1 Yohane 3:1 - ICIGHAN BIBILO

¹ Nenge imba dooshima u se doo Ter ishima ne; mba yilan se je er ônov mba Aôndo, man kape se lu je la. Ka nahan man tar u fe se ga ye, sha ci u u fe Un ga yô.

1 Yohane 3:1 Iomraidhean Croise

2 Samuel 7:19

Kwagh ne kpaa ka kwagh u kiriki sha ashe Ou tsô, Tere AÔNDO, U ter kwagh u ya u wanakiriki Wou sha ayange a ken hemen ca je, ngu ka tindi sha ci u ior je, Tere AÔNDO.

Upasalmi 31:19

Kpash! Mdoon Ou vese je, ma U ver sha ci u mba ve cie U la, ma U ser sha ci u mba ve suur sha a We, sha ishigh ki ônov mba iorov yô!

Yeremia 3:19

Mo M kaa Mer: Me wa u ken uôn, man Me na u tar u doon, dyako u hemban doon cii u akuraior! Shi M kaa Mer: Wea yilam wer: Terem; man wea kaha ú undum kpaa ga.

Hosea 1:10

Nahan kpaa iyenge i ônov mba Iserael ia lu er waarawa u shin zegemnger, u i fetyô u karen u ga, shin u ôron u kpaa ga yô, tsô hen ijiir i i lu kaan a ve er: Ne mba nongoior Wam ga la, á gema á yila ve er: Ne mba ônov mba Aôndo u uma.

Luka 20:36

Gadia vea kera fatyô u shi kpen mayange ga, gadia ka ve lu er mbatyomov mba Shaav nahan, er ônov mba Aôndo je nahan sha ci u ve lu ônov mba mnder u shin ku yô.

YOHANE 1:12

Kpa mba ve rumun Un la yô, ve cii A na ve tahav mbu vea hingir ônov mba Aôndo, ka mba ve ne iti Na jighjigh je la;

YOHANE 11:52

Kpa ka sha ci u ikurior la tseegh ga, ka sha u Una kohol ônov mba Aôndo mba ve sambe sha won ve̱ lu kwagh môm yô.

YOHANE 15:21

Kpa akaa ne cii vea er ne a sha ci u iti Yam sha ci u ve fe Un u A tindim la ga yô.

YOHANE 16:3

Akaa angan vea er sha ci u ve fe Ter ga, Mo kpaa ve fem ga yô.

YOHANE 17:25

Ter u perapera, tar fa U ga, kpa Mo M fa U, man mban kpaa fa er We U tindim yô.

YOHANE 3:16

Gadia tar ne doo Aôndo ishima je, nahan A na Wan Na u môm môm la sha er anti or u nan ne Un jighjigh yô, nana̱ de timin ga kpa nana̱ zua a uma u tsôron.

Mbaromanu 5:8

Kpa Aôndo tese se dooshima Na sha ku u Kristu A kpe sha ci wase er se lu mbaasorabo her la.

Mbaromanu 8:19

Gadia akaa a i gbe a sha won cii nga veren ashe keghen mpase u á va pase ônov mba Aôndo ken igbar la tsung je.

Mbaromanu 8:21

gadia akaa a i gbe a la kpaa á va pase a sha ikev i mlu u hôôn la á tuhwa, á za a mi ken mlu u engem u lun a ikangenev ga u ônov mba Aôndo la.

Mbaromanu 8:32

Un u Wan Na iyol Na je kpaa A tange ga kpa A gema Un A na sha ci wase cii yô, Una kera na se akaa cii a Na imôngo wuee ga yee?

2 Mbakorinte 6:18

Me lu Ter wen, ne di né lum ônov mba nomso man ônov mba kasev, kape Ter Uhembanagee, A kaa la.

Mbagalatia 3:26

Gadia ne cii, ne mba ônov mba Aôndo sha jighjigh u nan ken Kristu Yesu.

Mbagalatia 3:29

Aluer ne mba kwagh u Kristu yô, ne mba tsombor u Aberaham je, man ne mba mbayan dyako sha ityendezwa kpaa.

Duteronomi 14:1

Ne mba ônov mba TER, Aôndo wen, je; nahan yô, de gberen nen avav iyol ga, shi de torough nen ityough hen icul sha ci u or u nan kpe ga.

Mbakolose 3:3

Gadia ne kpe, uma wen yô i yer un a Kristu imôngo ken Aôndo.

1 Yohane 3:10

Ka sha kwagh ne man i pase ônov mba Aôndo a ônov mba diabolo ye; hanma or u nan eren perapera ga yô, nan due hen Aôndo ga, man shi u anmgbian u nan a doo nan ishima ga la kpaa.

1 Yohane 3:2

Ne mbadoon mo ishima, hegen yô, se mba ônov mba Aôndo, kpa mba a pase er sé va lu ga. Se fa zum u á va pase Un yô, sé lu er Un nahan, gadia sé nenge a Na er A lu yô.

1 Yohane 4:17

Ka sha kwagh ne man dooshima a hingir vough ken vese ye, ka sha u ma se lu vangertiôr sha iyange i ijirigh yô. Gadia er A lu nahan yô, kape se kpaa se lu shin tar ne je ne.

Mpase U Yohane 21:7

Or u nan hembe yô, nana ya dyako sha akaa ne, Me lu Aôndo u nan, nan di kpaa nana lu wan Wam.