1 Yohane 4:7 - ICIGHAN BIBILO

⁷ Ne mbadoon mo ishima, se doo nen ayol a ase, gadia dooshima yô, ka her Aôndo a dugh ye; hanma or u nan lu a dooshima kpaa, ka Aôndo A mar nan ye, shi nan fa Aôndo kpaa.

1 Yohane 4:7 Iomraidhean Croise

YOHANE 13:34

M ngu nan ne tindi u he sha u doo nen ayol a en yô; er ne doom ishima nahan, kape ne kpaa, doo nen ayol a en vough la.

YOHANE 17:3

Man uma u tsôron yô, ka u ve̱ fa U, We Aôndo u mimi tswen, man shi Un u U tindi la, ka Yesu Kristu.

1 Mbakorinte 8:3

Kpa aluer Aôndo Una doo or ishima yô, nan kpaa Aôndo fa nan.

2 Mbakorinte 4:6

Ka Aôndo u A kaa er, iwanger i̱ wanger ken ime la, A lu tan iwanger ken asema ase ye, sha u mkav u iengem i Aôndo i sha ishigh ki Kristu la i̱ wanger se yô.

Mbagalatia 4:9

Kpa hegen er ne va fe Aôndo yô, shin guda er ne va lu mba Aôndo A fe ne yô, hii nan man shi ne lu hiden hen ujijingi mba ikoogh ga mbagban kera tsung la, shi i lu saren ne u shi hiden sha ikev ve er ka ikpan nahana?

Mbagalatia 5:22

Kpa ityamegh ki Jijingi yô, ka dooshima man msaanyol man bem man ishima i wan man sar sar man mlu u dedoo man jighjigh

Duteronomi 30:6

TER, Aôndo wou, Una tsôngo ishima you, man ishima i tsombor wou, sha er TER, Aôndo wou, A̱ doo u ishima a ishima you cii man a uma wou cii, sha er u̱ lu uma yô.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:7

Gadia ka jijingi u cian kwagh, Aôndo a ne se ga, kpa ka u ageegh man u dooshima man u kôron iyol tsaha.

1 Peteru 1:22

Er ne vande wanger asema a en kera sha iko i ne wan mimi iko la u zan ken dooshima u mimi u hen anmgbianev yô, doo nen ayol a en ken ishima tsung je.

1 Yohane 2:10

U anmgbian u nan a doo nan ishima yô, ka ken iwanger nan lu ye, ityôkwagh i nan gbev mbu nôngon ngi ken a nan je ga.

1 Yohane 2:29

Aluer ne fa er A lu u perapera yô, ne fa hanma or u eren perapera yô, ka Un a mar nan ye.

1 Yohane 2:3

Ka sha kwagh ne je man se fa er se fe Un ye, aluer sea kuran atindi a Na yô.

1 Yohane 2:4

U nan kaa er: M fa Un, kpa nan kera we atindi a Na iko ga yô, nan ngu or u aiegh je, mimi ngu ken a nan ga.

1 Yohane 2:7

Ne mbadoon mo ishima, ka ma tindi u he m ngeren ne ga, kpa ka tindi u tse u ne lu a mi sha hiihii je la kwaghôron u ne ungwa la, ka un a lu tindi u tse la ye.

1 Yohane 3:9

Hanma or u Aôndo A mar nan yô, nan eren isholibo ga, gadia vor Na ngu ker a nan; man nana fatyô u eren isholibo ga, gadia ka Aôndo A mar nan ye.

1 Yohane 4:11

Ne mbadoon mo ishima, aluer kape se doo Aôndo ishima la yô, nahan ka u se kpaa se̱ doo ayol ase.

1 Yohane 4:12

Mayange ma or ngu a nenge a Aôndo ga, kpa aluer se doo ayol a ase yô, Aôndo tema ken a vese man dooshima Na kpaa hingir vough ken vese.

1 Yohane 4:16

Se yô, se kav man se na dooshima u se doo Aôndo ishima la jighjigh kpaa. Aôndo ka dooshima je; man u nan tem ken dooshima yô, nan ngu ken Aôndo, Aôndo kpaa ngu di ken a nan nahan je.

1 Yohane 4:20

Aluer orgen nana kaa er: Aôndo doom ishima, man nan gema nan ngu kôron anmgbian u nan ihom yô, nan ngu or u aiegh je. Gadia or u anmgbian u nan, u nan nenge a nan la, a doo nan ishima ga yô, Aôndo u nan nengen a Na ga la, A fatyô u doon nan ishima ga.

1 Yohane 4:8

Kpa u nan lu a dooshima ga yô, nan fa Aôndo ga, gadia Aôndo ka dooshima je.

1 Yohane 5:1

Hanma or u nan ne jighjigh er Yesu ka Kristu yô, ka Aôndo A mar nan ye, man hanma or u Ter A doo nan ishima yô, un u A mar la kpaa, una doo nan ishima.

2 Yohane 1:5

Hegen yô, m ngu zamber a we, shagbakwase, m ngu ngeren we tindi u he ga, kpa ka u se lu a mi sha hiihii la; ka u se̱ doo ayol ase.