1 Yohane 2:6 - ICIGHAN BIBILO

⁶ U nan kaa er nan ngu ken a Na je yô, ka u nana zenden er Un lu zenden nahan keng.

1 Yohane 2:6 Iomraidhean Croise

Upasalmi 85:13

perapera una zaan Un sha hemen, una sôron angahar a Na gbenda. Ka msen u Davidi

Mateu 11:29

Tôô nen igbur Yam sha ayol a en, va hen nen kwagh sha ikev Yam, gadia M ngu ishima legh legh, man M kehen ityough kpaa ga, tsô né zua a mmem ken asema a en;

YOHANE 13:15

Gadia M ver ne ikav i tesen sha er ne kpaa er nen er M er ne nahan.

YOHANE 15:10

Aluer ne wa atindi Am iko yô, né lu ken dooshima Wam; er Mo kpaa M we atindi a Terem iko, man M luun ken dooshima Na nahan.

1 Mbakorinte 11:1

Lu nen mbakaven mo er mo kpaa, m kaven Kristu nahan.

Mbaefese 5:2

Man zenden nen ken dooshima, er Kristu kpaa se doo Un ishima man A na iyol Na sha ci wase nahan, lu nagh ku nanden man nagh ku sôngon nan Aôndo sha ci u ihuma i doon.

1 Peteru 2:21

Gadia ka sha kwagh ne je i yer ne ye, gadia Kristu kpaa ya ican sha ci wen, A ver ne ikav je sha u né dondo Un ijime yô.

1 Yohane 2:28

Hegen yô, mbayev av, lu nen ken a Na sha er, aluer á va pase Un yô, sé lu vangertiôr, kunya u̱ de ker se sha ishigh Nagh sha m-ande Na la ga.

1 Yohane 2:4

U nan kaa er: M fa Un, kpa nan kera we atindi a Na iko ga yô, nan ngu or u aiegh je, mimi ngu ken a nan ga.

1 Yohane 3:24

Or u nan we atindi a Na iko yô, nan lu ken a Na, Un kpaa luun ken a nan. Ka sha kwagh ne man se fe er Un A lu ken a vese ye: ka Jijingi u A ne se la.

1 Yohane 3:6

Hanma or u nan luun ker a Na yô, nan eren isholibo ga; hanma or u nan eren isholibo yô, nan ngu a nenge a Na ga, mfe kpaa nan fa Un ga.

1 Yohane 4:17

Ka sha kwagh ne man dooshima a hingir vough ken vese ye, ka sha u ma se lu vangertiôr sha iyange i ijirigh yô. Gadia er A lu nahan yô, kape se kpaa se lu shin tar ne je ne.