2 Peteru 1:1 - ICIGHAN BIBILO

¹ Shimeon Peteru, kpan man apostoli u Yesu Kristu, ngu sughun mba ve zough a jighjigh u nan u injaa di er u wase nahan, sha perapera u Yesu Kristu u A lu Aôndo wase man Oryiman wase la.

2 Peteru 1:1 Iomraidhean Croise

Yesaia 12:2

Nenge, ka Aôndo A lu myom wam ye; me suur sha a Na me cia ga; gadia TER AÔNDO ka agee am kua icam yam man shi A hingir myom wam kpaa.

Yeremia 33:16

Sha ayange shon la á yima Yuda, man Yerusalem una tema bem bem; iti i á yila un a mi yô, er: TER ka perapera wase.

Mateu 10:2

Ati a mbaapostoli mba pue kar uhar mbala yô, ka a ne: u hiihii lu Shimon u i yilan er Peteru la, man anngô na Yohane;

Mateu 4:18

Ngur teran hen kpe u zegemnger u Galilia yô, A nenge a anngôôv uhar, lu Shimon u i yilan er, Peteru la, man shi anngô na Anderia, ve lu haan ukper shi zegemnger, gadia ve lu mbakôron ishu.

Luka 1:47

jijingi wam kpaa ngu ember ken Aôndo, Oryiman wam.

Luka 11:49

Ka sha ci u nahan man mfe u Aôndo kaa er: Me tindi ve a uprofeti man mbaapostoli; vea wua mbagenev, vea tôv mbagenev a ican;

YOHANE 1:42

A kua a na a va a na hen Yesu. Yesu kenger un kaa er: We u ngu Shimon, wan u Yona, á masen yilan we er Kefa (inja na yô er Peteru).

YOHANE 12:26

Aluer anti or nana eren Mo tom yô, Ter Una civir nan, nana̱ dondo sha a Mo; hen ape Mo M lu la, ka her je man or u nan eren Mo tom kpaa nana lu ye. Aluer anti or nana eren Mo tom yô, Ter Una civir nan.

YOHANE 20:21

Tsô Yesu shi kaa a ve er: Bem a̱ lu sha a ven. Er Ter A tindim yô, Mo kpaa M ngu tindin ne nahan.

Aerenakaa A Mbaapostoli 15:14

Shimon pase er Aôndo lu vande sôron atôatyev sha u Una dugh nongo ken a ve sha ci u iti Na yô.

Mbaromanu 1:1

Paulu, kpan u Kristu Yesu u i yila un er a̱ lu apostoli, i tsegha un sha ci u Loho u Dedoo u Aôndo

Mbaromanu 1:12

Inja na yô, se cii ma i taver se asema a ven imôngo sha jighjigh wase u nan ayol a ase, u wen kpaa, u wam kpaa.

Mbaromanu 1:17

Gadia ka sha u man i pase perapera u Aôndo kpaa ye, hii sha jighjigh u nan za a za hemen ken jighjigh u nan. Kape i nger kpaa la er: Or u perapera yô, ka sha jighjigh u nan man nana lu uma ye.

1 Mbakorinte 1:30

Kpa ka Un A ne ne lu ken Kristu Yesu ye, Un u Aôndo gema Un A hingir se mfe man perapera man mtsegh man mpaa kpaa.

1 Mbakorinte 15:9

Gadia mo m hemba gban ijime ken mbaapostoli cii m kuma u á yilam er apostoli kpaa ga, gadia m tôv nongo u Kristu u Aôndo a ican.

1 Mbakorinte 9:1

Mo m ngu sha ian yam ga ha? Mo m ngu apostoli ga zee? M nenge a Yesu Ter wase ga ha? Ne kera mba tom wam ken Ter gaa?

2 Mbakorinte 4:13

Se mba a imbaishima i nan jighjigh vough er kwagh u i nger la a kaa nahan yô er: M na jighjigh, ka nahan man m lu ôron kwagh ye, se kpaa se mba nan jighjigh, ka nahan man se lu ôron kwagh kpaa ye.

2 Mbakorinte 5:21

A gema Un u A fe isholibo ga la, hingir isholibo sha ci wase sha u se se̱ hingir perapera u Aôndo ken a Na yô.

