2 Peteru 2:2 - ICIGHAN BIBILO

² Ior kpishi je, vea dondo aeren a ve a sha ijimba la; ka sha ci ve je man á teren gbenda u mimi ne sha dang ye.

2 Peteru 2:2 Iomraidhean Croise

Genese 19:5

ve gba yilan Loti, kaan a na er: Ior mba ve ve hen a we tugh ne yô, mba hana? Due a ve, va a ve hen vese heen, se̱ fa ve.

Upasalmi 18:21

gadia m wa igbenda i TER iko, m undu Aôndo wam sha u eren ifer ga.

Yesaia 35:8

Kômgbenda una lu her, á yila un er Icighangbenda; or u nan lu wang ga yô, nana kar sha mi ga; kpa una lu sha ci ve, mbazenden sha mi kua abumeaior je kpaa vea tsume sha mi ga.

Yeremia 6:16

TER ngu kaan nahan er: Tile nen sha igbenda, nenge nen, pine nen igbenda i tse, henpe gbenda u doon shi u lu yô, zende nen sha u, tsô nea zua a mmem sha ci u uuma enev; kpa ve kaa er: Ka se ka zenden sha mi ga.

Mateu 22:16

Ve tindi mbahenen vev man Mbaherode her a Na, ve kaa er: Ortesen, se fa U ngu Or u mimi, man U tesen gbenda u Aôndo sha mimi kpaa; U cie ma or ashe ga, gadia U nengen sha mlu u or er nan lu la ga.

Mateu 24:24

Gadia ukristu mba aiev man uprofeti mba aiev kpaa vea mough vea er uivande mba vesen man akaa a kpilighyol kpaa, sha u vea tsugh uicuwanmbaiorov aluer vea fatyô yô.

Mateu 7:14

Gadia hunda hoghor, gbenda kpaa imbishi u u ze sha uma la, mbazuan a mi mba kpeghee tsô.

Marku 12:14

Mba ve yô, ve kaa a Na er: Ortesen, se fa U ngu Or u mimi, or môm môm kpaa U cie nan ashe ga; gadia U nengen sha mlu u or er nan lu la ga, kpa ka sha mimi je U tesen gbenda u Aôndo ye. Yô, u tan Shisar kpandegh ka sha mi shinii, ka sha mi ga? Se̱ na shinii, se̱ de ne ga?

Marku 13:22

Gadia Ukristu mba aiev man uprofeti mba aiev kpaa vea mough vea er uivande man akaa a kpilighyol, sha u vea tsugh uicuwanmbaiorov aluer vea fatyô yô.

YOHANE 14:6

Yesu kaa a na er: Mo M ngu gbenda man mimi man uma kpaa. Ma or gbe van hen Terem ga, saa nana kar her a Mo.

Aerenakaa A Mbaapostoli 13:10

a kaa er: We, wan u diabolo u u iv a icugh man hanma kwaghnzughul, u lu orihom u kwagh u perapera cii ne, u shi de u goom igbenda i jighilaa i Ter je gaa?

Aerenakaa A Mbaapostoli 14:2

Kpa Mbayuda mba ve hemba ato yô, ve kende atôatyev asema sha, ve vihi ve a anmgbianev mbala.

Aerenakaa A Mbaapostoli 16:17

Tsô er un a lu van ken ijime i Paulu a vese imôngo yô, a yila sha imo i taver, a kaa er: Ior mban ka mbatomov mba Aôndo Uhembansha je, man mba pasen ne gbenda u myom.

Aerenakaa A Mbaapostoli 18:26

A gba ôron kwagh vangertiôr ken shinagoge. Kpa er Prishila vea Akula ve ungwa kwaghôron na yô, ve kua a na, ve seer bughun un gbenda u Aôndo wanger wanger.

Aerenakaa A Mbaapostoli 19:9

Kpa er mbagenev cighir asema yô, ve wa iko kpaa ga, ve lu ôron kwagh dang sha gbenda la sha ishigh ki ikpelaior je, a due hen ve kera, a sange mbahenen hen a ve kera, hanma iyange lu ôron kwagh ken makeranta u Tiranu.

