1 Yohane 3:8 - ICIGHAN BIBILO

⁸ Or u nan eren isholibo yô, ka ken diabolo nan dugh ye, gadia diabolo lu eren isholibo sha hiihii je. Ka nahan man i pase Wan u Aôndo ye, sha u vihin aeren a diabolo kera.

1 Yohane 3:8 Iomraidhean Croise

Genese 3:15

Me ver ihom hen atô wou vea kwase man hen atô u vor wou a vor na kpaa, u ua cagh u ityough, we di kpaa ú cagh u ikishinguhar

Yesaia 27:1

Sha iyange la TER Una ôr Leviatan, iyô i yevese fefa la, ijir, a sanker Na u gendeghee u kehen u taver, kua Leviatan, iyô i hulen nure nu nure la, shi Una wua darakon u a lu shin zegemnger la kpaa.

Numeri 21:9

Tsô Mose ker iyô i togula, hambe i sha ityô; nahan or u iyô i nyom nan nan kenger sha iyô i togula la yô, nan war je.

Mateu 12:28

Kpa aluer ka sha Jijingi u Aôndo man M dughun ujijingi mba bov kera yô, tartor u Aôndo va hen a ven je ve.

Mateu 13:38

Sule la yô, ka tar; ivor i dedoo la yô, ka ônov mba tartor; ivor i bo la gema ka ônov mba iferor.

Mateu 4:3

Tsô ormee va her a Na, kaa a Na er: Aluer Wea lu Wan u Aôndo je yô, kaa awen ne a̱ hingir bredi.

Marku 1:24

a kaa er: Ka nyi i zough se a We, We Yesu Ornasareti, U va sha u va timin see? M fa U doo doo, U ngu Icighan u Aôndo je.

Luka 10:18

A kaa a ve er: M nenge Satan sen sha aôndo, gba er inyiar nahan.

YOHANE 12:31

Ka hegen je i lu u ôron tar ne ijiir ye; ka hegen je á dugh tor u tar ne kera ye.

YOHANE 16:11

sha kwagh u ijirôron yô, ka sha ci u i er tor u tar ne ijir yô.

YOHANE 8:44

Ne yô, ka ken ter wen diabolo je ne dugh ye, man ka ne ka eren asaren a ter wen; un yô lu orwuanor sha hiihii je, man a tile sha mimi ga sha ci u mimi ngu ker a na ga. Ka una eren aie yô, i lu sha mlu na je a lu ôron kwagh ye; gadia ka or u aie shi ka ter u aie kpaa.

Mbaromanu 16:20

Ica ia gba ga je tsô Aôndo u bem Una cagh Satan shin angahar a en. Mrumun u sha mhôôn u Ter Yesu a̱ lu sha a ven.

Mbaefese 2:2

a ne vande zenden sha mi sha inja i mlu u tar u ainge ne, sha inja i tor u tahav mbu ahumbev, ka jijingi u a lu eren tom hegen ken ônov mba ihembeato.

Mbakolose 2:15

A ngohol mbatarev man mbautahav mba sha kwavaôndo la ikav mbi utyav kera, A due a ve ken igbar hingir ikav i tesen, A hemba ve gbulugh gbulugh sha terankon.

1 Timoteu 3:16

Mimi je, kwaghmyer u a lu sha mcivir u se civir Aôndo la, vese tsô. I pase Un ken iyol i or ken igbar, i na Un ishô ken Jijingi, mbatyomov mba Shaav nenge a Na, i pase kwagh Na ken atôatyev, i na Un jighjigh sha won, i yem a Na sha ken iengem.

Mbaheberu 2:14

Er ônov ve zough sha inyam man awambe cii yô, kape Un kpaa A nyôr nongo a ve sha kwagh la, sha er ka sha ku man Una vihi agee a un u a lu a tahav mbu kuugh la kera ye, ka diabolo je la,

Mbaheberu 9:26

Luun nahan yô, ma A ye ican acin imôngo hii sha igbetar je. Kpa hegen yô, A ande kwa môm sha mkur u ashighe sha u Una tôô asorabo kera sha nagh ku sha iyol Na la.

2 Peteru 2:4

Gadia mbatyomov mba Shaav mba ve er isholibo la kpaa Aôndo tange ve ga, A gbihi ve ken Tartaru ken ahungwa a imegh sha u kuran ve zan zan shighe u ijir ia kuma yô.

1 Yohane 1:2

uma la yô, i due a na ken igbar, se nenge a na man se mba eren shiada sha kwagh na, se mba ôron ne kwagh u uma u tsôron u a lu vea Ter imôngo u i pase se un la—

1 Yohane 3:10

Ka sha kwagh ne man i pase ônov mba Aôndo a ônov mba diabolo ye; hanma or u nan eren perapera ga yô, nan due hen Aôndo ga, man shi u anmgbian u nan a doo nan ishima ga la kpaa.

1 Yohane 3:5

Ne fa, i pase Un sha u A̱ tôô asorabo kera; ken a Na yô, isholibo ngi ga.

1 Yohane 5:19

Se fa se due ken Aôndo, kpa tar cii ngu sha ikev i Orbo.

Yuda 1:6

Mbatyomov mba Shaav mba ve kera wa iko sha tahav vev mbu i ver ve sha mi hiihii la ga, ve undu ijiir ve i teman jim la yô, ngu kuran ve ken uikangen ken ime i shin, gbem, sha ci u ijir i sha zegeyange la.

Mpase U Yohane 20:10

Diabolo u a lu tsughun ve la kpaa i kende un ken ber u usu man sulfur ape inyam man profeti u aie ve lu la; á eren ve ican atetan kpaa tugh kpaa gbem sha won.

Mpase U Yohane 20:15

Man aluer i nenge i nger or ken ruamabera u uma la ga yô, i kende nan ken berusu je.