1 Yohane 3:4 - ICIGHAN BIBILO

⁴ Hanma or u nan eren isholibo yô, nan ngu vendan tindi kpaa, gadia isholibo ka atindi a vendan.

1 Yohane 3:4 Iomraidhean Croise

1 Utor 8:47

kpa aluer vea za hen ken asema a ve ken tar u i ze a ve uikangen la, vea gema ishima vea zamber We ken tar u mba ve ze a ve uikangen la, vea kaa er: Se er isholibo, se er kwaghbo, se er ifer;

1 Kroniku 10:13

Kape Saulu kpe sha ci u kwaghbo u a er TER la, man sha ci u a wa imo i TER iko ga, man sha ci u a pine jijingi u orkpen kwagh,

2 Kroniku 24:20

Tsô Jijingi u TER va sha Sekaria, wan u pristi Yehoyada; a tile sha ishigh ki ior, a kaa a ve er: Aôndo ngu kaan nahan er: Ka nyi ne peren atindi a TER, ne kera soo u zuan a mkpeyol ga nahana? Er ne undu TER yô, Un kpaa A undu ne ve.

Yesaia 53:8

I tôô Un ken mkighir u sha ican kua ijirôron kera; man kov Na yô, ka anti je nan hen er i gber Un ken tar u mbaumav kera? Lu sha ci u atindi a peren a ior av, kwaghbo tser Un ye.

Daniel 9:11

Iserael cii per atindi a Ou, ve kaha, ve kera wa imo You iko ga; ka nahan man i we se ifan, man mbum u i nger ken atindiakaa a Mose, ortom u Aôndo la, a ker se kpaa ye; gadia se er Un isholibo.

Numeri 15:31

sha ci u nan laha kwaghôron u TER, shi nan vihi tindi Na kpaa yô, i̱ dugh or la kera keng, ifer i nan ia lu nan iyol.

Mateu 5:19

Nahan yô, hanma or u nana sagh u môm ken atindiakaa a hemban ndahar ne man nana gema á tese ior nahan kpaa yô, á yila nan er or u hemban gban ijime cii sha tartor u Sha; kpa hanmô u nana eren sha mi, shi nana tesen nahan kpaa yô, á yila nan er or u vesen sha tartor u Sha.

Aerenakaa A Mbaapostoli 23:3

Paulu gema kaa a na er: We kpekpe u i kungu u ne, we kpaa Aôndo Una gbidye u; u tema sha u ôron mo ijir sha atindi, kpa u gema u ngu peren tindi kaan wer, i̱ gbidyeme?

Mbaromanu 3:20

Nahan sha aeren a sha atindi yô, a na ma or u umace ishô sha ishigh Nagh ga, gadia ka sha atindi man i fe asorabo ye.

Mbaromanu 4:15

Gadia tindi ve a iyugh kpa ape tindi a lu ga yô, mper u tindi kpaa ngu ga.

2 Mbakorinte 12:21

M ngu cian mer, aluer me shi me va yô, Aôndo wam Una heem sha ashe a en, á gba u me zungwe sha kwagh u mbagenev kpishi mba ve vande eren isholibo kpa ve lu a gema ishima sha hôngor ve man sha idya i eren man sha ijimba i ve lu eren la kpaa ga.

Yakobu 5:15

Msen u sha jighjigh u nan la una yima oruange la man Ter Una mough a nan sha. Aluer nan er isholibo je kpaa, á de nan.

1 Yohane 5:17

Hanma kwagh u a lu u perapera ga yô, ka isholibo je; kpa isholibo igen yô, ka u zan ken ku ga.

1 Samuel 15:24

Tsô Saulu kaa a Samuel er: M er kwaghbo; gadia m wa imo i TER kua akaaôron a ou iko ga, sha ci u m cie ior, m er sha imo ve yô.