1 Yohane 3:16 - ICIGHAN BIBILO

¹⁶ Kwagh u se fe dooshima sha mi yô, ka un ne: A na uma Na sha ci wase, nahan se kpaa, ka u sé na uma wase sha ci u anmgbianev.

1 Yohane 3:16 Iomraidhean Croise

Mateu 20:28

er Wan u or kpaa A ve, i lu sha u i̱ er Un tom ga, kpa sha u Un Una er mbagenev tom man Una na uma Na á hingir ipaan sha ci u ior kpishi yô.

YOHANE 10:11

Mo M ngu Orkuranilev u dedoo; orkuranilev u dedoo ka A gbihi uma na sha ci u iyôngo.

YOHANE 10:15

vough er Ter A fem, Mo kpaa M fe Un nahan; man shi M ne uma Wam sha ci u iyôngo.

YOHANE 13:34

M ngu nan ne tindi u he sha u doo nen ayol a en yô; er ne doom ishima nahan, kape ne kpaa, doo nen ayol a en vough la.

YOHANE 3:16

Gadia tar ne doo Aôndo ishima je, nahan A na Wan Na u môm môm la sha er anti or u nan ne Un jighjigh yô, nana̱ de timin ga kpa nana̱ zua a uma u tsôron.

Aerenakaa A Mbaapostoli 20:28

Kuran nen ayol a en man ikumuile i Icighan Jijingi a ver ne mbakuran sha mi cii kpaa, sha u né koso nongo u Kristu u Aôndo, u A yem sha awambe a sha iyol Na la.

Mbaromanu 16:4

Mban yô, ve ver mon ve sha ci u uma wam, ka mo tseegh m lu sughun ve ga, ka iniongo i Kristu i ken atôatyev cii kpaa.

Mbaromanu 5:8

Kpa Aôndo tese se dooshima Na sha ku u Kristu A kpe sha ci wase er se lu mbaasorabo her la.

2 Mbakorinte 4:12

Kape ku u lu eren tom ken vese ne. Kpa ken ven yô, gema ka uma.

Mbaefese 5:2

Man zenden nen ken dooshima, er Kristu kpaa se doo Un ishima man A na iyol Na sha ci wase nahan, lu nagh ku nanden man nagh ku sôngon nan Aôndo sha ci u ihuma i doon.

Mbaefese 5:25

Ne noov, kasev enev ve̱ doo ne asema di er Kristu kpaa, nongo Na u doo Un ishima man A ne iyol Na sha ci u u nahan,

Mbafilipi 2:17

Kpa aluer a va urum kera er nagh ku urun nahan sha nagh ku i ne kua icighantom u i er u sha jighjigh wen u nan la kpaa, m ember man m ngu ember a ven imôngo cii.

Mbafilipi 2:30

gadia shi côhin ma a kpe sha ci u tom u Kristu, a gbihi uma na sha u ivin kwagh u a shi sha iwasen yen i ne wasem la.

1 Mbatesalonika 2:8

Kape se kpaa, er ne sar se yum yô, kera doo se u nan ne Loho u Dedoo u Aôndo tseegh ga, kpa zan zan kua uma wase je kpaa, gadia ne hingir mbadoon se ishima kpishi.

Titu 2:13

se̱ keghen ishimaverenkeghen i dedoo, ka m-ande u iengem i Aôndo wase u A vese yum ne man Oryiman wase Kristu Yesu

1 Peteru 1:18

Gadia ne fa i paa ne sha mlu wen u gbilinigh u ne ngohol hen uter la; lu sha akaa a saan ishe, er azurfa shin zenaria nahan, ga,

1 Peteru 2:24

Ka Un jim kpaa A tôô asorabo ase ken iyol Na je sha terankon sha er ma se kpe kera sha kwagh u isholibo, kpa se̱ gema se̱ lu uma sha ci u perapera. Ka sha agbir a Na man se zough a mkpeyol ye.

1 Peteru 3:18

Gadia Kristu kpaa kpe sha ci u asorabo kwa môm, Un Orperapera sha ci u mbaaferev sha u Una va a vese hen Aôndo yô. Iyol Na yô, i wua i kpa i shi i na Un uma sha Jijingi.

1 Yohane 2:6

U nan kaa er nan ngu ken a Na je yô, ka u nana zenden er Un lu zenden nahan keng.

1 Yohane 2:9

U nan kaa er nan ngu ken iwanger, kpa nan gem nan ker anmgbian u nan ihom yô, nan ngu ken ime heregh.

Mpase U Yohane 1:5

man shi hen Yesu Kristu, Orshiada u jighjigh, ka Waniunda u ken mbakpenev man ka Tor u tamen sha utor mba sha won kpaa. Un u se doo Un ishima man A sagh se A due a vese ken asorabo ase kera sha awambe a Na

Mpase U Yohane 5:9

Ve wa icam i he ve kaa er: We, U kuma u ngohol ruamabera la, bughun akav a na, gadia i sôngo U man U yam Aôndo ior sha awambe a Ou ken hanma nongo man hanma zwa man hanma nongoior man hanma ikurior,