2 Peteru 1:9 - ICIGHAN BIBILO

⁹ Gadia u nan ban a akaa ne yô, nan ngu ashe pir, nan nengen hen ikum ikum tsô, mwanger u i wanger asorabo a nan a ngise la hungul nan kera je.

2 Peteru 1:9 Iomraidhean Croise

Levitiku 13:55

tsô pristi a̱ nenge er i kir angev mbula kera yô, aluer una nenge angev mbula mbua gema mluashe u mbu ga, shin mbua samber ga kpaa, ka kwagh u wang ga; nande un sha usu je, mbu yan a ya je, shin a lu kimi, shin ken won kpaa.

Marku 10:21

Yesu gem kenger un yô, a doo Un ishima, a kaa a na er: Kwagh shi u môm tsô; za, za tôô akaa a u lu a mi la cii, tee, na mbaatsanev, nahan wea lu a kwagh u injaa Sha; yô, va dondo sha a Mo.

Luka 18:22

Er Yesu ungwa nahan yô, A kaa a na er: Kpa kwagh shi u môm tsô: Tôô akaa a u lu a mi la cii tee, na mbaatsanev nahan wea lu a kwagh u injaa Sha yô, va, va dondo sha a Mo.

Mbaromanu 6:11

Nahan ne kpaa, nengen nen ayol a en er ne lu kpenegh sha kwagh u isholibo kpa ne gem ne lu uma sha ci u Aôndo ken Kristu Yesu yô.

Mbagalatia 5:13

Gadia ne yô, anmgbianev, i yila ne sha u ne̱ lu ken uikangen ga, kpa mlu wen u ne lu ken uikangen ga la yô, a̱ de hingir ityôikaa i iyolough ga, kpa eren nen ayol a en tom sha dooshima.

Mbagalatia 5:6

Gadia ken Kristu Yesu yô, icôngo kera ngi a ma inja ga shin ipusu kpaa ga, saa di jighjigh u nan u a eren tom sha dooshima yô.

Mbaefese 5:26

sha u Una tsegha u er A wanger u sha m-ee u A ôô u sha mnger sha kwaghôron Na,

Titu 2:14

u A ne iyol Na sha ci wase sha u Una paa se sha hanma ifer cii man shi Una wanger nongoior sha ci Na iyol Na, mba asema a tsee ve u eren akaa a dedoo.

Mbaheberu 9:14

man hira awambe a Kristu, Un u A na Aôndo nagh ku lun a ihogholough mape ga, sha iyol Na sha Jijingi u tsôron, aa kera wanger imo i ken asema a en sha aeren a a lu kpenegh la, sha u eren Aôndo u uma tom ga yee?

1 Peteru 3:21

Ma tese ikav sha batisema u ne kpaa ne lu waren sha mi hegen yô; batisema ka u wanger hôngor u sha iyol kera ga, kpa ka msen u sônon Aôndo imo i wanger wanger i ken ishima sha mnder u Yesu Kristu shin ku.

1 Yohane 1:7

Kpa aluer se zenden ken iwanger er Un A lu ken iwanger nahan yô, sé zua ayol a ase, man awambe a Yesu Wan Na nga wanger se sha asorabo cii.

Mpase U Yohane 3:17

Gadia u ngu kaan wer, m ngee a akaa, m hingir u lun a kwagh ave kpishi, ma kwagh kera banem ga, kpa u kera fa er u gbe kera, u lu mhôônom mhôônom, u kungu ican, u pir ashe, u lu idyelegh kpaa ga.