2 Peteru 2:1 - ICIGHAN BIBILO

¹ Kpa mbaprofeti mba aiev iyange ve due hen nongoior la di er ken a ven kpaa mbatesen mba aiev vea va lu nahan. Vea nyôr a ityesen i kahan i dang myer, Ter u A paa ve la je kpaa vea nyiman Un, mba van a mtim sha ayol a ve fefa je.

2 Peteru 2:1 Iomraidhean Croise

1 Utor 22:6

Tsô tor u Iserael kohol uprofeti, ve lu er deri unyiin nahan, a pine ve er: M̱ za, m̱ za nôngo ityav a Ramoti-gileadi, shin m̱ de ze ga? Ve kaa er: Gba zan tsô, gadia TER Una na un sha ikev i tor.

Ekesodu 15:16

Iwondo man mciem haa ve iyol; sha mtaver u uwegh Ough, ve huan ving, er iwen yô, shighe u ior Ou lu karen la TERE, shighe u ior mba U yam la ve lu karen yô,

Yesaia 9:15

Orvesen u lun a icivir ka nan nan lu ityough ye, man profeti u tesen ior aie la, ka un a lu tsa ye.

Yeremia 29:21

TER u akum a Sha, Aôndo u Iserael, ngu kaan sha kwagh u Ahaba wan u Kolaia, man sha kwagh u Sedekia wan u Maaseya, mba ve ôron ne kwaghôron u profeti ken iti Yam sha aie la er: Nenge, Me na ve sha ikav i Nebukadinesar tor u Babilon, una wua ve sha ashe a en;

Yeremia 37:19

Uprofeti enev, mba ve tsengeôron ne kwagh, ve kaan er: Tor u Babilon una va nôngo ityav a ven ga, shin hen tar ne kpaa ga la, mba han ahegene?

Yeremia 6:13

Gadia hii sha u kiriki zan zan ar sha u vesen, hanmô ve cii maa nan iyol sha mtsera u dang; man hii sha profeti zan zan ar sha pristi, hanmô ve cii, nan ngu eren kwagh sha icugh.

Ukwelegh 2:14

Uprofeti ou nenge a mbampase mba sha mnenge sha ci wou mba aiev man mba gbilinigh; ve pase u ifer you sha u hiden a we ken uikangen kera ga; kpa ve nenge a akaaôron a aiegh sha ci wou man a zan a we ken mtsum.

Hosea 9:8

Orkuran u Eferaim ngu vea Aôndo wam, ka profeti; kwaghhônon u ordughuninyon ngu sha igbenda na cii, ihom kpaa ken ya u Aôndo na.

Mika 2:11

Aluer or nan ngu zendan ahumbe ityô man nana er aie nana kaa er: Me ôr u kwaghôron u uprofeti sha kwagh u wain man msôrom ma taver yô, or la ma nan lu profeti u ior mban.

Mika 3:11

Mbahemenev nav mba ôron ijir sha inyaregh ki ken myer, upristi nav kpaa mba tesen sha tôndo, man uprofeti nav mba ôron kwaghôron u profeti sha inyar; nahan kpaa mba suur sha TER, mba kaan er: TER ngu ken vese gaa? Ma kwagh u bo una tser se ga.

Mika 3:5

Kape TER A ôr sha kwagh u uprofeti mba ve ne ior Av icumen la, mba zum u ka vea nyuma kwagh sha anyi a ve, ve genger imo er: Bem; kpa u nan we ve kwaghyan ken zwa ga la, ve gema ve suwe ityav a nan.

Malaki 3:5

Me kporom her a ven sha u ôron ijir, Me lu Orshiada fese je sha mbaahiriv man sha udyambaiorov man sha mbabumun sha aie man sha mba ve kighir or u eren tom sha tôndo sha injar i nan, kua kwasecôghol man wancôghol kpaa, man mba ve daan shiror kera, man ve ciem ga, kape TER u akum a Sha A lu kaan ne.

Mateu 10:33

Kpa hanma or u nana nyiman Mo sha ishigh ki iorough yô, ka di nan je Me nyiman nan sha ishigh ki Terem u A lu Sha kpaa ye.

Mateu 24:11

Man shi uprofeti mba aiev kpishi vea za va, vea tsume a ior kpishi.

Mateu 24:24

Gadia ukristu mba aiev man uprofeti mba aiev kpaa vea mough vea er uivande mba vesen man akaa a kpilighyol kpaa, sha u vea tsugh uicuwanmbaiorov aluer vea fatyô yô.

