1 Yohane 5:6 - ICIGHAN BIBILO

⁶ Ka Un u A ve sha mnger man awambe la, ka Yesu Kristu je la. Ka sha mnger tseegh ga, kpa ka sha mnger kua sha awambe kpaa. Ka Jijingi A eren shiada ye, gadia Jijingi ka u mimi je.

1 Yohane 5:6 Iomraidhean Croise

Esekiel 36:25

Me mishi ne mngerem ma wang, nahan né wanger; Me wanger ne sha ihôngor yen kera cii, man sha akombo a en cii kpaa.

Levitiku 17:11

Gadia uma u inyam yô, ka ken awambe a lu ye, Mo M na ne a sha atse a nanden nagh sha mi, sha u nan iwom a mi sha ci u uuma enev; gadia awambe nga ne iwom sha uma u a la.

Sekaria 9:11

We kpaa, sha ci u awambe a ikuryan you la yô, M pase mbauikangenev ou mba ve lu shin ihungwa i lun a mngerem shimi ga la, M tuhwa.

Mateu 26:28

gadia ka awambe Am a ikuryan je ne, a i hee a sha ci u ior kpishi sha u den asorabo.

Mateu 3:16

Tsô er i er Yesu batisema kera yô, A due shin mnger fese, maa i bugh Sha man A nenge a Jijingi u Aôndo lu senen er ikungugh nahan, va tema sha a Na.

Marku 14:24

A kaa a va er: Ka awambe Am a ikuryan i he je ne, a i hee a sha ci u ior kpishi.

Luka 22:20

Iyongo di kpaa nahan, er kwaghyan bee kera yô, A kaa er: Iyongo ne ka ikuryan i he i ken awambe Am a i hee sha ci wen ne.]

YOHANE 14:17

ka Jijingi u mimi u tar u fetyô u ngohol Un ga yô, gadia ngu nengen a Na ga, mfe kpaa u fa Un ga; ne yô, ne fa Un, gadia ngu a ven, shi Una lu ken a ven kpaa.

YOHANE 14:6

Yesu kaa a na er: Mo M ngu gbenda man mimi man uma kpaa. Ma or gbe van hen Terem ga, saa nana kar her a Mo.

YOHANE 15:26

Kpa Orsurunshima u Me tindi ne a Na hen Ter, ka Jijingi u mimi u A dugh ken Ter je la, Una va yô, ka Un je Una pase kwagh Wam ye.

YOHANE 16:13

Kpa zum u Un, Jijingi u mimi la, Una va va yô, Una hemen ne Una za a ven ken mimi cii; gadia Una gba ôron kwagh sha tahav Nav ga, kpa nyityô kwagh i Una ungwa yô, ka i je Una ôr ye, shi Una pase ne akaa a a lu van ken hemen la kpaa.

YOHANE 3:5

Yesu gema kaa er: Mimi mimi je, M kaan we ne, saa á mar or sha mnger kua Jijingi, gayô, nana fatyô u nyôron tartor u Aôndo ga.

YOHANE 4:10

Yesu gema kaa a na er: Wea fe iwua i Aôndo, man shi Un u A kaan a we er: nam mngerem, M̱ ma, ne yô, ma u sen Un, ma A ne u mngerem ma umam.

YOHANE 4:14

Kpa hanma or u nana ma mngerem ma Mo Me na nan yô, imura ia kera kôr nan mayange ga; kpa mngerem ma Me na nan mara, maa hingir imbormnger ken a nan, maa saar zan zan uma u tsôron.

YOHANE 6:55

Gadia iyol Yam ka kwaghyan u mimi je, awambe Am kpaa ka kwaghman u mimi je.

Aerenakaa A Mbaapostoli 8:36

Tsô mba ngur yemen sha gbenda yô, ve za ar hen mnger. Or u eren tom ken ya u tor la kaa er: Mngerem kpaa man, man ka nyi je i yange u eren mo batisema? [

Mbaromanu 3:25

Un yô, Aôndo vande veren Un er A̱ lu iwom i sha jighjigh u nan, sha awambe a Na. Lu sha u Aôndo Una tese perapera Na gadia asorabo a i vande eren tsuaa sha shighe u ishimawan i Aôndo la yô, A kera wa a iko ga.

