1 Yohane 3:5 - ICIGHAN BIBILO

⁵ Ne fa, i pase Un sha u A̱ tôô asorabo kera; ken a Na yô, isholibo ngi ga.

1 Yohane 3:5 Iomraidhean Croise

Hosea 14:2

Tôô nen akaaôron ne, za nen a mi; hide nen hen TER; kaa nen a Na ner: De ifer ci ca cii, rumun kwagh u a lu u doon yô, nahan sé gema ityumbujôôv yase sé na nagh sha mi, sha ityough ki anomabua.

Mateu 1:21

Una mar wan u nomso; ú ii Un iti wer, Yesu; gadia ka Un Una yima nongoior Na sha asorabo a ve ye.

Luka 23:41

I yase ne yô, ka sha mi je, gadia se ngohol injar kuma sha akaa a se er vough, kpa Or ne yô, A er ma kwagh u lun kpe ga.

Luka 23:47

Tsô er torutya la nenge kwagh u a er la yô, a gba civir Aôndo, kaan er Or ne lu Or u mimi keng je.

YOHANE 1:29

Kper gen yô, a nenge Yesu lu van her a na, tsô a kaa er: Nenge Waniyôngo u Aôndo u A tee isholibo i tar kera ne, Ngula.

YOHANE 1:31

Mo kpaa m vande fan Un ga, kpa ka sha u pasen Un ken Iserael je m ve m va eren batisema sha mnger ye.

YOHANE 14:30

Me kera seer ôron kwagh a ven kpishi ga; gadia tor u tar ne ngu van, ngu a ma ityôkwagh sha a Mo ga,

YOHANE 8:46

Ka an wen nana pasem isholibo Yama? Aluer ka mimi M lu ôron yô, ka nyi ne nem jighjigh ga?

2 Mbakorinte 5:21

A gema Un u A fe isholibo ga la, hingir isholibo sha ci wase sha u se se̱ hingir perapera u Aôndo ken a Na yô.

1 Timoteu 1:15

Kwaghôron ne ka u jighjigh, a kuma u rumun un a ishima i môm er Kristu Yesu va shin tar sha u yiman mbaasorabo, man ken ve yô, ka mo m hembe ye.

1 Timoteu 3:16

Mimi je, kwaghmyer u a lu sha mcivir u se civir Aôndo la, vese tsô. I pase Un ken iyol i or ken igbar, i na Un ishô ken Jijingi, mbatyomov mba Shaav nenge a Na, i pase kwagh Na ken atôatyev, i na Un jighjigh sha won, i yem a Na sha ken iengem.

Titu 2:14

u A ne iyol Na sha ci wase sha u Una paa se sha hanma ifer cii man shi Una wanger nongoior sha ci Na iyol Na, mba asema a tsee ve u eren akaa a dedoo.

Mbaheberu 1:3

Un yô, ka mmondo u iengem Na man shi eev mbu mlu Na vough kpaa. Ngu a akaa cii sha ave Na sha kwaghôron u sha agee a Na la. Er A wanger asorabo kera yô, A za tema sha uwegh ku yanegh ku Icivirigh.

Mbaheberu 4:15

Gadia se mba a zegepristi u A fetyô u zungwen a vese imôngo ken aseer a ase ga ze, kpa ka u i mee Un sha hanma gbenda cii vough er se nahan, saa di isholibo tsô A er ga ye.

Mbaheberu 7:26

Gadia ka imbazegepristi ne i kom se ye; ka u wang, u lun a ibo ga, shin acôghol a wan iyol kpaa ga, u a lu paleghaa a mbaasorabo, man u i kende Un sha A kar Usha cii.

Mbaheberu 9:26

Luun nahan yô, ma A ye ican acin imôngo hii sha igbetar je. Kpa hegen yô, A ande kwa môm sha mkur u ashighe sha u Una tôô asorabo kera sha nagh ku sha iyol Na la.

Mbaheberu 9:28

kape Kristu kpaa i na nagh sha a Na kwa môm sha u tôôn asorabo a ior kpishi kera, u sha kwa har yô Una ande, á lu sha kwagh u isholibo ga, kpa á lu sha u yiman mba ve lu keghen Un yô.

1 Peteru 1:18

Gadia ne fa i paa ne sha mlu wen u gbilinigh u ne ngohol hen uter la; lu sha akaa a saan ishe, er azurfa shin zenaria nahan, ga,

1 Peteru 1:20

I vande fan Un je er i lu a gba tar ga yô, kpa i pase Un ken shighe u masetyô ne sha ci wen.

1 Peteru 2:22

A er ma isholibo ga, icugh kpaa i zua a mi sha zwa Na ga.

1 Peteru 2:24

Ka Un jim kpaa A tôô asorabo ase ken iyol Na je sha terankon sha er ma se kpe kera sha kwagh u isholibo, kpa se̱ gema se̱ lu uma sha ci u perapera. Ka sha agbir a Na man se zough a mkpeyol ye.

1 Peteru 3:18

Gadia Kristu kpaa kpe sha ci u asorabo kwa môm, Un Orperapera sha ci u mbaaferev sha u Una va a vese hen Aôndo yô. Iyol Na yô, i wua i kpa i shi i na Un uma sha Jijingi.

1 Yohane 1:2

uma la yô, i due a na ken igbar, se nenge a na man se mba eren shiada sha kwagh na, se mba ôron ne kwagh u uma u tsôron u a lu vea Ter imôngo u i pase se un la—

1 Yohane 1:7

Kpa aluer se zenden ken iwanger er Un A lu ken iwanger nahan yô, sé zua ayol a ase, man awambe a Yesu Wan Na nga wanger se sha asorabo cii.

1 Yohane 2:1

Mbayev av, akaa ne m ngu ngeren ne a sha u de kera eren nen isholibo ga yô. Aluer anti or nana er isholibo kpaa, se mba a Orwasen hen Ter, Yesu Kristu Orperapera.

1 Yohane 2:2

Ka Un je A lu iwom i asorabo ase ye, man ka a ase tseegh ga, kpa ka a tar cii je.

1 Yohane 2:29

Aluer ne fa er A lu u perapera yô, ne fa hanma or u eren perapera yô, ka Un a mar nan ye.

1 Yohane 3:8

Or u nan eren isholibo yô, ka ken diabolo nan dugh ye, gadia diabolo lu eren isholibo sha hiihii je. Ka nahan man i pase Wan u Aôndo ye, sha u vihin aeren a diabolo kera.

Mpase U Yohane 1:5

man shi hen Yesu Kristu, Orshiada u jighjigh, ka Waniunda u ken mbakpenev man ka Tor u tamen sha utor mba sha won kpaa. Un u se doo Un ishima man A sagh se A due a vese ken asorabo ase kera sha awambe a Na