2 Peteru 1:8 - ICIGHAN BIBILO

⁸ Gadia aluer akaa ne aa lu ken a ven man á ngee je, á dumbur yô, aa na er ken mfe u ne fe Ter wase Yesu Kristu la né kera lu gbilin shin mbaumen atam ga, ze.

2 Peteru 1:8 Iomraidhean Croise

Anzaakaa 19:15

Hwev ka mbu na or nan yav kputu, oruhwe kpaa, ijen ia kôr nan.

Mateu 13:22

Man u i te ivor i nan ken usaa yô, ka u ka nan ungwa kwaghôron la kpa anzughul a tar ne a nyian ishima man icugh i inyar ve va imbishi kwaghôron la, a kera ume atam ga.

Mateu 20:3

Ka kom er ahwa ataankaranyiin nahan yô, a shi a due, a nenge mbagenev, tile sha tembekasua gbilin.

Mateu 20:6

Shi ka kom er ahwa ataan aikighe nahan yô, a due a kohol mbagenev atile, a kaa a ve er: Ka nyi man ne shi heen ne gbe tilen gbilin nahana?

Mateu 25:26

Kpa ter na la gema kaa a na er: We, ortom u ifer u wan hwev ne, u fa mo m sondo henpe m lee ga, m kohol henpe m vande saren ga.

YOHANE 15:2

Hanma gbaa u ker a Mo u a um ga yô, ka A kar a mi sha; man shi hanma gbaa u a um yô, ka A sôr un sha er una shi á hemba umen atam yô.

YOHANE 17:3

Man uma u tsôron yô, ka u ve̱ fa U, We Aôndo u mimi tswen, man shi Un u U tindi la, ka Yesu Kristu.

YOHANE 5:42

Kpa M fa ne, ne mba a dooshima u Aôndo ken asema a en ga.

Mbaromanu 12:11

Uwer u̱ de gbe ne sha gbashima ga, luun nen mbatseen asema, shiren nen Ter tom.

1 Mbakorinte 15:58

Nahan yô, ne anmgbianev av mba doon mo ishima, tile nen dông, de kpoghol nen ga, eren nen tom u Ter ngegh je sha hanma shighe cii, gadia ne fa, ken Ter yô, tom wen ngu gbilin ga.

2 Mbakorinte 13:5

Kar nen ayol a en sha u né fa aluer nea lu ken jighjigh u nan yô, time nen ken ayol a en. Ne kera fa er Yesu Kristu A lu ken a ven gaa? Saa nea yina ikaren tsô.

2 Mbakorinte 8:2

gadia sha mkar u i kar ve sha atsan kpishi la iember ve i tsung kua ibanave ve i tsung la i na ve hemba eren iwua gengee gengee.

2 Mbakorinte 8:7

Yô er ne nôngo tsembelee sha hanma kwagh, sha kwagh u jighjigh u nan man kwaghôron man kwaghfan man hanma ishima i veren man mdoo u se doo ne ishima la, kape nôngo nen tsembelee sha tom u dooshima kpaa ne.

2 Mbakorinte 9:14

Ka saren ve a ven, mba eren msen sha ci wen kpaa, sha ci u mrumun u sha mhôôn u Aôndo u a ngee ken ven yum la.

Mbafilipi 1:9

Man m ngu eren msen mer, dooshima wen a̱ seer a seer ngeen sha kwaghfan man sha hanma mkav cii,

Mbafilipi 2:5

Lu nen a mhen ne ken a ven u a lu ken Kristu Yesu la kpaa.

Mbafilipi 3:8

Mimi je m nenge akaa cii hingir mo msaa sha ci u mfe u fan Kristu Yesu Terem la a hembe ica yum yô. Ka sha ci Na man m de akaa cii a saam ye, m nenge a hingir mo hôngor sha u Kristu Una lu mtsera wam yô,

Mbakolose 1:10

sha u ne̱ zende zende u u kom Ter, ne̱ doon Un ken akaa cii, ne̱ umen atam ken hanma tom u dedoo, shi ne̱ vesen ken kwaghfan u Aôndo,

Mbakolose 2:7

er ne we amise ken a Na shi i maa ne ken a Na kpaa, man i taver jighjigh wen u nan er i tese ne nahan vough, shi lu nen a iwuese wuee.

Mbakolose 3:16

Kwaghôron u Kristu a̱ tema ken a ven gbing, tesen nen ayol a en kwagh shi waan nen ayol a en kwagh sha kwaghfan cii, shi waan nen upasalmi man atsam man gberen nen amo a ken jijingi, sughun nen Aôndo ken asema a en.

1 Mbatesalonika 3:12

Kpa ne yô, Ter A̱ na dooshima wen a̱ seer a seer, a̱ ngee her ayol a en man a ior cii kpaa, vough er se a ven nahan,

1 Mbatesalonika 4:1

Nahan hegen yô, anmgbianev, se mba zamber a ven shi se mba taver ne asema ken Ter Yesu, er ne ungwa hen vese er i doo u né zende man á doo Aôndo yô, kape ne lu zenden kpaa la shi yemen nen hemen sha mi kpaa.

2 Timoteu 1:3

Ka u sé sugh Aôndo ayange ayange sha ci wen, anmgbianev, er i doo u eren yô, gadia jighjigh wen u nan ngu seer je zua iyol ga, man dooshima u hanmô wen hen ayol a en kpaa ngu ngeen je,

1 Timoteu 5:13

Man shi kwagh ugen kpaa, ka ve hen u lun gbilin yô, man u gbaan zenden sha uya uya tsô, man ve kera lu gbilin tseegh ga, ve eren angereke shi ve amber sha akaa, ve lamen ve teren akaa a a doo ga yô.

Titu 3:14

Ior mba ken vese ve̱ hen er vea er ityom i injaa sha u wasen sha ugbayol yô, atam a̱ de banen hen a ve ga.

Filemon 1:6

M ngu eren msen mer mnyer wou u u nyer nongo ken jighjigh u nan ne yô, a̱ wase, a̱ er tom ken we, a̱ ar a we ken mfe u fan akaa a doon cii a se lu a mi ken Kristu la.

Mbaheberu 6:12

sha u iyol i̱ de kera kpeen ne ga, kpa ne̱ hingir mbakaven mba ve ya dyako u uityendezwa sha jighjigh u nan man sha ishima i wan kpaa.

2 Peteru 1:2

I̱ seer ne mrumun u sha mhôôn kua bem wuee, sha kwaghfan u ne fe Aôndo la man shi Yesu Ter wase kpaa.

2 Peteru 1:3

Gayô agee a Na a sha inja i Aôndo la na se akaa cii a a lu a inja sha uma wase man u civir Aôndo, ka sha mfe u fan Un u a yer se sha iengem Na man agee a Na a hemban la.

2 Peteru 2:20

Gadia aluer vea osough vea war ihôngor i tar kera sha mfe u ve fe Yesu Kristu, Ter wase man Oryiman wase la, kpa akaa ne á shi á kôr ve á hemba ve yô, mkur ve u masejime la hemba vihin a mlu ve u hiihii la.

2 Peteru 3:18

Kpa seer vesen nen sha mrumun u sha mhôôn man sha mfe u ne fe Yesu Kristu Ter wase man Oryiman wase la. Ka Un i̱ civir Un ye, hegen zan zan sha iyange i tsôron la kpaa. Amen.