1 Yohane 5:16 - ICIGHAN BIBILO

¹⁶ Aluer anti or nana nenge anmgbian u nan una lu eren isholibo i i lu u zan ken ku ga yô, nana er msen, tsô Aôndo Una na nan uma, ka mba ve eren isholibo i zan ken ku ga la. Isholibo i zan ken ku kpaa ngi. Ka sha ci u ngila man m kaa mer nana̱ er msen ga.

1 Yohane 5:16 Iomraidhean Croise

Genese 20:17

Tsô Aberaham sôn Aôndo, Aôndo war Abimeleki vea kwase na kua ikpan na i ukase, nahan ve gba maren.

Genese 20:7

Hegen yô, hire ase or la a kwase na, gadia ka profeti je; una er msen sha ci wou, ú lu uma; man aluer wea hide a na ga yô, fa, ka ku ú kpe ye, we kua ior ou cii.

Upasalmi 106:23

Ka nahan man A kaa er, Una tim ve kera ye; ka Mose, icuwanor Na la, va tile Un sha ishi a zamber, sha u goom a iyugh Na kera, sha er A̱ de timin ve ga ye.

Ekesodu 34:9

A kaa er: TERE, aluer doo U a mo yô, TER ma A ze a vese imôngo, gadia ka ior i taver ityough yum; de se ifer yase man isholibo yase kpaa, ngohol se, se̱ lu dyako Wou.

Yeremia 11:14

We yô, de eren msen sha ci u ior mban ga, man de genger mliam shin msen sha ci ve ga; gadia Me kera ungwa ve sha shighe u ve vaa mliam a Mo sha ci u kwagh u a tser ve la ga.

Yeremia 14:11

Shi TER kaa a mo er: De kera eren msen sha ci u ior mban, i̱ kpe ve iyol ga.

Yeremia 7:16

Nahan yô, we, de kera eren msen sha ci u ior mban ga, man shi de genger mliam shin msen sha ci ve ga, man shi de zamber a Mo sha ci ve ga, gadia Me ungwa u ga.

Esekiel 22:30

M ker or môm ken ve u nana sôr kpekpegar man nana tile hen ijiir i i hembe kpekpegar la sha ishigh Yagh sha u M̱ de kera timin tar la ga, kpa M tser a ma or ga.

Numeri 12:13

Tsô Mose vaa a TER, a kaa er: Aôndo ma U shi wanger un.

Numeri 15:30

Kpa aluer hanma or nana er ma kwagh sha apera, shin a lu or u hen tar la jim shin a lu shiror kpaa, nan ngu lahan TER; or la i̱ dugh nan ken nongo u nan kera;

Luka 12:10

Man shi hanma or u nana ôr kwagh sha Wan u or dang, á de nan, kpa u nana ôr kwagh u ityuhwan sha Icighan Jijingi yô, á de nan ga.

YOHANE 17:9

M ngu eren msen sha ci ve; ka sha ci u tar M eren msen ga, kpa ka sha ci u mba U nem la, gadia ka mba Ou je.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:14

Alekesander or u varen togula la a er a mo dang kpishi. Ter Una or un iyev sha aeren a na la.

1 Yohane 5:17

Hanma kwagh u a lu u perapera ga yô, ka isholibo je; kpa isholibo igen yô, ka u zan ken ku ga.

1 Samuel 12:19

Tsô ior cii kaa a Samuel er: Sôn TER, Aôndo wou, sha ci u mbayev ou sha er se̱ de kpen ga yô; gadia se seer kwaghbo ne sha asorabo a ase cii, er se ker tor yô.

1 Samuel 2:25

Aluer or nan er orgen isholibo yô, Aôndo Una ôr nan ijir; kpa aluer or nana er Aôndo isholibo yô, ka an nana sôn sha ci u nana? Nahan kpaa ve wa iko sha imo i ter ve ga, gadia TER ver ishima u timin ve.