Aerenakaa A Mbaapostoli 22:4

Man shi m tôv gbenda ne ityô a ican zan zan ku je, m lu kangen nomso a kasev, m lu wan ve ken gaadi;

Aerenakaa A Mbaapostoli 24:14

Kpa kwagh ne yô, m rumun, ka sha gbenda u ve yer er mkaha u bo la je m civir Aôndo u uter asev ye. Akaa a i nger ken atindiakaa la, kua ken uprofeti kpaa m na a jighjigh cii,

Mbaromanu 2:24

Gadia ka vough er i vande ngeren nahan er: Ka ne je ne ne i lu tuhwan iti i Aôndo hen atôatyev ye.

1 Timoteu 5:14

Nahan yô, sarem pe kasev mba côgholov mba ve lu a mhem iyol yô, ve̱ er noov, ve̱ mar ônov, ve̱ nengen sha uya vev, ve̱ de ne orihom ian i lamen dang ga.

Titu 2:5

ve̱ lu tsev tsev, ve̱ lu wang, ve̱ sôron uya vev, ve̱ eren dedoo, ve̱ ungwan imo i noov vev, sha u i̱ de lamen sha kwaghôron u Aôndo dang ga yô.

Titu 2:8

man sha kwaghôron u a lu vough, a gande u nyiman kpaa, sha u or u nan mough ahendan nana̱ va ahenge nana̱ de fetyô u teren se sha kwaghbo ga yô.

1 Peteru 2:12

Zende wen u hen atôatyev u̱ lu wanger wanger, sha u aluer mba lamen sha a ven er ka mbaaferev yô, ve̱ nengen aeren a en a dedoo man ve̱ civir Aôndo sha iyange i Una va sôron ne la.

2 Peteru 2:12

Kpa mban yô, er ve toho kwagh u ve fe un ga yô, vea tim sha mvihi ve er inyamtoho i kaven kwagh ga nahan, i mar i sha inja i iyolough sha u á gba kôron, wuan tsô yô.

2 Peteru 2:15

Ve undu gbenda u mimi ve tsume, ve za sha gbenda u Balaam wan u Beor u injar i ifer i eren i doo un ishima yum la.

2 Peteru 2:18

Gadia ka sha u ôron ugbilinmbaakaav sha iyolgengese man sha asaren a iyolough man ijimba i eren ve meen ior mba ve sember duen ken mba ve lu ken mtsum la, ye.

2 Peteru 2:21

Gadia guda her a ve u ma ve fe gbenda u perapera ga a u ve vande fan u kera man ve gem ve undu icighantindi u i na ve la.

2 Peteru 2:7

Man A yima Loti or u perapera u a ya ican ken ishima tsung sha ci u ijimba i eren i mbaaferev mbala.

Yuda 1:10

Ior mban gema mba tuhwan hanma kwagh u ve fe un ga yô, man akaa a ve kav a sha marami la er uzendenya mba fan kwagh ga nahan la, ka sha a je ve lu timin ye.

Yuda 1:15

sha u Una ôr ior cii ijir; mba ve vende Aôndo la cii Una na ve ibo sha aeren a ve a vendan Aôndo la cii, a ve er ve venda Aôndo la man shi sha akaaôron a vihin cii a mbaasorabo mba ve vende Aôndo la ve lu ôron sha a na yô.

Yuda 1:4

Gadia ior mbagenev nyôr myer, ka mba i ver ve ngise je sha u á ôr ve ijir á na ve ibo ne yô, mba vende Aôndo mba gem mrumun u sha mhôôn u Aôndo wase hingir ve ijimba i eren, mba nyiman Yesu Kristu u A lu Tor wase man Ter wase, Un tswen ne.

Yuda 1:7

Kape Sodom man Gomora man agar a a kase ve la kpaa ve lu eren idya shi ve lu eren sha asaren a sha gbaaôndo ga je la, i tsaha ve sha usu u tsôron, ve hingir ikav i tesen.

Mpase U Yohane 12:9

I gbihi zegedarakon la shin inya, ka tseiyô je la, u i yer un er Diabolo man shi Satan la, u a lu tsughun tar cii la, i gbihi un shin tar shi i gbihi mbatyomov nav a na imôngo kpaa.

Mpase U Yohane 13:14

I lu tsughun ior mba ve tem shin tar sha uivande mba i ne i u eren sha ishigh ki inyam i hiihii la, i kaa a ve er ve̱ er eev mbu inyam i i gber i sha sanker kpa i lu uma her la.

Mpase U Yohane 13:8

Mba ve tem shin tar cii vea civir i, ka ve mba i nger ati a ve ken ruamabera u uma u Waniyôngo ga la, Un u i senge Un hii sha igbetar je la.