2 Peteru 3:13 - ICIGHAN BIBILO

¹³ Kpa se mba keghen Usha mba hev je man tar u he u perapera una tema ker yô, sha ityendezwa Na la.

2 Peteru 3:13 Iomraidhean Croise

Yesaia 60:21

Ior ou cii vea hingir mbaperapera, vea tsôr yan dyako u tar la sha won, ka gbaa u M lee je la, tom u ave Am, sha u i̱ civir Mo yô.

Yesaia 65:17

Gadia, nenge, M ngu gban Usha u he man tar u he kpaa; á kera umbur akaa a tsuaa la ga, man shi aa kera va or ken ishima kpaa ga.

Yesaia 65:25

Gbaseela man waniyôngo vea ya toho imôngo, begha una ya toho er bua nahan, vuulevu ua lu kwaghyan u iyô. Vea kera er kwagh u vihin ga, shin vea tim kwagh sha icighanwo Wam cii mayange kpaa ga, kape TER A kaa la.

Yesaia 66:22

Gadia er Sha u he man tar u he, mba Me er ve la, vea lu sha ishigh Yagh gbem nahan, kape vor wen man iti yen vea lu gbem je la, kape TER A kaa la.

Mbaromanu 8:21

gadia akaa a i gbe a la kpaa á va pase a sha ikev i mlu u hôôn la á tuhwa, á za a mi ken mlu u engem u lun a ikangenev ga u ônov mba Aôndo la.

2 Peteru 1:4

Ka sha ve kpaa man a na se uityendezwa Nav mba injaav mba tamen mba tamen ye, sha u né gema né nyôr nongo ken mlu u Aôndo sha uityendezwa mbala, né war hôngor u u lu shin tar sha isharen i bo la kera yô.

Mpase U Yohane 21:1

Tsô m nenge Sha u he man tar u he kpaa, gadia Sha u hiihii man tar u hiihii la kar kera, zegemnger kpaa kera lu ga.

Mpase U Yohane 21:27

Ma kwagh u lun wang ga shin ma or u eren akaa a ndôhôr ishima shin u eren aie vea nyôr ker ga, saa mba i nger ve ken ruamabera u uma u Waniyôngo la vea nyôr ker ye.