1 Yohane 3:11 - ICIGHAN BIBILO

¹¹ Gadia ngun ka loho u ne ungwa sha hiihii ne: ka u ma se doo ayol a ase,

1 Yohane 3:11 Iomraidhean Croise

YOHANE 13:4

A mough hen kwaghyan, A er ikav mbi iyolough kera, a tôô ikondo i esen iyol, A zer;

YOHANE 15:12

Ka tindi Wam u M we ne ne, doo nen ayol a en, er ne doom ishima nahan.

Mbagalatia 6:2

Wasen nen ikav ayol a en, ka nahan man né er sha tindi u Kristu vough ye.

Mbaefese 5:2

Man zenden nen ken dooshima, er Kristu kpaa se doo Un ishima man A na iyol Na sha ci wase nahan, lu nagh ku nanden man nagh ku sôngon nan Aôndo sha ci u ihuma i doon.

1 Mbatesalonika 4:9

Sha kwagh u dooshima a anmgbianev yô, kera gba u á nger ne ga, gadia ne ayol a en kpaa, Aôndo tese ne u doon ayol a en.

1 Timoteu 1:5

Kpa ishimaveren i ityesen ne yô, ka dooshima u a dugh ken ishima i wang, man imo i dedoo i ken ishima man shi jighjigh u lun a imanger ga la.

1 Peteru 1:22

Er ne vande wanger asema a en kera sha iko i ne wan mimi iko la u zan ken dooshima u mimi u hen anmgbianev yô, doo nen ayol a en ken ishima tsung je.

1 Peteru 3:8

Ken masetyô yô, ne cii lu nen ishima i môm, shi lu nen mbazungwen mhôônom; doo nen ayol a en er ka anmgbianev nahan, lu nen mba mhôônom ma ker ve; shi hide nen a ayol a en ijime kpaa.

1 Peteru 4:8

Kwagh u a hembe cii yô, doo nen ayol a en sha gbashima je gadia dooshima cirin asorabo kpishi.

1 Yohane 1:5

Man ngun ka loho u se ungwa her a Na ne, man shi se kaan ne kpaa ye; Aôndo ka iwanger je, ime ngi ken a Na ciôn tsô kpaa ga.

1 Yohane 4:11

Ne mbadoon mo ishima, aluer kape se doo Aôndo ishima la yô, nahan ka u se kpaa se̱ doo ayol ase.

1 Yohane 4:21

Man se ngohol tindi ne her a Na: or u Aôndo A doo nan ishima yô, anmgbian u nan di kpaa, a̱ doo nan ishima nahan je.

1 Yohane 4:7

Ne mbadoon mo ishima, se doo nen ayol a ase, gadia dooshima yô, ka her Aôndo a dugh ye; hanma or u nan lu a dooshima kpaa, ka Aôndo A mar nan ye, shi nan fa Aôndo kpaa.

2 Yohane 1:5

Hegen yô, m ngu zamber a we, shagbakwase, m ngu ngeren we tindi u he ga, kpa ka u se lu a mi sha hiihii la; ka u se̱ doo ayol ase.