindi a lu ôron yô, nga ôron a mba ve lu sha ikev i atindigh la sha u ilyam a̱ tôndo hanma or zwa man tar cii u̱ ya ibo sha ishigh ki Aôndo.

Duteronomi 19:10

sha er i̱ de hee awambe a orishôôgh ken tar u TER, Aôndo wou, Una na u dyako la, man ibo i awambe la i̱ hide sha a we ga.

Yosua 2:19

Nahan, aluer ma or nana due hen hunda u ya wou kera yô, ibo i awambe a nan ia lu sha ityough ki nan, se yô, sé lu a ishô; kpa ma or u nana lu ken ya wou a we imôngo yô, ibo i awambe a nan ia lu sha ityough yasegh, aluer mô wase nana bende nan ave yô.

Mbaajiriv 9:24

sha ci u kwagh u aperagh u i er ônov mba Yerubaal akunduatargber mba i haa awambe ve inya la, a̱ hide sha ityough ki Abimeleki, anngô ve, u a wua ve la, man sha ior mba Shekem mba ve taver un ishima sha u a̱ wua anngôôv nav la.

1 Samuel 25:39

Er Davidi ungwa er Nabal a kpe yô, a kaa er: I̱ wuese TER u A kurum ijir sha ilyahan i Nabal a laham a mi la, man A yange wanye Na u eren ifer kpaa yô; kpa TER hide a ifer i Nabal sha ityough nagh. Nahan Davidi tindi i ôr kwagh a Abigail, er sar un pe eren un.

1 Samuel 26:9

Kpa Davidi kaa a Abishai er: De woo un ga; gadia ka an nana cihi nana za uwegh ku nan sha or u TER, u i shigh un mkurem, man nana lu a ishô?