1 Yohane 3:10 - ICIGHAN BIBILO

¹⁰ Ka sha kwagh ne man i pase ônov mba Aôndo a ônov mba diabolo ye; hanma or u nan eren perapera ga yô, nan due hen Aôndo ga, man shi u anmgbian u nan a doo nan ishima ga la kpaa.

1 Yohane 3:10 Iomraidhean Croise

2 Samuel 13:22

Kpa Abesalom ôr kwagh a Amnon ga, shin u dedoo shin u bo kpaa ga; gadia Abesalom kôr Amnon ihom sha ci u a hee anngô na Tamar yô.

Mateu 13:38

Sule la yô, ka tar; ivor i dedoo la yô, ka ônov mba tartor; ivor i bo la gema ka ônov mba iferor.

Luka 6:35

Kpa mbaihomov enev ve̱ doo ne ishima, eren nen a ve doo doo, pwaren nen kwagh, kpa de veren nen ishima u shi ngohol kpee ga; nahan injar yen ia lu i vesen je, man né lu ônov mba Uhembansha ye; gadia Wen yô, eren dedoo a mba ve lu a ishughun ga kua mbabov kpaa.

YOHANE 1:12

Kpa mba ve rumun Un la yô, ve cii A na ve tahav mbu vea hingir ônov mba Aôndo, ka mba ve ne iti Na jighjigh je la;

YOHANE 11:52

Kpa ka sha ci u ikurior la tseegh ga, ka sha u Una kohol ônov mba Aôndo mba ve sambe sha won ve̱ lu kwagh môm yô.

YOHANE 8:44

Ne yô, ka ken ter wen diabolo je ne dugh ye, man ka ne ka eren asaren a ter wen; un yô lu orwuanor sha hiihii je, man a tile sha mimi ga sha ci u mimi ngu ker a na ga. Ka una eren aie yô, i lu sha mlu na je a lu ôron kwagh ye; gadia ka or u aie shi ka ter u aie kpaa.

YOHANE 8:47

U nan dugh sha Aôndo yô, nan ongo mkaanem ma Aôndo; kape i lu man ne ongo ma ga la, sha ci u ne dugh her Aôndo ga yô.

Aerenakaa A Mbaapostoli 13:10

a kaa er: We, wan u diabolo u u iv a icugh man hanma kwaghnzughul, u lu orihom u kwagh u perapera cii ne, u shi de u goom igbenda i jighilaa i Ter je gaa?

Mbaromanu 13:8

De luun ma or a ma injô ga saa di mdoo u ma ne doo ayol a en la tseegh tsô, gadia or u orgen nan doo nan ishima yô, nan kura atindi ve.

Mbaefese 5:1

Nahan yô, lu nen mbakaven Aôndo er ônov mba doon ishima nahan.

Mbakolose 3:14

Kwagh u a hembe cii yô, haa nen dooshima iyol, ka kwagh u maghen mlu u vough je la.

1 Timoteu 1:5

Kpa ishimaveren i ityesen ne yô, ka dooshima u a dugh ken ishima i wang, man imo i dedoo i ken ishima man shi jighjigh u lun a imanger ga la.

1 Yohane 2:29

Aluer ne fa er A lu u perapera yô, ne fa hanma or u eren perapera yô, ka Un a mar nan ye.

1 Yohane 3:1

Nenge imba dooshima u se doo Ter ishima ne; mba yilan se je er ônov mba Aôndo, man kape se lu je la. Ka nahan man tar u fe se ga ye, sha ci u u fe Un ga yô.

1 Yohane 3:2

Ne mbadoon mo ishima, hegen yô, se mba ônov mba Aôndo, kpa mba a pase er sé va lu ga. Se fa zum u á va pase Un yô, sé lu er Un nahan, gadia sé nenge a Na er A lu yô.

1 Yohane 4:21

Man se ngohol tindi ne her a Na: or u Aôndo A doo nan ishima yô, anmgbian u nan di kpaa, a̱ doo nan ishima nahan je.

1 Yohane 4:6

Se yô, se due ken Aôndo; or u nan fe Aôndo yô, nan ongo se; u nan dugh ken Aôndo ga yô, nan ongo se ga. Ka sha kwagh ne man se fe jijingi u mimi man jijingi u icughugh kpaa ye.

1 Yohane 4:8

Kpa u nan lu a dooshima ga yô, nan fa Aôndo ga, gadia Aôndo ka dooshima je.

1 Yohane 5:19

Se fa se due ken Aôndo, kpa tar cii ngu sha ikev i Orbo.

1 Yohane 5:2

Ka sha kwagh ne man se fe er ônov mba Aôndo ve doo se ishima ye, aluer Aôndo doo se ishima man se eren atindi a Na kpaa yô.

3 Yohane 1:11

Orwam u doon mo ishima, de ze a kwaghbo ityô ga, saa kwagh u doon; or u nan eren kwagh u dedoo yô, ka ken Aôndo nan dugh ye; u nan eren kwagh u bo yô, nan ngu a nenge a Aôndo ga.