Mateu 24:5

Gadia ior kpishi vea va ken iti Yam, vea kaan er: Ka mo Kristu je ne; vea tsugh ior kpishi.

Mateu 7:15

Kura nen ayol a en sha uprofeti mba aiev mba ve ve her a ven a akôv a iyôngo iyol, kpa ken atô ve yô, gema ka ugbaseela mba huav je.

Marku 13:22

Gadia Ukristu mba aiev man uprofeti mba aiev kpaa vea mough vea er uivande man akaa a kpilighyol, sha u vea tsugh uicuwanmbaiorov aluer vea fatyô yô.

Luka 12:9

Kpa u nana nyiman Mo sha ishigh ki iorough yô, á nyiman nan sha ishigh ki mbatyomov mba Aôndo kpaa.

Luka 21:8

A kaa er: Ver nen ishima, i̱ de tsughun ne ga; gadia ior kpishi vea va ken iti Yam, vea kaan er: Ka mo Un je ne; man shi: Shighe mgbôghom; de ze nen a ve ityô ga.

Luka 6:26

Kwagh á tser ne zum u ior cii vea wuese ne, gadia kape uter vev er a uprofeti mba aiev je la.

Mbaromanu 16:18

Gadia ambaaior la yô, ka Ter wase Kristu ve eren Un tom ga kpa ka iyav vev ve eren mbu tom ye. Ka sha zwanyohon man zwaovon ve lu tsumen a asema a mbakavenkwagh ga la ye.

1 Mbakorinte 11:19

Gadia ka u mbamkaha vea lu ken a ven keng sha u mbamimi ve̱ due ken igbar yô.

1 Mbakorinte 6:20

Gadia i yam ne a yam sha ishe je. Civir nen Aôndo ken iyol yen.

1 Mbakorinte 7:23

Ka sha ishe je i yam ne ye, de kera geman hingir nen ikpan i ior ga.

Mbagalatia 2:4

Kpa lu sha ci u anmgbianev mba aiev mba ve nyer myer la; ve yô, ve nyôr imbusu sha u vea nenge mker sha mlu wase u lun a ikangenev ga ken Kristu Yesu la, sha u vea za a vese ken ikpan yô.

Mbagalatia 3:13

Kristu paa se, due a vese ken ifan i tindi la kera, A gema A hingir ifan sha ci wase; gadia i nger er: Hanma or u i mande nan nan lu sha kon yô, nan ngu a ifan iyol je:

Mbagalatia 4:17

Ka ve nôngo kwagh sha ci wen ngegh kpa ka sha gbenda u mimi ga, sar ve pe gbihin ne ken won sha u ma ne nenge kwagh sha ci ve tsung yô.

Mbagalatia 5:20

man u civir akombo man ahir a eren man ihom i kôron man iyongo i keren man iwuhe man ishima i nyoon man u wan iyol you iko tseegh, man u hendan akaa, man mbampav,

Mbaefese 1:7

Ken a Na yô, se mba a mpaa u sha awambe Na man shi mde u gbev mbu nôngon sha mrumun Na u sha mhôôn u ngeen yum la,

Mbaefese 4:14

Ka nahan man sé kera lu mbayev mba ka i daase a ve i yem a ve wue wue sha ahumbe a ityesen, sha atseregh a ior, sha mtsugh u tsughun ior tsumen a ve sha wayo la ga ye.

Duteronomi 32:6

Ka TER je, ne gem ne eren a Na nahan yee; ne ior i geseghee i lun kpe ne! Ka Teru u A gbe u ne ka Un A er u, A maa u ye gaa?

Mbafilipi 3:19

Mkur ve yô, ka mtim, aôndo ve yô, ka iyav vev, kunya ve la gema ngu ve icivir, ka akaa a taregh ve veren ishima sha mi ye.

Mbakolose 2:18

Ma or nana̱ de bundu ne injar ga, ka injaor i i doo nan u hiden a iyol i nan ijime man shi u civir mbatyomov mba Shaav, man u ôron akaa a i pase nan sha mpase u sha mnenge la vighe vighe, man u gban gengese iyol i nan sha kwaghfan u iyolough gbilin tsô,

Mbakolose 2:8

Ver nen ishima, or nana̱ de ker ne yemen a ven sha kwaghfan shin sha atseregh a gbilinigh ga. Akaa ne ka sha inja i ukaaer mba ior la, shi ka sha inja i ujijingi mba taregh mba hiihii, kera ka sha inja i Kristu a lu ga.

