2 Peteru 2:20 - ICIGHAN BIBILO

²⁰ Gadia aluer vea osough vea war ihôngor i tar kera sha mfe u ve fe Yesu Kristu, Ter wase man Oryiman wase la, kpa akaa ne á shi á kôr ve á hemba ve yô, mkur ve u masejime la hemba vihin a mlu ve u hiihii la.

2 Peteru 2:20 Iomraidhean Croise

Esekiel 33:13

Zum u Mea kaa a orperapera Mer, nana lu uma kpee je, kpa nana suur sha perapera u nan, man nana gema á er iferkwagh yô, á kera umbur ma ieren i perapera i nan je ga; kpa iferkwagh i nan er la, ka sha i nana kpe ye.

Levitiku 13:20

pristi a̱ nenge, aluer kia lu er ki saa sha kwavyolough ga, man ice i her kpaa ia gema á hingir pupuu yô, pristi a̱ pase er nan ngu wang ga, ka angev mbu imandev je, mbu hii sha ivav ye.

Levitiku 13:55

tsô pristi a̱ nenge er i kir angev mbula kera yô, aluer una nenge angev mbula mbua gema mluashe u mbu ga, shin mbua samber ga kpaa, ka kwagh u wang ga; nande un sha usu je, mbu yan a ya je, shin a lu kimi, shin ken won kpaa.

Levitiku 14:43

Man aluer angev mbula shi mbu due ken iyou la, er i vande dughun awen la kera man i kember iyou la man i shigh i kpaa yô,

Numeri 24:20

A nenge a Amaleki, tsô a tôô injakwagh na, a kaa er: Akuraior cii, ka Amaleki a lu u hiihii ye; kpa mkur na yô, á lu mtim.

Duteronomi 32:29

Vea lu a kwaghfan yô, ma ve kav kwagh, ma ve hen kwagh u mkur ve!

Mbafilipi 3:19

Mkur ve yô, ka mtim, aôndo ve yô, ka iyav vev, kunya ve la gema ngu ve icivir, ka akaa a taregh ve veren ishima sha mi ye.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:4

Ma orutya u nan lu nôngon ityav ave yô nan cimin iyol i nan sha akaa a uma u tar ne ga, gadia ka u nana̱ er kwagh u doon or u a tsough nan sha ci u utya la.

Yakobu 1:27

Mcieaôndo u wang u a lu a acôghol iyol sha ishigh ki Aôndo ga yô, ka un ne: ka u za sôron ancôgholov kua kasev mba côgholov ken ican ve, man shi u kuran iyol you wang sha kwagh u taregh.

2 Peteru 1:11

Gadia ka nahan man á hemba nan ne u nyôron tartor u tsôron u Yesu Kristu, Ter wase man Oryiman wase enger enger ye.

2 Peteru 1:2

I̱ seer ne mrumun u sha mhôôn kua bem wuee, sha kwaghfan u ne fe Aôndo la man shi Yesu Ter wase kpaa.

2 Peteru 1:3

Gayô agee a Na a sha inja i Aôndo la na se akaa cii a a lu a inja sha uma wase man u civir Aôndo, ka sha mfe u fan Un u a yer se sha iengem Na man agee a Na a hemban la.

2 Peteru 1:4

Ka sha ve kpaa man a na se uityendezwa Nav mba injaav mba tamen mba tamen ye, sha u né gema né nyôr nongo ken mlu u Aôndo sha uityendezwa mbala, né war hôngor u u lu shin tar sha isharen i bo la kera yô.

2 Peteru 1:8

Gadia aluer akaa ne aa lu ken a ven man á ngee je, á dumbur yô, aa na er ken mfe u ne fe Ter wase Yesu Kristu la né kera lu gbilin shin mbaumen atam ga, ze.

2 Peteru 2:18

Gadia ka sha u ôron ugbilinmbaakaav sha iyolgengese man sha asaren a iyolough man ijimba i eren ve meen ior mba ve sember duen ken mba ve lu ken mtsum la, ye.

2 Peteru 3:18

Kpa seer vesen nen sha mrumun u sha mhôôn man sha mfe u ne fe Yesu Kristu Ter wase man Oryiman wase la. Ka Un i̱ civir Un ye, hegen zan zan sha iyange i tsôron la kpaa. Amen.