1 Yohane 4:12 - ICIGHAN BIBILO

¹² Mayange ma or ngu a nenge a Aôndo ga, kpa aluer se doo ayol a ase yô, Aôndo tema ken a vese man dooshima Na kpaa hingir vough ken vese.

1 Yohane 4:12 Iomraidhean Croise

Genese 32:30

Yakob maa ii ijiir la iti er Peniel; gadia a kaa er: M zua ishigh a Aôndo, nahan kpaa, uma wam war.

Ekesodu 33:20

Shi A kaa er: Ú fatyô u nengen a ishigh Yagh ga; gadia or á fatyô u nengen a Mo, shi lun uma ga.

Numeri 12:8

M er kwagh a na sha zwa wanger wanger je, ka lun kwaghôron u cimin ga, nengen mlu u TER er A lu yô; man ka nyi ne cie u ôron kwaghvihin sha wanakiriki Wam, Mose ga?

YOHANE 1:18

Aôndo yô, mayange ma or ngu a nenge a Na ga; Wan u môm môm u A lu sha ikum i Ter la, ka Wen je A va ne i fe Un ye.

1 Mbakorinte 13:13

Hegen yô, akaa ne nga lun her, ka jighjigh u nan man ishimaverenkeghen kua dooshima, nga atar je; kpa kwagh u hemban ken a yô, ka dooshima.

1 Timoteu 1:17

Icivir man iengem i̱ lu i Tor u tsôron u A lu u kpen ga, u i nengen a Na kpaa ga, u A lu Aôndo, Un tswen, gbem sha won. Amen.

1 Timoteu 6:16

Ka Un tseegh A lu u kpen ga ye, A tema ken iwanger i i gande u mgbôghom her yô. Ma or ngu a nenge a Na ga, á fatyô u nengen a Na kpaa ga, icivir i̱ lu i Na kua tahav kpaa gbem sha won. Amen.

Mbaheberu 11:27

Ka sha jighjigh u nan man a undu Igipiti ye, iyugh i tor kpaa, a kera cia ga, gadia a taver ishima er ngu nengen a u i nengen a Na ga la nahan.

1 Yohane 2:5

Kpa u nan we kwaghôron Na iko yô, mimi je ka ken a nan man dooshima u Aôndo a kom vough ye.

1 Yohane 3:24

Or u nan we atindi a Na iko yô, nan lu ken a Na, Un kpaa luun ken a nan. Ka sha kwagh ne man se fe er Un A lu ken a vese ye: ka Jijingi u A ne se la.

1 Yohane 4:16

Se yô, se kav man se na dooshima u se doo Aôndo ishima la jighjigh kpaa. Aôndo ka dooshima je; man u nan tem ken dooshima yô, nan ngu ken Aôndo, Aôndo kpaa ngu di ken a nan nahan je.

1 Yohane 4:20

Aluer orgen nana kaa er: Aôndo doom ishima, man nan gema nan ngu kôron anmgbian u nan ihom yô, nan ngu or u aiegh je. Gadia or u anmgbian u nan, u nan nenge a nan la, a doo nan ishima ga yô, Aôndo u nan nengen a Na ga la, A fatyô u doon nan ishima ga.

1 Yohane 4:6

Se yô, se due ken Aôndo; or u nan fe Aôndo yô, nan ongo se; u nan dugh ken Aôndo ga yô, nan ongo se ga. Ka sha kwagh ne man se fe jijingi u mimi man jijingi u icughugh kpaa ye.