2 Peteru 1:16 - ICIGHAN BIBILO

¹⁶ Gadia zum u se va pase ne agee man m-ande u Ter wase Yesu Kristu la yô, kera lu sha gbenda u ukwaghhir mba i dugh a dugh sha kwaghfan la se lu zan ga, kpa se lu mba se nenge a nenge iengem Na sha ashe je.

2 Peteru 1:16 Iomraidhean Croise

Malaki 3:2

Kpa ka anti nana hendan ishigh a iyange i mve Na laa? Man ka anti kpaa nana tile sha zum u Una ande laa? Gadia ngu er ka usu u orsoughon iyôgh nahan, man er icahul i or u ôôn akondo yô;

Malaki 4:5

Nenge nen, tindin Yam ne a profeti Eliya er iyange i vesen i cieryol i TER i lu a va ga yô.

Mateu 16:27

Gadia Wan u or Una na hanma or sha aeren a nan.

Mateu 16:28

Mimi je M kaan ne ne, mba ve til heen ne, mbagenev ker ka mba vea bende a ku je ga, saa vea vande nengen a Wan u or Una lu van ken tartor Na ve.

Mateu 17:1

Tsô ayange nga kar ataratar yô, Yesu kua a Peteru man Yakobu man anngô na Yohane, za unde sha gôgôwo, ve tseegh;

Mateu 24:27

Gadia er inyiar ka i nyiar sha ityoughkitaregh man i wanger i mande shin ityôtar nahan kape m-ande u Wan u or kpaa una lu la.

Mateu 24:3

Tsô za tem sha uwo u Olev yô, mbahenen va her a Na, ve tseegh, ve kaa er: Kera kaa ase se yôô, ka hanma shighe man akaa ne aa ere? Man ka nyi ia lu ikav i sha mve Wou la man i mkurtara?

Mateu 28:18

Tsô Yesu va va ôr kwagh a ve, kaa er: Tahav mbu Sha man mbu sha won cii i wam sha ikev.

Marku 13:26

Hen shighe la, á nenge Wan u or Una va sha abeen, a agee a vesen kua iengem.

Marku 14:62

Yesu kaa er: Ka Mo Un je ne; man né nenge Wan u or, Una tema ken uwegh ku yanegh ku Ageegh la, Una va a abeen a sha kwavaôndo imôngo.

Luka 1:2

er mba ve lu nengen Imo la sha ashe a ve sha hiihii je shi ve lu eren Un tom kpaa yô, ve na se a la,

Luka 9:43

Ve cii kpiligh ve iyol a tahav mbu vesen mbu Aôndo. Kpa er ve cii lu kpiligh ve iyol sha akaa a Yesu A er cii nahan, A kaa a mbahenen Nav er:

YOHANE 1:14

Man Imo la hingir or je, va tema her a vese, se kenger icivir Na, icivir la lu er ka i Wan u môm môm u Ter nahan, mgbough a mrumun u sha mhôôn man mimi kpaa.

YOHANE 17:2

gadia U na Un tahav sha uuma cii, sha u mba U ne Un cii A̱ na ve uma u tsôron yô.

Mbaromanu 1:4

kpa sha Jijingi u mtsegh i pase er Un ka wan u ageegh u Aôndo sha mnder u shin mbakpenev, ka Yesu Kristu Ter wase je la.

1 Mbakorinte 1:17

Gadia Kristu tindim, lu sha u eren batisema ga, kpa lu sha u m ôron Loho u Dedoo, i̱ de lu sha kwaghôron u fan yum kpaa ga sha u terankon u Kristu u̱ de hingir gbilinkwagh ga yô.

1 Mbakorinte 1:23

Kpa se yô, se mba pasen kwagh u Kristu u i mande Un sha terankon; Mbayuda yô, ka kwagh u nan ve gbev mbu nôngon je, man atôatyev yô, gema ka ve ibumekwagh je.

