2 Peteru 3:18 - ICIGHAN BIBILO

¹⁸ Kpa seer vesen nen sha mrumun u sha mhôôn man sha mfe u ne fe Yesu Kristu Ter wase man Oryiman wase la. Ka Un i̱ civir Un ye, hegen zan zan sha iyange i tsôron la kpaa. Amen.

2 Peteru 3:18 Iomraidhean Croise

Upasalmi 92:12

Orperapera nana vese, nana hôm yaghelaa er kughugh nahan, nana vese er sedar u sha Lebanon yô.

Hosea 14:5

Me hingir hen Iserael er avure nahan; una mondo er ityombo nahan, una ta amise a na er Lebanon nahan.

Malaki 4:2

Kpa ne mba ne cie iti Yam yô, iyange i perapera ia due ne a mbee u uange ken akper a i; né due, né tsuwe er anibuav ka ve due ken ityôr nahan.

Mateu 28:20

Tesen nen ve u kuran akaa a M we ne kwagh sha mi cii; nenge, Me luun a ven ayange ayange zan zan mkurtar je.

Mateu 6:13

man shi de ze a vese hen ape imeen i lu ga, kpa yima se sha ifer. (Gadia tartor ka u Wou kua agee man icivir kpaa, gbem sha won. Amen)

YOHANE 17:3

Man uma u tsôron yô, ka u ve̱ fa U, We Aôndo u mimi tswen, man shi Un u U tindi la, ka Yesu Kristu.

YOHANE 5:23

sha er ior cii ve̱ civir Wan er ve civir Ter nahan. Or u nan civir Wan ga yô, nan civir Ter u A tindi Un la kpaa ga.

Mbaromanu 11:36

Gadia akaa cii ka her a Na a dugh, man ka sha a Na a lu her, shi ka sha a Na a lu veren ishigh kpaa ye. Un yô, icivir i̱ lu i Na gbem sha won. Amen.

2 Mbakorinte 4:6

Ka Aôndo u A kaa er, iwanger i̱ wanger ken ime la, A lu tan iwanger ken asema ase ye, sha u mkav u iengem i Aôndo i sha ishigh ki Kristu la i̱ wanger se yô.

Mbaefese 1:17

sha er Aôndo u Ter wase Yesu Kristu Ter u iengem A̱ na ne jijingi u mfe man u mpase sha u fan Un,

Mbaefese 4:15

Kpa er se luun ken mimi sha dooshima yô, sé vesen sha akaa cii ken Un u A lu ityough, ka Kristu je la.

Mbafilipi 3:8

Mimi je m nenge akaa cii hingir mo msaa sha ci u mfe u fan Kristu Yesu Terem la a hembe ica yum yô. Ka sha ci Na man m de akaa cii a saam ye, m nenge a hingir mo hôngor sha u Kristu Una lu mtsera wam yô,

Mbakolose 1:10

sha u ne̱ zende zende u u kom Ter, ne̱ doon Un ken akaa cii, ne̱ umen atam ken hanma tom u dedoo, shi ne̱ vesen ken kwaghfan u Aôndo,

Mbakolose 3:10

ne haa orhe iyol u ka i sôr un hegh sha u una lu a kwaghfan u sha inja i ibeen i Un u A gbe un la.

2 Timoteu 1:3

Ka u sé sugh Aôndo ayange ayange sha ci wen, anmgbianev, er i doo u eren yô, gadia jighjigh wen u nan ngu seer je zua iyol ga, man dooshima u hanmô wen hen ayol a en kpaa ngu ngeen je,

WASHIKA U SHA UHAR U PAULU APOSTOLI TINDI HEN TIMOTEU - 2TI 4:18

Man Ter Una yimam sha hanma tom u dang, Una warem sha u m̱ nyôr tartor Na u Sha. Icivir i̱ lu i Na gbem sha won. Amen.

1 Peteru 2:2

man atumba a man a mimi a sha kwaghôron u Aôndo la a̱ sar ne tsung er anikundanev mba forototo nahan, sha er né vese sha mi u zan ken myom yô,

2 Peteru 1:11

Gadia ka nahan man á hemba nan ne u nyôron tartor u tsôron u Yesu Kristu, Ter wase man Oryiman wase enger enger ye.

2 Peteru 1:2

I̱ seer ne mrumun u sha mhôôn kua bem wuee, sha kwaghfan u ne fe Aôndo la man shi Yesu Ter wase kpaa.

2 Peteru 1:3

Gayô agee a Na a sha inja i Aôndo la na se akaa cii a a lu a inja sha uma wase man u civir Aôndo, ka sha mfe u fan Un u a yer se sha iengem Na man agee a Na a hemban la.

2 Peteru 1:8

Gadia aluer akaa ne aa lu ken a ven man á ngee je, á dumbur yô, aa na er ken mfe u ne fe Ter wase Yesu Kristu la né kera lu gbilin shin mbaumen atam ga, ze.

2 Peteru 2:20

Gadia aluer vea osough vea war ihôngor i tar kera sha mfe u ve fe Yesu Kristu, Ter wase man Oryiman wase la, kpa akaa ne á shi á kôr ve á hemba ve yô, mkur ve u masejime la hemba vihin a mlu ve u hiihii la.

Yuda 1:25

Aôndo u mtswen, Oryiman wase ken Yesu Kristu Ter wase ne, iengem i̱ lu i Na kua shagba man agee man tahav, je er kwagh lu a vande lun ga man hegen kpaa zan zan gbem sha won. Amen.

Mpase U Yohane 1:6

man A gema se er se̱ hingir tartor, se̱ hingir upristi sha ci u Aôndo Na man Ter Na her kpaa. Un yô, iengem i̱ lu i Na kua tahav kpaa gbem sha won. Amen.