2 Peteru 2:3 - ICIGHAN BIBILO

³ Sha hua ve u eren la, vea zua a mtser sha a ven sha akaaôron a sha atseregh. Ibo i i na ve ngise la, ngi gbilin ga, man mtim ve kpaa ngu mnya ga.

2 Peteru 2:3 Iomraidhean Croise

Yobu 6:27

Een, nea er ishor sha ancôghol, shi nea gema ikar wen una hingir kwagh u yamen kasua a mi.

Upasalmi 18:44

Er ve ungwa a ungwa gwa wam tseegh tsô, ve rumun imo yam je; atôatyev va hen a mo agurenu.

Upasalmi 66:3

Kaa nen a Aôndo ner: Ityom You ka i cier iyol; ka sha mvese u agee Ou man mbaihomov Ou vea var U inya ye.

Upasalmi 81:15

Mbaihomov mba TER kpaa ma ve ve hen a Na agurenu, ican i i er ve la, ma i tser gbem sha won.

Yesaia 5:19

mba ve kaan er: A̱ er ase fefa, A̱ torough a tom, Na, sé nenge; awashima u Icighan u Iserael la, a̱ nangem, a̱ va, sha u se̱ fa un yô!

Yesaia 56:11

Een, iwa i eren hua, mayange ngi fe iden ga; ve ka mbakuranilev mba ve fe u veren ishima sha kwagh ga yô; ve cii ve hurugh, hanmô ve ngu yemen gbenda u nan je, hanmô ve, hen mtsera u nan, ve cii mba kwagh môm tsô.

Yesaia 60:22

U kiriki una hingir kweior, man u hemban ndahar una hingir ikurior i ageegh; Mo TER, Me er kwagh ne fefa zum u shighe á kuma yô.

Yeremia 6:13

Gadia hii sha u kiriki zan zan ar sha u vesen, hanmô ve cii maa nan iyol sha mtsera u dang; man hii sha profeti zan zan ar sha pristi, hanmô ve cii, nan ngu eren kwagh sha icugh.

Yeremia 8:10

Nahan Me gema kasev vev Me na ior mbagenev, ishule ve kpaa Me na mba ve hembe ve ityav yô; gadia hanmô ve cii, hii sha u kiriki zan zan ar sha u vesen, maa ve iyol sha mtsera u dang; man hii sha profeti zan zan ar sha pristi kpaa, hanmô ve cii, nan ngu eren kwagh sha icugh.

Esekiel 13:19

Ne heem ken ior Av, sha ci u zuan akevaveegh a sam u shair man avur a bredi, sha u wuan ior mba ve doo u ma ve kpe ga la, man shi sha u den ior mba i doo u ma ve lu uma ga la ka sha mbaaie enev mba ne ôr ior Av mba ve veren ato sha mbaaie yô.

Mika 3:11

Mbahemenev nav mba ôron ijir sha inyaregh ki ken myer, upristi nav kpaa mba tesen sha tôndo, man uprofeti nav mba ôron kwaghôron u profeti sha inyar; nahan kpaa mba suur sha TER, mba kaan er: TER ngu ken vese gaa? Ma kwagh u bo una tser se ga.

Habaku 3:3

Aôndo mough ken Teman va, u A lu Icighan la, mough sha uwo u Paran va. Sela. Iengem Na cir Usha, tar kpaa mgbough a iwuese Na.

Malaki 1:10

Or ma nan lu ase ken a ven u nana wuhe ihinda sha u né de kera keer usu sha atse Am a nan nagh sha mi la gbilin ga yô! Doom a ven ga, kape TER u akum a Sha A kaa ne, Me ngohol nagh ku sha ave a en la ga.

Mateu 23:14

Kwagh á tser ne, ne mbangeren man Mbafarishi, ne mbaimangerev, gadia ne mba ye uya mba kasev mba côgholov, er ne lu eren ugôgômbamsenev sha imanger la je; ka sha ci u nahan je ne hemba zuan a ibo i vesen ye.

Luka 18:8

Me kaa ne, Una kure ijir fese je. Kpa shighe u Wan u or Una va la yô, Una zua a jighjigh u nan sha wonoo?

Luka 20:20

Ve gba kuran Un, ve shi ve tindi mbamkerev mba ve er inja er ve mba ior mba mimi yô, sha u vea zua a ityôkwagh sha kwaghôron Na, sha u vea na Un sha ikev i gomna kua ijirôron i gomna kpaa.

Luka 22:47

Ngur ôron nahan yô, ikpelaior za va, wen u i yer er Yuda, u môm ken mba pue kar uhar mbala, hemen ve gbenda; a kporom hen Yesu sha u una suse Un zwa yô.

YOHANE 2:16

A gema A kaa a mbateenmkungum la er: Yem nen a akaa angan kera, de gem nen iyou i Terem, i̱ hingir iyou i kasua ga.

Mbaromanu 16:18

Gadia ambaaior la yô, ka Ter wase Kristu ve eren Un tom ga kpa ka iyav vev ve eren mbu tom ye. Ka sha zwanyohon man zwaovon ve lu tsumen a asema a mbakavenkwagh ga la ye.

