2 Peteru 2:10 - ICIGHAN BIBILO

¹⁰ Man jim je yô, ka mba ve zenden sha inja i iyolough sha isharen i hôngorough, ve lahan mba i ver ve ve lu a tahav la cii. Ve cihi kwagh, ve wa apera, u tuhwan mba ve engem mbala kpaa ka cier ve iyol ga.

2 Peteru 2:10 Iomraidhean Croise

Genese 49:6

Uma wam a̱ de nyer nongo a mhen ve ga; icivir yam i̱ de zough a ve ken mkohol ve ga, gadia ka sha ishimanyoon ve la, ve wua ior, sha apera ve la, ve gber abua igbela i akishiangahar.

2 Samuel 20:1

Tsô gbilinor ugen lu her, iti na er Sheba wan u Bikeri, Orbenyamin; a tôngo korough a kaa er: Se mba a ci ken Davidi ga; man se mba a dyako ken wan u Yese kpaa ga; yô, hanma or nana̱ hide hen tenti u nan, ne Iserael.

1 Utor 12:16

Zum u Iserael cii ve nenge er tor wa ve iko ga yô, ior gema kaa a tor er: Kwar wase shi ngu ken Davidi hana? Se kera mba a dyako ken wan u Yese kpaa ga; hide nen hen utenti enev ne Iserael; yô, gba nôngon sha ya wou iyol you tsô Davidi. Nahan Iserael hembe yem hen utenti vev.

Upasalmi 12:4

ve mba ve kaan er: Ka sha nombor wase man sé hemba la; ityumbujôôgh yase ka i yase ayol a ase je, ka an nan lu tor sha a vese?

Ekesodu 22:28

De toho Aôndo ga, shi de tem kwaghbo sha ortaregh u nongo wou kpaa ga.

Orpasenkwagh 10:20

De toho tor, ken ishima you kpaa ga, man de toho ornyar ken iyou you i yaven ga, gadia inyon i sha ia za a imo you, kwagh u lun a akper una za pase kwaghôron wou la.

Yeremia 2:31

We, ikov ne, ungwa nen kwaghôron u TER. M hingir Iserael taaikôngo je vee? Shin tar u angôghimee? Ka nyi man ior Av ve kaan er: Se mba zenden sha ishima yase se kera va her a We ga nahana?

Numeri 15:30

Kpa aluer hanma or nana er ma kwagh sha apera, shin a lu or u hen tar la jim shin a lu shiror kpaa, nan ngu lahan TER; or la i̱ dugh nan ken nongo u nan kera;

Luka 11:25

Una va aren yô, a kohol un, i ese, i sôr doo doo kpaa.

Luka 19:14

Kpa ior mba hen tar na la venda un, ve tindi mbatyomov ken ijime na er: Ka se ka or ne a̱ lu tor sha a vese ga.

Aerenakaa A Mbaapostoli 23:5

Paulu kaa er: M fa er a lu zegepristi ga, anmgbianev, gadia i nger er: De teren orvesen u nongoior wou sha dang ga.

Mbaromanu 8:1

Nahan hegen yô, ma ijirôron i nan mba ve lu ken Kristu Yesu la ibo kera ngi ga.

1 Mbakorinte 6:9

Ne kera fa er mbaaferev vea ya dyako u tartor u Aôndo ga jee? I̱ de tsughun ne ga, mbadyarev shin mbasôronakombo shin mbavihin ivaa sha idya shin nomso mba ve yaven a ayol a ve

2 Mbakorinte 10:3

Gadia shin er se lu zenden ken iyol nahan kpaa, se mba nenge ityav sha inja i iyolough ga.

Mbaefese 4:19

Asema a ve wa akpema, ve na ayol a ve sha ijimba i eren sha u keren hanma kwagh u hôngorough sha hua.

Mbaefese 5:5

Kwagh ne a̱ wanger ne dedoo, hanma or u idya shin or u hwangeregh shin or u hua, ka or u civir akombo je la, nan ngu a dyako ken tartor u Kristu man u Aôndo la je ga.

Mbakolose 3:5

Nahan yô, wua nen alegh a en a shin tar la kera, ka idya man hôngor man ityoronshima man isharen i bo man hua u eren, ka akombo a civir je la.

1 Mbatesalonika 4:7

Gadia Aôndo yila se ka sha ci u hwanger ga kpa ka sha icighanmlu je.

WASHIKA U SHA UHAR U PAULU APOSTOLI TINDI HEN TIMOTEU - 2TI 3:2

Gadia ior vea hingir mbawan ayol a ve iko tseegh man mba inyaregh ki doo ve ishima man mbahagher sha akaa man mbagengeseyol man mbaôron kwagh dang dang, man mbahemban mbamaren vev ato man mbalun a ishughun ga man mbalun wang ga,

Titu 1:7

Orkuran yô, ka or u nengen sha ya u Aôndo, ka u nana̱ lu a acôghol iyol ga keng je shin or u norom ikaa shin or u yuwen fefa shin or u cihin msôrom shin or u cihin num shin or u keren mtsera u dang kpaa ga,

Mbaheberu 13:4

Ivaa i̱ lu kwagh u icivirigh hen ior cii, gambe u ivaagh kpaa a̱ de lu a acôghol ga, gadia Aôndo Una ôr mbaerenijimba man mbavihin ivaa sha idya la ijir.

2 Peteru 3:3

Kwagh u hiihii yô, fa nen er ken ayange a masejime mbanahantar vea due a tarnahan, vea zende sha asaren a ve ayol a ve.

Yuda 1:10

Ior mban gema mba tuhwan hanma kwagh u ve fe un ga yô, man akaa a ve kav a sha marami la er uzendenya mba fan kwagh ga nahan la, ka sha a je ve lu timin ye.

Yuda 1:16

Mban ka mbagbanahon mba ma kwagh a kom ve ga, mba zenden sha asaren a ve ayol a ve, ijô ve ngi hagher sha akaaôron, mba nyohon zwa sha u zuan a mtsera.

Yuda 1:18

Ve kaa a ven er: Sha ayange a masejime mbanahantar vea lu, vea dondo asaren a ve ayol a ve a vendan Aôndo la.

Yuda 1:4

Gadia ior mbagenev nyôr myer, ka mba i ver ve ngise je sha u á ôr ve ijir á na ve ibo ne yô, mba vende Aôndo mba gem mrumun u sha mhôôn u Aôndo wase hingir ve ijimba i eren, mba nyiman Yesu Kristu u A lu Tor wase man Ter wase, Un tswen ne.

1 Samuel 10:27

Kpa udangmbaiorov mbagenev gema kaa er: Á er nan man or ne una yima se? Nahan ve laha un, ve va sugh un a ma kwagh ga; kpa un yô, lu ving.