1 Yohane 2:4 - ICIGHAN BIBILO

⁴ U nan kaa er: M fa Un, kpa nan kera we atindi a Na iko ga yô, nan ngu or u aiegh je, mimi ngu ken a nan ga.

1 Yohane 2:4 Iomraidhean Croise

YOHANE 8:44

Ne yô, ka ken ter wen diabolo je ne dugh ye, man ka ne ka eren asaren a ter wen; un yô lu orwuanor sha hiihii je, man a tile sha mimi ga sha ci u mimi ngu ker a na ga. Ka una eren aie yô, i lu sha mlu na je a lu ôron kwagh ye; gadia ka or u aie shi ka ter u aie kpaa.

Titu 1:10

Gadia ior mba ve aren ave ve ngee, ka mbalamen gbilin gbilin man mbatsughunior, hemba kan mbaicôngov.

Titu 1:16

Ka ve pase er ve fa Aôndo kpa mba gem mba nyiman Un sha aeren a ve la; kwagh ve ndôhôr ishima, ka mbahembanato kpaa, ve kuma u eren ma kwagh u injaa ga.

1 Yohane 1:10

Aluer se kaa ser se er isholibo ga yô, se mba yilan Un aie man shi kwaghôron Na ngu ken a vese kpaa ga.

1 Yohane 1:6

Aluer se kaa ser se zua a Na man se gema se zenden ken ime yô, se mba eren aie, ka mimi se eren ga.

1 Yohane 1:8

Aluer se kaa ser, se mba a isholibo ga yô, se mba tsughun ayol a ase tsô, mimi yô, ngu ken a vese ga.

1 Yohane 2:3

Ka sha kwagh ne je man se fa er se fe Un ye, aluer sea kuran atindi a Na yô.

1 Yohane 2:9

U nan kaa er nan ngu ken iwanger, kpa nan gem nan ker anmgbian u nan ihom yô, nan ngu ken ime heregh.

1 Yohane 3:6

Hanma or u nan luun ker a Na yô, nan eren isholibo ga; hanma or u nan eren isholibo yô, nan ngu a nenge a Na ga, mfe kpaa nan fa Un ga.

1 Yohane 4:20

Aluer orgen nana kaa er: Aôndo doom ishima, man nan gema nan ngu kôron anmgbian u nan ihom yô, nan ngu or u aiegh je. Gadia or u anmgbian u nan, u nan nenge a nan la, a doo nan ishima ga yô, Aôndo u nan nengen a Na ga la, A fatyô u doon nan ishima ga.

1 Yohane 4:7

Ne mbadoon mo ishima, se doo nen ayol a ase, gadia dooshima yô, ka her Aôndo a dugh ye; hanma or u nan lu a dooshima kpaa, ka Aôndo A mar nan ye, shi nan fa Aôndo kpaa.