2 Mbakorinte 2:17

Se mba zenden kpenga a kwaghôron u Aôndo er mbagenev kpishi ve eren nahan la ga, kpa se mba ôron kwagh ken Kristu sha mimi, ka er mba Aôndo A tindi ve nahan man ka sha ishigh ki Aôndo kpaa.

Duteronomi 24:17

De vihin ijir i shiror shin ancôghol kpaa ga; man de ngohol ikondo i kwasecôghol ityungu ga.

Duteronomi 32:35

Iyevoron ka i Yam man mkimbi kpaa, shighe u nguhar ve ua lyemen yô; gadia iyange i ican i mtim ve kuma ve, akaa a á va tser ve la, aa va fese je.

1 Mbatesalonika 2:5

Gadia mayange se lu ôron kwagh sha zwanyohon ga er ne kpaa ne fe nahan, shin sha hua u a lu myer kpaa ga, Aôndo je, ka Shiada wase,

1 Mbatesalonika 5:3

Zum u vea kaan er: Bem, man mkpeyol yô, ka zum la je mtim una ande sha a ve ibuv er martoghol ka u kôr kwase uya nahan ye, mayange vea kera war ga.

1 Timoteu 3:3

Nana̱ de lu or u cihin msôrom ga, nana̱ de lu or u cihin num kpaa ga, kpa nana̱ lu or u lun inja legh legh, nana̱ de lu or u hiin iyongo ga, shin u eren hua sha inyar kpaa ga.

1 Timoteu 3:8

Kape udiakon kpaa ve̱ lu la, ve̱ lu ior mba mimi, ve̱ de lu mba ijô ihiar ga, ve̱ de lu mbacihin wain ga, ve̱ de lu mbaeren hua sha mtsera u keren kpaa ga,

1 Timoteu 6:5

man iyongo i kuren ga hen ior mba i vihi mhen ve, man mimi ve la a saa yô. Mba henen er, u civir Aôndo yô, ka gbenda u zuan a mtsera.

Titu 1:11

I̱ kusu ve ijô keng gadia ka ve nzughul uya mbagenev jimin cii sha ityesen i ma ve tese ga la sha u zuan a mtsera u dang.

Titu 1:7

Orkuran yô, ka or u nengen sha ya u Aôndo, ka u nana̱ lu a acôghol iyol ga keng je shin or u norom ikaa shin or u yuwen fefa shin or u cihin msôrom shin or u cihin num shin or u keren mtsera u dang kpaa ga,

1 Peteru 2:8

man shi: Ka iwen i keman nguhar sha mi man vande u nôngon gbev sha mi. Ka ve mba ve nôngo gbev sha ci u ve we kwaghôron u Aôndo iko ga la, man ka sha kwagh la je i vande veren ve kpaa ye.

1 Peteru 5:2

Kura nen ikumuile i Aôndo i i lu hen ven la, er ka sha ci u Aôndo nahan, i̱ de lu er i kighir ne a kighir ga, kpa i̱ lu sha asema a en; i̱ de lu sha ci u mtsera u dang ga, kpa i̱ lu sha gbashima je;

2 Peteru 1:16

Gadia zum u se va pase ne agee man m-ande u Ter wase Yesu Kristu la yô, kera lu sha gbenda u ukwaghhir mba i dugh a dugh sha kwaghfan la se lu zan ga, kpa se lu mba se nenge a nenge iengem Na sha ashe je.

2 Peteru 2:1

Kpa mbaprofeti mba aiev iyange ve due hen nongoior la di er ken a ven kpaa mbatesen mba aiev vea va lu nahan. Vea nyôr a ityesen i kahan i dang myer, Ter u A paa ve la je kpaa vea nyiman Un, mba van a mtim sha ayol a ve fefa je.

2 Peteru 2:9

Nahan mba ve civir Aôndo la Ter fa u yiman ve ken imeen, shi A fa u kuran mbaaferev zan zan á ar sha iyange i ijirigh la, sha u tsahan ve.

Yuda 1:11

Kwagh á tser ve, gadia mba zenden sha gbenda u Kain, imeen i injar i Balaam la i hemba ve, ve tim sha mhendan u Koraki la.

Yuda 1:15

sha u Una ôr ior cii ijir; mba ve vende Aôndo la cii Una na ve ibo sha aeren a ve a vendan Aôndo la cii, a ve er ve venda Aôndo la man shi sha akaaôron a vihin cii a mbaasorabo mba ve vende Aôndo la ve lu ôron sha a na yô.

Yuda 1:16

Mban ka mbagbanahon mba ma kwagh a kom ve ga, mba zenden sha asaren a ve ayol a ve, ijô ve ngi hagher sha akaaôron, mba nyohon zwa sha u zuan a mtsera.

Yuda 1:4

Gadia ior mbagenev nyôr myer, ka mba i ver ve ngise je sha u á ôr ve ijir á na ve ibo ne yô, mba vende Aôndo mba gem mrumun u sha mhôôn u Aôndo wase hingir ve ijimba i eren, mba nyiman Yesu Kristu u A lu Tor wase man Ter wase, Un tswen ne.

Yuda 1:7

Kape Sodom man Gomora man agar a a kase ve la kpaa ve lu eren idya shi ve lu eren sha asaren a sha gbaaôndo ga je la, i tsaha ve sha usu u tsôron, ve hingir ikav i tesen.