1 Yohane 4:2 - ICIGHAN BIBILO

² Ka sha kwagh ne man né fa Jijingi u Aôndo ye: hanma jijingi u a pasen er Yesu Kristu va ken iyol i or yô, ka her Aôndo a dugh ye.

1 Yohane 4:2 Iomraidhean Croise

YOHANE 1:14

Man Imo la hingir or je, va tema her a vese, se kenger icivir Na, icivir la lu er ka i Wan u môm môm u Ter nahan, mgbough a mrumun u sha mhôôn man mimi kpaa.

1 Mbakorinte 12:3

Nahan yô, m ngu pasen ne sha u fa nen, ma or u nan er kwagh sha Jijingi u Aôndo yô, nana kaa er: Yesu ngu a ifan iyol ga, man shi ma or nana fatyô u kaan er: Yesu ka Ter ga; saa sha Icighan Jijingi.

1 Timoteu 3:16

Mimi je, kwaghmyer u a lu sha mcivir u se civir Aôndo la, vese tsô. I pase Un ken iyol i or ken igbar, i na Un ishô ken Jijingi, mbatyomov mba Shaav nenge a Na, i pase kwagh Na ken atôatyev, i na Un jighjigh sha won, i yem a Na sha ken iengem.

1 Yohane 1:2

uma la yô, i due a na ken igbar, se nenge a na man se mba eren shiada sha kwagh na, se mba ôron ne kwagh u uma u tsôron u a lu vea Ter imôngo u i pase se un la—

1 Yohane 2:23

Hanma or u nan nyiman Wan la, Ter kpaa nan ngu a Na ga; u nan pasen Wan ken igbar yô, nan ngu a Ter kpaa.

1 Yohane 4:15

Hanma or u nan pase er Yesu ka Wan u Aôndo yô, Aôndo tema ken a nan, nan di kpaa ken Aôndo nahan je.

1 Yohane 4:3

Kpa hanma jijingi u a pase Yesu ga yô, ka ken Aôndo a dugh ga, ka u Antikristu je, u ne ungwa ner ngu van la, hegen je kpaa ngu sha tar.

1 Yohane 5:1

Hanma or u nan ne jighjigh er Yesu ka Kristu yô, ka Aôndo A mar nan ye, man hanma or u Ter A doo nan ishima yô, un u A mar la kpaa, una doo nan ishima.

2 Yohane 1:7

Gadia mbaicughuv kpishi due sha tar, mba pasen er Yesu Kristu va ken iyol i or ga. Ka orcugh, ka Antikristu je la.