2 Peteru 2:21 - ICIGHAN BIBILO

²¹ Gadia guda her a ve u ma ve fe gbenda u perapera ga a u ve vande fan u kera man ve gem ve undu icighantindi u i na ve la.

2 Peteru 2:21 Iomraidhean Croise

Upasalmi 125:5

Kpaa mba ve hulugh ve yem uihurenmbaigbendav vev yô, TER Una due a ve kera a mbaerenifer imôngo. Bem a̱ lu sha Iserael! Ka icam i zan iniongo

Upasalmi 85:8

Me ungwa kwagh u Aôndo TER Una kaa yô, gadia ôron Na kwagh u bem a ior Nav, man a ior mba i doo Un a ve la; kpa ve̱ de kera shi hilen ken ibume ga.

Anzaakaa 12:28

Sha gbenda u perapera uma ngu, kpa gbenda u ifer yô, u ver ishigh ken ku.

Anzaakaa 16:31

Ivu ka tsar u sha ityou u icivirigh, mba zuan a i sha gbenda u perapera.

Esekiel 18:24

Kpa aluer orperapera nana gema á undu perapera u nan man nana er iferkwagh nana eren akaa a ndôhôrshima a iferor nan eren yô, nahan nana lu uma jee? Á kera umbur aerenakaa a nan a perapera a nan lu eren la kwa môm tsô kpaa ga; ka sha ci u mimi ga u nan man sha ci isholibo i nan er la je, nana kpe ye.

Esekiel 23:13

Tsô m nenge a hôngor; ve uhar cii ve za gbenda môm je.

Esekiel 3:20

Man shi aluer ormimi nan gema nan undu perapera u nan, man nana er iferkwagh, man M ver kwagh u nôngon gbev sha ishigh ki nan yô, nana kpe; er u we nan kwagh ga yô, nana kpe ken isholibo i nan, á kera umbur aeren a perapera a nan, a yan nan lu er la ga; kpa awambe a nan yô, Me ker a her a we.

Esekiel 33:13

Zum u Mea kaa a orperapera Mer, nana lu uma kpee je, kpa nana suur sha perapera u nan, man nana gema á er iferkwagh yô, á kera umbur ma ieren i perapera i nan je ga; kpa iferkwagh i nan er la, ka sha i nana kpe ye.

Sefania 1:6

man mba ve hir ijime sha u dondon TER, mba ve keren TER ga, shin ve pin Un kwagh kpaa ga la.

Mateu 21:32

Gadia Yohane va hen a ven sha gbenda u perapera, kpa ne na un jighjigh ga; kpa ve mbangoholkpandegh man udyambaiorov yô, ve na un jighjigh; man er ne nenge nahan kpaa, ne kera hire ne vaa afanyô ne na un jighjigh ga.

Luka 12:47

Man kpan u nan fe awashima u ter u nan la, kpa nan we ago iyol ga, man shi nan er sha ishima na kpaa ga yô, á gbidye nan kpen kpen je.

YOHANE 15:22

Aluer Mea ve, Mea va er ve kwagh ga yô, ma ve lu a isholibo ga; kpa hegen yô, mba a ityôikaa i ôron sha isholibo ve ga.

YOHANE 9:41

Yesu kaa a ve er: Nea lu mbaapirashe yô, ma ne lu a isholibo ga; kpa hegen ne kaa ner: Se mba nengen; nahan isholibo yen ngi ne her.

Mbaromanu 7:12

Nahan yô, atindi ka icighankwagh, tindi kpaa ka icighankwagh shi kwagh u jighjigh man u doon kpaa.

Mbagalatia 6:2

Wasen nen ikav ayol a en, ka nahan man né er sha tindi u Kristu vough ye.

1 Mbatesalonika 4:2

Gadia ne fa akaa a se wa ne sha imo i Ter Yesu.

1 Timoteu 6:14

kura tindi ne tsembelee, acôghol a̱ de lu ga zan zan m-ande u Ter wase Yesu Kristu.

Mbaheberu 10:26

Aluer se mba eren asorabo sha apera zum u se ngohol mfe u mimi la kera yô, ma nagh sha ci u asorabo kera ku ga,

Yakobu 4:17

Nahan yô, or u nan fe u eren dedoo kpa nan kera er nahan ga yô, hingir isholibo je nan er ye.

2 Peteru 3:2

Ka sha er né umbur akaaôron a uicighanmbaprofeti ngise lu ôron la man shi tindi u Ter Oryiman la, u mbaapostoli enev ve ôr la.

Yuda 1:3

Ne mbadoon mo ishima, er m lu nôngon sha gbashima u ngeren ne kwagh u myom wase u se zough sha mi la yô, gba u me nger ne me wa ne kwagh keng mer, nôngon nen ityav tsung sha kwagh u jighjigh u nan u i na sha ikev i uicighanmbaiorov inie i môm la.