1 Yohane 4:4 - ICIGHAN BIBILO

⁴ Mbayev av, ne due ken Aôndo, ne hemba ve, gadia u A lu ken a ven la, hemba u a lu ken tar la.

1 Yohane 4:4 Iomraidhean Croise

YOHANE 12:31

Ka hegen je i lu u ôron tar ne ijiir ye; ka hegen je á dugh tor u tar ne kera ye.

YOHANE 14:30

Me kera seer ôron kwagh a ven kpishi ga; gadia tor u tar ne ngu van, ngu a ma ityôkwagh sha a Mo ga,

YOHANE 16:11

sha kwagh u ijirôron yô, ka sha ci u i er tor u tar ne ijir yô.

YOHANE 17:23

Mo ken a ve, man We di ken a Mo, sha u ve̱ hingir kwagh môm vough yô; sha er tar u̱ fa er We U tindim man shi er ve doo U ishima er M doo U ishima nahan kpaa yô.

Mbaromanu 8:31

Nahan sé kaa nana sha akaa ne? Aluer Aôndo ta ikaa ken vese yô, ka an je shi nana hendan kwagh a vese?

Mbaromanu 8:37

Kpa ken akaa ne cii se hemba tser tser sha ci u Un u se doo Un ishima la.

1 Mbakorinte 2:12

Kpa se yô, ka jijingi u taregh se ngohol ga, kpa ka jijingi u A dugh her Aôndo la, sha u se̱ fa akaa a Aôndo A ne se sha mhôôn yô.

1 Mbakorinte 6:13

Akaayan nga sha ci u iyav; iyav di kpaa mbu sha ci u akaayan, kpa mbu kua a kpaa, Aôndo Una kar a mi kera cii. Kpa iyol yô, ngi sha ci u idya ga, kpa ngi sha ci u Ter man Ter kpaa ngu sha ci u iyol.

2 Mbakorinte 4:4

Ve yô, ka mbanan jighjigh ga, aôndo u tar u ainge ne pir ve ashe a asema sha u ve̱ de nengen a iwanger i Loho u Dedoo u iengem i Kristu u A lu ibeen i Aôndo la ga.

2 Mbakorinte 6:16

Ka nyi i zough tempel u Aôndo a akombo? Gadia se yô, se mba tempel u Aôndo u uma je. Kape Aôndo A kaa je la er: Me tema hen ve shi Me zenden hen atô ve kpaa, Me lu Aôndo ve, ve kpaa vea lu nongoior Wam.

Mbaefese 2:2

a ne vande zenden sha mi sha inja i mlu u tar u ainge ne, sha inja i tor u tahav mbu ahumbev, ka jijingi u a lu eren tom hegen ken ônov mba ihembeato.

Mbaefese 3:17

Kristu A̱ tema ya ken asema a en sha jighjigh u nan er ne we amise ken dooshima, i tim ne ker dông yô,

Mbaefese 6:10

Kwagh ugen yô, taver nen ken Ter sha tahav mbu agee a Na.

1 Yohane 2:1

Mbayev av, akaa ne m ngu ngeren ne a sha u de kera eren nen isholibo ga yô. Aluer anti or nana er isholibo kpaa, se mba a Orwasen hen Ter, Yesu Kristu Orperapera.

1 Yohane 2:13

M ngu ngeren ne, uter, gadia ne fa Un u A lu sha hiihii je yô. M nger ne ikaior gadia ne hemba Orbo.

1 Yohane 3:20

gadia aluer ishima ia na se ibo yô, Aôndo hemba ishima yase man A fa akaa cii kpaa.

1 Yohane 3:24

Or u nan we atindi a Na iko yô, nan lu ken a Na, Un kpaa luun ken a nan. Ka sha kwagh ne man se fe er Un A lu ken a vese ye: ka Jijingi u A ne se la.

1 Yohane 4:13

Ka sha kwagh ne man se fe er se tem ken a Na, Un kpaa A tem ken vese ye, ka er A na se kwar u ken Jijingi Na yô.

1 Yohane 4:16

Se yô, se kav man se na dooshima u se doo Aôndo ishima la jighjigh kpaa. Aôndo ka dooshima je; man u nan tem ken dooshima yô, nan ngu ken Aôndo, Aôndo kpaa ngu di ken a nan nahan je.

1 Yohane 4:6

Se yô, se due ken Aôndo; or u nan fe Aôndo yô, nan ongo se; u nan dugh ken Aôndo ga yô, nan ongo se ga. Ka sha kwagh ne man se fe jijingi u mimi man jijingi u icughugh kpaa ye.

1 Yohane 5:19

Se fa se due ken Aôndo, kpa tar cii ngu sha ikev i Orbo.

1 Yohane 5:4

Gadia hanma kwagh u Aôndo A mar yô, hembe tar; man mhembe shon u a hembe tar yô, ka un ne; ka jighjigh wase u nan.

Mpase U Yohane 12:11

Ve yô, ve hemba un sha awambe a Waniyôngo man shi sha kwaghôron u shiada ve man uma ve kpaa doo ve ishima ga zan zan ar ken ku je.