1 Mbakorinte 1:7

nahan ne kera yina sha ma iwua i sha mrumun u sha mhôôn ga, er ne keghen mpase u á va pase Ter wase Yesu Kristu ken igbar la,

1 Mbakorinte 2:1

Mo kpaa, anmgbianev, zum u m va hen ven la, lu sha kwaghôron u hemban shin sha kwaghfan man m ôr ne mpase u Aôndo ga.

1 Mbakorinte 2:4

Kwaghôron wam man kwaghaôndo wam u pasen kpaa, lu sha mhanger u kwaghôron tsô ga, kpa ikav i Jijingi man i agee kpaa lu sha mi,

1 Mbakorinte 5:4

Zum u ne kohol ken iti i Ter Yesu, ne kua jijingi wam man agee a Ter wase Yesu yô,

2 Mbakorinte 2:17

Se mba zenden kpenga a kwaghôron u Aôndo er mbagenev kpishi ve eren nahan la ga, kpa se mba ôron kwagh ken Kristu sha mimi, ka er mba Aôndo A tindi ve nahan man ka sha ishigh ki Aôndo kpaa.

2 Mbakorinte 4:2

Kpa se venda akaa a kunya a ken myer la, se mba zenden sha atseregh ga, se mba kôron mkaanem ma Aôndo geman a mi ga, kpa se mba duen a mimi ken igbar, se mba pasen ayol a ase sha ci u imo i ken ishima i hanma or sha ishigh ki Aôndo.

Mbaefese 4:14

Ka nahan man sé kera lu mbayev mba ka i daase a ve i yem a ve wue wue sha ahumbe a ityesen, sha atseregh a ior, sha mtsugh u tsughun ior tsumen a ve sha wayo la ga ye.

Mbafilipi 3:21

Una va gema ayol a ase a icivirigh ga ne, aa hingir kposo á lu kwagh môm a iyol Na i iengem la, ka sha agee a Na a A fetyô u geman akaa cii hingir sha ikev Na la.

1 Mbatesalonika 2:19

Gayô, ka nyi i lu ishimaverenkeghen yase, shin iember yase shin tsar wase u ihagh u sha ityou laa? Kera ka ne je sha ishigh ki Ter wase Yesu sha m-ande Na gaa?

2 Timoteu 2:9

Ka un u mve na a lu sha injatom i Satan sha uivande man akaa a kpilighyol a aiegh,

1 Timoteu 1:4

shi ve de̱ veren ishima sha ukwaghhir man icombor i ôron i lun a mkur ga la ze. Akaa ne ka a na anyiman a gbilinigh tsô, i kera lu ityesen i Aôndo i sha jighjigh u nan la ga.

1 Timoteu 4:7

Kpa ukwaghhir mba dang dang mba ungômbakasev la yô, venda kera. Kar iyol you sha u ú taver sha u civir Aôndo yô.

Titu 1:14

man ve̱ de veren ishima sha ukwaghhir mba Mbayuda ga shin sha atindi a ior mba ve undu mimi la kpaa ga.

2 Peteru 2:3

Sha hua ve u eren la, vea zua a mtser sha a ven sha akaaôron a sha atseregh. Ibo i i na ve ngise la, ngi gbilin ga, man mtim ve kpaa ngu mnya ga.

1 Yohane 4:14

Se yô, se nenge man se mba eren shiada ser, Ter tindi Wan sha u A̱ lu Oryiman u tar.

Yuda 1:14

Heno u a lu kov u sha utaankaruhar hii sha Adam la kpaa, ôr kwaghôron u profeti sha kwagh u mban, a kaa er: Ter va a uicighan Nav udubu udubu,

Mpase U Yohane 1:7

Nenge, ngu van sha abeen man hanma ashe aa nenge a Na, kua ve mba ve kuma Un la kpaa. Akuraior a sha won cii aa vaa sha ci Na. Kape i lu je la. Amen.