1 Yohane 4:8 - ICIGHAN BIBILO

⁸ Kpa u nan lu a dooshima ga yô, nan fa Aôndo ga, gadia Aôndo ka dooshima je.

1 Yohane 4:8 Iomraidhean Croise

Upasalmi 86:15

Kpa We yô, Tere, U ngu Aôndo u mgboughon a mhôônom ma zungwen kua mrumun u sha mhôôn, u wan ishima man u lun a erdoo man mimi wuee je.

Upasalmi 86:5

Gadia We, Tere, U doo, U kegh iyol u den kwaghbo, erdoo Wou ngee a mba ve yer sha iti You cii.

2 Mbakorinte 13:11

Kwagh u a shi yô, anmgbianev, ember nen, sôr nen mbamlu enev, ungwa nen kwaghwan, lu nen ishima i môm, lu nen bem bem man Aôndo u dooshima man u bem Una lu a ven ye.

Mbaefese 2:4

Kpa Aôndo ngee a mhôônom ma zungwen, ka sha dooshima Na u vesen u se doo Un ishima la man A na se uma a Kristu imôngo je

Mbaheberu 12:29

Gadia Aôndo wase ka usu u hian kwagh kera.

1 Yohane 1:5

Man ngun ka loho u se ungwa her a Na ne, man shi se kaan ne kpaa ye; Aôndo ka iwanger je, ime ngi ken a Na ciôn tsô kpaa ga.

1 Yohane 2:4

U nan kaa er: M fa Un, kpa nan kera we atindi a Na iko ga yô, nan ngu or u aiegh je, mimi ngu ken a nan ga.

1 Yohane 2:9

U nan kaa er nan ngu ken iwanger, kpa nan gem nan ker anmgbian u nan ihom yô, nan ngu ken ime heregh.

1 Yohane 3:10

Ka sha kwagh ne man i pase ônov mba Aôndo a ônov mba diabolo ye; hanma or u nan eren perapera ga yô, nan due hen Aôndo ga, man shi u anmgbian u nan a doo nan ishima ga la kpaa.

1 Yohane 3:6

Hanma or u nan luun ker a Na yô, nan eren isholibo ga; hanma or u nan eren isholibo yô, nan ngu a nenge a Na ga, mfe kpaa nan fa Un ga.

1 Yohane 4:16

Se yô, se kav man se na dooshima u se doo Aôndo ishima la jighjigh kpaa. Aôndo ka dooshima je; man u nan tem ken dooshima yô, nan ngu ken Aôndo, Aôndo kpaa ngu di ken a nan nahan je.

1 Yohane 4:7

Ne mbadoon mo ishima, se doo nen ayol a ase, gadia dooshima yô, ka her Aôndo a dugh ye; hanma or u nan lu a dooshima kpaa, ka Aôndo A mar nan ye, shi nan fa Aôndo kpaa.