1 Timoteu 5:8

Aluer or nana kera nenge sha ior mba nan ga man jim je yô, ka mba ken ya u nan la, nan nyiman jighjigh u nan ve, nan hemba gban kera a or u nan ne jighjigh ga yô.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:3

Gadia shighe ngu van u ior vea kera fatyô u veren ato sha ityesen i dedoo ga, vea kohol mbatesen kpishi sha asaren a ve ayol a ve sha ci u ato vande ngiligh ve yô.

Titu 1:11

I̱ kusu ve ijô keng gadia ka ve nzughul uya mbagenev jimin cii sha ityesen i ma ve tese ga la sha u zuan a mtsera u dang.

Titu 3:10

Or u van a mpav ken nongo u Kristu yô, wa nan kwagh kwa môm shin kwa har nahan, tsô ú de kwagh u nan,

Mbaheberu 10:29

Ne mba nengen nana? Or u nan ndyar Wan u Aôndo shin angahar a nan shi nan nenge er awambe a ikuryan a i tsegh nan sha mi la ka kwagh u hôngorough man shi nan laha Jijingi u mhôôn la yô, mtsaha u nan una kpen vihin nan sha wonoo?

1 Peteru 1:8

A doo ne ishima shin er ne lu a nenge a Na ga je kpaa; ne mba nengen a Na ga nahan kpaa ne mba nan Un jighjigh man ne mba ember tsung sha iember i i gande u ôron i i doo je i hemba.

2 Peteru 2:3

Sha hua ve u eren la, vea zua a mtser sha a ven sha akaaôron a sha atseregh. Ibo i i na ve ngise la, ngi gbilin ga, man mtim ve kpaa ngu mnya ga.

1 Yohane 2:26

Akaa ne m nger ne ka sha kwagh u mba ve nenge u mgbeghan ne sha gbenda kera la.

1 Yohane 4:1

Ne mbadoon mo ishima, de kera gbe nan nen hanma jijingi jighjigh tsô ga, kpa kar nen ujijingi, shin ka her Aôndo ve dugh jeo? Gadia mbaprofeti mba aiev kpishi due, mba zenden sha won.

Yuda 1:18

Ve kaa a ven er: Sha ayange a masejime mbanahantar vea lu, vea dondo asaren a ve ayol a ve a vendan Aôndo la.

Yuda 1:4

Gadia ior mbagenev nyôr myer, ka mba i ver ve ngise je sha u á ôr ve ijir á na ve ibo ne yô, mba vende Aôndo mba gem mrumun u sha mhôôn u Aôndo wase hingir ve ijimba i eren, mba nyiman Yesu Kristu u A lu Tor wase man Ter wase, Un tswen ne.

Mpase U Yohane 13:14

I lu tsughun ior mba ve tem shin tar sha uivande mba i ne i u eren sha ishigh ki inyam i hiihii la, i kaa a ve er ve̱ er eev mbu inyam i i gber i sha sanker kpa i lu uma her la.

Mpase U Yohane 2:13

M fa henpe u tem ka henpe ikônough ki torough ki Satan ki lu je la, nahan kpaa u kusu iti Yam gbang gbang, u nyiman jighjigh u nan Mo la ga, shin sha ayange a Antipa orshiada Wam u jighjigh la kpaa, un u i wua un hen ven, henpe Satan a tem la.

Mpase U Yohane 2:9

M fa ican you i yan man shi ibanave you, nahan kpaa u ngee a akaa; man ityuhwanev mbi ior mba ve yer ayol a ve er Mbayuda kpa i lu nahan ga, i lu shinagoge u Satan la.

Mpase U Yohane 3:8

M fa aeren a ou. Nenge, M ver hunda ivegher sha ishigh you, ma or nana fatyô u sendan u ga. Gadia u ngu a anagee kpeghee, kpa u kusu kwaghôron Wam, u kera nyiman iti Yam ga.

Mpase U Yohane 5:9

Ve wa icam i he ve kaa er: We, U kuma u ngohol ruamabera la, bughun akav a na, gadia i sôngo U man U yam Aôndo ior sha awambe a Ou ken hanma nongo man hanma zwa man hanma nongoior man hanma ikurior,

Mpase U Yohane 6:10

Ve genger imo ve kaa er: We Ter, icighan man u mimi kpaa, shi nan je man U ôr ijir U or iyev sha awambe ase sha mba ve lu shin tar laa?