1 Yohane 2:9 - ICIGHAN BIBILO

⁹ U nan kaa er nan ngu ken iwanger, kpa nan gem nan ker anmgbian u nan ihom yô, nan ngu ken ime heregh.

1 Yohane 2:9 Iomraidhean Croise

2 Samuel 13:22

Kpa Abesalom ôr kwagh a Amnon ga, shin u dedoo shin u bo kpaa ga; gadia Abesalom kôr Amnon ihom sha ci u a hee anngô na Tamar yô.

Upasalmi 82:5

Ve fa kwagh ga, mkav tsô kpaa, ve kav ga, mba zenden wue wue ken ime je; amagh a tar cii tenger.

Levitiku 19:17

De ker anngôu ihom ken ishima you ga, venda kwagh a or u nan we ndor a we gbar gbar, de kera kper ibo sha iyol you sha ci u nan ga.

YOHANE 9:41

Yesu kaa a ve er: Nea lu mbaapirashe yô, ma ne lu a isholibo ga; kpa hegen ne kaa ner: Se mba nengen; nahan isholibo yen ngi ne her.

Aerenakaa A Mbaapostoli 1:15

Tsô sha ayange la Peteru mough tile sha, her atô u anmgbianev—ikpelaior i i kohol la i kuma er akundu ataratar nahan; a kaa er:

2 Peteru 1:9

Gadia u nan ban a akaa ne yô, nan ngu ashe pir, nan nengen hen ikum ikum tsô, mwanger u i wanger asorabo a nan a ngise la hungul nan kera je.

1 Yohane 1:6

Aluer se kaa ser se zua a Na man se gema se zenden ken ime yô, se mba eren aie, ka mimi se eren ga.

1 Yohane 2:11

U nan ker anmgbian u nan ihom yô, nan ngu ken ime shi nan zenden ken ime kpaa, nan fa henpe nan ze kpaa ga, gadia ime pir nan ashe.

1 Yohane 2:4

U nan kaa er: M fa Un, kpa nan kera we atindi a Na iko ga yô, nan ngu or u aiegh je, mimi ngu ken a nan ga.

1 Yohane 3:10

Ka sha kwagh ne man i pase ônov mba Aôndo a ônov mba diabolo ye; hanma or u nan eren perapera ga yô, nan due hen Aôndo ga, man shi u anmgbian u nan a doo nan ishima ga la kpaa.

1 Yohane 4:20

Aluer orgen nana kaa er: Aôndo doom ishima, man nan gema nan ngu kôron anmgbian u nan ihom yô, nan ngu or u aiegh je. Gadia or u anmgbian u nan, u nan nenge a nan la, a doo nan ishima ga yô, Aôndo u nan nengen a Na ga la, A fatyô u doon nan ishima ga.