Mbagalatia 2:8

Gadia Un u A na Peteru agee sha u lun apostoli u mbaicôngo la yô, mo kpaa, A nam di nahan sha ci u atôatyev.

Mbaefese 3:5

Ken ikov igen yô, i lu a pase ônov mba iorov kwagh ne er hegen i pase uicighanmbaapostoli Nav kua uprofeti ken Jijingi nahan ga,

Mbaefese 4:11

Ka Un je A ne mbagenev ve lu mbaapostoli, mbagenev yô, ka uprofeti mbagenev ka mbaivangeli, mbagenev ka mbakuran man mbatesen.

Mbaefese 4:5

Ter ngu môm, jighjigh u nan kpaa ngu môm, batisema kpaa môm,

Mbafilipi 1:1

Paulu man Timoteu ikpan i Kristu Yesu mba sughun uicighanmbaiorov ken Kristu Yesu, mba ve lu ken Filipi vea mbakuran kua udiakon kpaa.

Mbafilipi 1:29

Ne yô, i rumun ne sha mhôôn er sha kwagh u Kristu yô, ka jighjigh tseegh né na Un ga, kpa né ya ican sha ci Na kpaa,

Mbafilipi 3:9

ma i kohol mo ken a Na, m̱ de lu a perapera wam iyol yam u sha atindi la ga, kpa i̱ lu u sha jighjigh u nan u i ne Yesu la, ka perapera u a dugh her Aôndo sha jighjigh u nan la,

WASHIKA U SHA UHAR U PAULU APOSTOLI TINDI HEN TIMOTEU - 2TI 1:5

M ngu umbur jighjigh u nan u mimi u a lu ken a we, u a vande lun ken ngôu u tamen Loisi man shi ken ngôu Unise kpaa, shi m fa dedoo mer ngu ken we kpaa.

Titu 1:1

Paulu, kpan u Aôndo man apostoli u Yesu Kristu sha inja i jighjigh u nan u uicuwan mba Aôndo man sha inja i mkav u kaven mimi u sha mciviraôndo la,

Titu 1:4

M ngu sughun Titu, ka wan wam mimi ken jighjigh u nan u se zough sha mi la. Mrumun u sha mhôôn man bem mba ve dugh her Aôndo Ter wase man Yesu Kristu Oryiman wase, ve̱ lu sha a we.

Titu 2:13

se̱ keghen ishimaverenkeghen i dedoo, ka m-ande u iengem i Aôndo wase u A vese yum ne man Oryiman wase Kristu Yesu

Yakobu 1:1

Yakobu, kpan u Aôndo man u Ter Yesu Kristu ngu sughun ikwe i pue kar ihiar i i sambe la.

1 Peteru 1:1

Peteru apostoli u Yesu Kristu ngu sughun ushirmbaiorov mba ve sambe ve lu ken Pontu man Galatia man Kapadoshia man Ashia man shi Bitinia la, ka mba i tsough ve

1 Peteru 1:7

Zenaria u a lu kwagh u saan ishe kpaa ka i kar un sha usu je, nahan mkar u i kar jighjigh wen u nan u a hemba zenaria inja ica la, ka sha u una kuma iwuese man icivir man iengem sha m-ande u Yesu Kristu.

1 Peteru 2:7

Kape A lu a inja her a ven ne, ne mba ne ne jighjigh ne. Kpa hen mbanan jighjigh ga yô, kwaghôron ugen ngu er: Iwen i mbamaan ve vende i la, ka i je i hingir i sha zongo ye,

1 Peteru 5:1

Nahan yô, m ngu taver mbatamen mba ken ven asema, mo u m lu ortamen a ve imôngo man shi orshiada u atsan a Kristu kpaa. Mo kpaa m ngu a kwar sha iengem i á va pase i la.

2 Peteru 1:4

Ka sha ve kpaa man a na se uityendezwa Nav mba injaav mba tamen mba tamen ye, sha u né gema né nyôr nongo ken mlu u Aôndo sha uityendezwa mbala, né war hôngor u u lu shin tar sha isharen i bo la kera yô.

Yuda 1:1

Yuda kpan u Yesu Kristu man anngô u Yakobu her kpaa, ngu sughun mba i yer ve, ve doo Aôndo Ter ishima shi i lu kuran ve sha ci u Yesu Kristu la.