1 Yohane 2:8 - ICIGHAN BIBILO

⁸ Nahan kpaa ka tindi u he m ngeren ne ye, u a lu mimi ken a Na man shi ken a ven kpaa, gadia ime ngi karen man iwanger i mimi gba mondon ve.

1 Yohane 2:8 Iomraidhean Croise

Upasalmi 27:1

TER ka iwanger yam man myom wam kpaa, ka an je me cia? TER ka agee a uma wam, ka an je nana wam mciem iyolo?

Upasalmi 36:9

Gadia ka her a We imbor i uma i lu ye; ka ken iwanger You man se nenge a iwanger ye.

Upasalmi 84:11

Gadia TER Aôndo ka iyange man perutya kpaa; TER Una na mrumun u sha mhôôn man icivir; Una nyume mbazan jighilii la ma kwagh u dedoo ga.

Yesaia 9:2

Ior mba ve zenden ken ime, ve nenge iwanger i vesen; mba ve tem ken tar u mure u kuugh la kpaa, iwanger ta sha a ve.

Malaki 4:2

Kpa ne mba ne cie iti Yam yô, iyange i perapera ia due ne a mbee u uange ken akper a i; né due, né tsuwe er anibuav ka ve due ken ityôr nahan.

Mateu 4:16

Nongoior u u tem ken ime yô, ve nenge a iwanger i vesen, man mba ve tem ken tar kua mure u kuugh yô, iwanger due ta sha a ve.

Luka 1:79

sha u tan sha mba ve tem ken ime man ken mure u kuugh la kpaa, man shi sha u kôôm angahar ase zan a mi sha gbenda u bem kpaa.

YOHANE 1:9

Iwanger i mimi i i wanger hanma or yô, i lu van shin tar.

YOHANE 12:35

Yesu gema kaa a ve er: Iwanger hira ngi her a ven anyangem kpeghee; zende nen er ne lu a iwanger her ne, sha u ime i̱ de kohol ne ga yô. U nan zenden ken ime yô, nan fe hen ape nan ze ga.

YOHANE 12:46

Mo M va shin tar ne er iwanger nahan, sha u hanma or u nan jighjigh yô, nana̱ de kera luun ken ime her ga yô.

YOHANE 13:34

M ngu nan ne tindi u he sha u doo nen ayol a en yô; er ne doom ishima nahan, kape ne kpaa, doo nen ayol a en vough la.

YOHANE 8:12

Tsô Yesu shi gba ôron ve kwagh, kaan er: Mo M ngu iwanger i tar; or u nan dondo sha a Mo yô, nana zende ken ime ga, kpa nana lu a iwanger i uma.

Aerenakaa A Mbaapostoli 17:30

Nahan Aôndo wa ayange a mlan ve la iko ga; kpa hegen yô, ngu pasen ior sha hanma ijiir cii er ve̱ gema ishima,

Aerenakaa A Mbaapostoli 26:18

sha u ú za bugh ve ashe sha u ve̱ gema ve̱ due ken ime, ve̱ nyôr ken iwanger man shi ve̱ gema ve̱ due ken agee a Satan, ve̱ va her Aôndo yô, sha er ve̱ zua a mde u asorabo a ve man shi ve̱ zua a dyako a mba ve lu uicighanmbaiorov imôngo sha jighjigh u nan u ken a Mo la kpaa yô.

Mbaromanu 13:12

Tugh za yum, sev sôôn aven. Nahan yô, se gbihi nen aeren a imegh kera se haa nen ikav mbi utyav mbi iwangerev iyol.

2 Mbakorinte 8:9

Gadia ne fa mrumun u sha mhôôn u Ter wase Yesu Kristu la. A ngee a akaa kpa A gema A hingir or u ibanave sha ci wen, sha u ne ne̱ gema ne̱ hingir mbanyarev sha ibanave Na la.

Mbaefese 5:8

Tsuaa la yô, ne lu ime kpa hegen yô, ne mba iwanger ken Ter, zende nen er ônov mba iwangerev nahan.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:10

Kpa i pase un ken igbar hegen sha mve u Oryiman wase Yesu Kristu u A ngohol ku agee kera, A va a uma man mtsôr ken iwanger sha Loho u Dedoo.

1 Peteru 1:21

Ka sha a Na man ne lu mbanan Aôndo jighjigh u A nder Un shin mbakpenev shi A na Un icivir kpaa, sha er jighjigh wen u nan man ishimaverenkeghen yen ve lu sha Aôndo.

1 Yohane 3:23

Tindi Na yô, ka un ne: ka u sé na iti i Wan Na Yesu Kristu jighjigh man shi ka u se̱ doo ayol a ase er A na se tindi nahan.

1 Yohane 4:11

Ne mbadoon mo ishima, aluer kape se doo Aôndo ishima la yô, nahan ka u se kpaa se̱ doo ayol ase.

1 Yohane 4:21

Man se ngohol tindi ne her a Na: or u Aôndo A doo nan ishima yô, anmgbian u nan di kpaa, a̱ doo nan ishima nahan je.