Mbaefese 1:7

Ken a Na yô, se mba a mpaa u sha awambe Na man shi mde u gbev mbu nôngon sha mrumun Na u sha mhôôn u ngeen yum la,

Mbakolose 1:4

gadia se ungwa kwagh u jighjigh wen u nan u ken Kristu Yesu la man shi dooshima u uicighanmbaiorov cii ve doo ne asema

1 Timoteu 3:16

Mimi je, kwaghmyer u a lu sha mcivir u se civir Aôndo la, vese tsô. I pase Un ken iyol i or ken igbar, i na Un ishô ken Jijingi, mbatyomov mba Shaav nenge a Na, i pase kwagh Na ken atôatyev, i na Un jighjigh sha won, i yem a Na sha ken iengem.

Titu 3:5

A yima se, lu sha aeren a ase a perapera ga, kpa lu sha mhôônom ma zungwen Nam iyol Na lu sha m-ee u i ôô se sha mmar u he, man sha mgem u he u sha Icighan Jijingi

Mbaheberu 10:29

Ne mba nengen nana? Or u nan ndyar Wan u Aôndo shin angahar a nan shi nan nenge er awambe a ikuryan a i tsegh nan sha mi la ka kwagh u hôngorough man shi nan laha Jijingi u mhôôn la yô, mtsaha u nan una kpen vihin nan sha wonoo?

Mbaheberu 12:24

man shi Yesu, Orhimen u ikuryan i he, man awambe a mishin a a hembe ôron kwagh u doon a a Abel la.

Mbaheberu 13:20

Aôndo u bem u A nder Ter wase Yesu Orkuranilev u tamen shin mbakpenev sha awambe a ikuryan i tsôron,

Mbaheberu 9:14

man hira awambe a Kristu, Un u A na Aôndo nagh ku lun a ihogholough mape ga, sha iyol Na sha Jijingi u tsôron, aa kera wanger imo i ken asema a en sha aeren a a lu kpenegh la, sha u eren Aôndo u uma tom ga yee?

Mbaheberu 9:7

Kpa u sha uhar la yô, ka zegepristi tseegh a nyer ker ye, ken hanma inyom kwa môm. Kpa a ban a awambe ga a ka a za na nagh a mi sha ci na iyol na man sha ci u asorabo a nongoior la, a ve er abu la.

1 Peteru 1:2

sha mtsengefan u Aôndo, sha mtsegh u sha Jijingi, u zan ken iko i wan man awambe a mishin a Yesu Kristu. I̱ seer ne mrumun u sha mhôôn kua bem wuee.

1 Peteru 3:21

Ma tese ikav sha batisema u ne kpaa ne lu waren sha mi hegen yô; batisema ka u wanger hôngor u sha iyol kera ga, kpa ka msen u sônon Aôndo imo i wanger wanger i ken ishima sha mnder u Yesu Kristu shin ku.

1 Yohane 1:7

Kpa aluer se zenden ken iwanger er Un A lu ken iwanger nahan yô, sé zua ayol a ase, man awambe a Yesu Wan Na nga wanger se sha asorabo cii.

1 Yohane 4:10

Ka hen ape dooshima a lu ne: ka Aôndo man A doo se ishima ga, kpa ka se, se doo Aôndo ishima ye, man A tindi Wan Na hingir iwom sha asorabo ase.

Mpase U Yohane 1:5

man shi hen Yesu Kristu, Orshiada u jighjigh, ka Waniunda u ken mbakpenev man ka Tor u tamen sha utor mba sha won kpaa. Un u se doo Un ishima man A sagh se A due a vese ken asorabo ase kera sha awambe a Na

Mpase U Yohane 5:9

Ve wa icam i he ve kaa er: We, U kuma u ngohol ruamabera la, bughun akav a na, gadia i sôngo U man U yam Aôndo ior sha awambe a Ou ken hanma nongo man hanma zwa man hanma nongoior man hanma ikurior,

Mpase U Yohane 7:14

M gema m kaa a na mer: Terem, we u fa. Tsô a kaa a mo er: Mban ka mba ve dugh ken zegecan la yô; ve ôô uriga vev ken awambe a Waniyôngo, ve kungu ve.