1 Yohane 5:7 - ICIGHAN BIBILO

⁷ Mba ve eren shiada [Sha] yô, mba utar [ka Ter man Imo man Icighan Jijingi, man mba utar mban yô, ka môm.

1 Yohane 5:7 Iomraidhean Croise

Upasalmi 33:6

Ka sha mkaanem ma TER i er Usha ye; shi ka sha iôôn i ken zwa Na i er akum a ve cii kpaa ye.

Yesaia 61:1

Jijingi u Ter AÔNDO ngu sha a Mo, sha ci u TER shighem mkurem; A verem er M̱ sur mba asema a vihi ve la asema, M̱ yôô i̱ pase mbakwarev man i̱ bugh gaadi u mba i hee ve ahye la.

Mateu 17:5

Tsô ngur ôron kwagh nahan ave je yô, ibeenegh ki iwangeregh va gba mure sha a ve; tsô imo due ken ibeenegh kila, kaa er: Ngun ka Wan Wam u ishima ishima, u ishima i doom a Na yum yô, ungwan nen Un.

Mateu 18:16

Man aluer una ungwa u ga yô, shi kua a or môm shin ior ihiar a we imôngo, sha er hanma kwaghôron una kure sha zwa u mbashiada uhar shin utar yô.

Mateu 28:19

Nahan yô, za nen, za gema nen akuraior cii a̱ hingir mbahenen, eren nen ve batisema ken iti i Ter man Wan man Icighan Jijingi.

YOHANE 1:1

Sha hiihii je Imo lu; Imo la lu vea Aôndo, man Imo la lu Aôndo je.

YOHANE 10:30

Mo a Ter ka kwagh môm.

YOHANE 12:28

Tere, na iti You icivir. Tsô imo due Sha kaa er: M vande civir i, Me shi Me civir i kpaa.

YOHANE 14:17

ka Jijingi u mimi u tar u fetyô u ngohol Un ga yô, gadia ngu nengen a Na ga, mfe kpaa u fa Un ga; ne yô, ne fa Un, gadia ngu a ven, shi Una lu ken a ven kpaa.

YOHANE 15:26

Kpa Orsurunshima u Me tindi ne a Na hen Ter, ka Jijingi u mimi u A dugh ken Ter je la, Una va yô, ka Un je Una pase kwagh Wam ye.

YOHANE 5:26

Gadia er Ter A lu a uma ken iyol Na nahan, kape A ne Wan u lun a uma ken iyol Na kpaa la.

YOHANE 8:18

Mo M eren shiada sha kwagh Wam iyol Yam, man shi Ter u A tindim kpaa, eren shiada sha a Mo.

YOHANE 8:54

Yesu gema kaa er: Aluer Mea civir iyol Yam yô, icivir Yam la ia lu a inja ga; ka Terem A civir Mo ye, Un u ne kaan ner, ka Aôndo wen la.

Aerenakaa A Mbaapostoli 2:33

Er i kende Un sha a lu ken uwegh ku yanegh ku Aôndo man er A ngohol ityendezwa i Icighan Jijingi hen Ter A haa Un yô, ka kwagh shon u ne lu nengen shi ne lu ungwan kpaa je ne.

Aerenakaa A Mbaapostoli 5:32

Man se mba mbashiada sha akaa ne, kua Icighan Jijingi kpaa u Aôndo na mba ve ongo imo Na la.

2 Mbakorinte 13:14

Mrumun u sha mhôôn u Ter Yesu Kristu man dooshima u Aôndo man mzough u Icighan Jijingi ve̱ lu sha a ven cii. Amen.

Duteronomi 6:4

Yô, ver ato Iserael: TER, Aôndo wase, ka TER, tswen, je!

1 Yohane 1:1

Kwagh u a lu sha hiihii la je, u se ungwa, man u se nenge sha ashe ase kpaa, man u se kenger je, ave ase kpaa bende sha mi, sha kwagh u Imo i uma la—

1 Yohane 5:6

Ka Un u A ve sha mnger man awambe la, ka Yesu Kristu je la. Ka sha mnger tseegh ga, kpa ka sha mnger kua sha awambe kpaa. Ka Jijingi A eren shiada ye, gadia Jijingi ka u mimi je.

1 Yohane 5:8

Man mba ve eren shiada shin tar yô, mba utar] ka Jijingi man mngerem man awambe; mba utar mban cii ve zua ken u môm.

Mpase U Yohane 19:13

Ngu a riga iyol u i we un shin awambe yô, mba yer iti Na er, Imo i Aôndo.