2 Peteru 1:2 - ICIGHAN BIBILO

² I̱ seer ne mrumun u sha mhôôn kua bem wuee, sha kwaghfan u ne fe Aôndo la man shi Yesu Ter wase kpaa.

2 Peteru 1:2 Iomraidhean Croise

Yesaia 53:11

sha mtoghor u uma Na, Una nenge a min je, á kuma Un; sha kwaghfan Na, wanakiriki Wam u perapera la, Una gema ior kpishi vea hingir mbaperapera; Una tôô afer a ve sha iyol Na kpaa.

Daniel 4:1

Tor Nebukadinesar, u zan hen ior man akuraior man ijô cii, mba ve tem sha won cii: Bem a̱ ngee her a ven.

Daniel 6:25

Tsô tor Dariu nger hen ior man akuraior man ijô cii, mba ve tem sha won cii, er: Bem a̱ ngee ne.

Luka 10:22

Akaa cii Ter gema a wam sha ikev; man shi ma or fa Wan ga, saa Ter tseegh; man shi ma or fa Ter kpaa ga, saa Wan, man shi hanmô u Wan A we ishima u pasen nan yô.

YOHANE 17:3

Man uma u tsôron yô, ka u ve̱ fa U, We Aôndo u mimi tswen, man shi Un u U tindi la, ka Yesu Kristu.

Mbaromanu 1:7

Ne mba ne lu ken Roma mba ne doo Aôndo ishima la cii mba i yer ne er ne̱ lu uicighanmbaiorov la, mrumun u sha mhôôn a̱ lu sha a ven kua bem mba ve dugh her Aôndo Ter wase man Ter Yesu Kristu kpaa.

2 Mbakorinte 4:6

Ka Aôndo u A kaa er, iwanger i̱ wanger ken ime la, A lu tan iwanger ken asema ase ye, sha u mkav u iengem i Aôndo i sha ishigh ki Kristu la i̱ wanger se yô.

Mbafilipi 3:8

Mimi je m nenge akaa cii hingir mo msaa sha ci u mfe u fan Kristu Yesu Terem la a hembe ica yum yô. Ka sha ci Na man m de akaa cii a saam ye, m nenge a hingir mo hôngor sha u Kristu Una lu mtsera wam yô,

1 Peteru 1:2

sha mtsengefan u Aôndo, sha mtsegh u sha Jijingi, u zan ken iko i wan man awambe a mishin a Yesu Kristu. I̱ seer ne mrumun u sha mhôôn kua bem wuee.

2 Peteru 1:3

Gayô agee a Na a sha inja i Aôndo la na se akaa cii a a lu a inja sha uma wase man u civir Aôndo, ka sha mfe u fan Un u a yer se sha iengem Na man agee a Na a hemban la.

2 Peteru 1:5

Sha ci u kwagh ne jim yô, nôngo nen ngeegh je, sha jighjigh wen u nan la, seer nen aeren a dedoo, sha aeren a dedoo la, seer nen kwaghfan;

2 Peteru 1:8

Gadia aluer akaa ne aa lu ken a ven man á ngee je, á dumbur yô, aa na er ken mfe u ne fe Ter wase Yesu Kristu la né kera lu gbilin shin mbaumen atam ga, ze.

2 Peteru 2:20

Gadia aluer vea osough vea war ihôngor i tar kera sha mfe u ve fe Yesu Kristu, Ter wase man Oryiman wase la, kpa akaa ne á shi á kôr ve á hemba ve yô, mkur ve u masejime la hemba vihin a mlu ve u hiihii la.

2 Peteru 3:18

Kpa seer vesen nen sha mrumun u sha mhôôn man sha mfe u ne fe Yesu Kristu Ter wase man Oryiman wase la. Ka Un i̱ civir Un ye, hegen zan zan sha iyange i tsôron la kpaa. Amen.

Yuda 1:2

I̱ seer ne mhôônom ma zungwen man bem man dooshima wuee.

Mpase U Yohane 1:4

Yohane ngu sughun iniongo i Kristu i itiankarihiar i ken Ashia la. Mrumun u sha mhôôn a̱ lu sha a ven kua bem mba ve dugh hen Un u A lu hegen, ngise kpaa lu, shi A lu van kpaa la, man shi hen Ujijingi mba utaankaruhar mba ve lu sha ishigh ki ikônough Nagh ki torough la,