1 Yohane 2:16 - ICIGHAN BIBILO

¹⁶ Gadia akaa a a lu shin tar cii, isharen i iyolough, man isharen i ashee man ihagh i uma ne, ka a Ter ga, ka a taregh tsô.

1 Yohane 2:16 Iomraidhean Croise

Genese 3:6

Tsô zum u kwase la nenge er kon la u doo u yan, man shi er u doo ashe kpaa, man u lu kwagh u saren sha u nan or kwaghfan yô, a zôr atam a u, a ya, shi a na nom na, u lu vea na la, un kpaa ya je.

Genese 6:2

ônov mba Aôndo nenge ônkasev mba iorov doo ashe; tsô ve er kasev mba sha asema a ve cii.

Yobu 31:1

M ya ikur a ashe am; nahan á er nan man me kenger sha iniunkwasa?

Upasalmi 73:6

Ka nahan man iyolgengese i har ve sha mon er ishiligh nahan ye, ipila cir ve iyol er ka ikondo nahan.

Upasalmi 78:18

Ve mee Aôndo ken asema a ve sha u pinen kwaghyan sha mtôm ve la.

Upasalmi 78:30

Isharen ve la lu a bee ga, er ve lu a kwaghyan zwa la je,

Anzaakaa 27:20

Sheol man Abadon mba idi je ga, kape ashe a or kpaa a idi mayange ga la.

Anzaakaa 6:25

Dooashe u nan la, a̱ de saren we ken ishima ga; nana̱ de ker u sha akurashee a nan ga.

Daniel 4:30

Tor ôr kwagh kaa er: Ngun kera ka zege Babilon, u m maa sha u a̱ lu ijiir i teman i tor, sha tahav mbu agee am, sha ci u icivir i shagba wam ne gaa?

Numeri 11:34

I ii ijiir la iti er Kiberoti-hataawa, sha ci u ka heregh man i ii ior mba akor a kôr ve yum la ye.

Numeri 11:4

Tsô agbilinaior a a lu a ve ityô la, akor kôr ve, nahan Mbaiserael shi gba vaan, kaan er: Ka an nana shi na se inyam se̱ ya?

Mateu 4:8

Shi diabolo yem a Na sha gôgôwo u taven tsung, tese Un ityartor i sha won cii kua icivir i i,

Mateu 5:28

Kpa Mo yô, M kaan ne ner hanma or u nana kenger kwase sha u nana tôm un yô, nan er idya a na ken ishima je ve.

Luka 4:5

Shi a yem a Na sha ijiir i taven sha a tese Un ityartor i sha won cii fese.

Mbaromanu 13:14

Kpa haa nen Ter Yesu Kristu iyol, de veren nen iyol ian sha u i̱ kende asaren a i la ga.

1 Mbakorinte 10:6

Akaa ne hingir se ikav i nengen sha mi sha u asorabo a̱ de saren se er a lu saren mbala nahan ga.

Mbagalatia 5:17

Gadia asaren a iyolough nga hendan a Jijingi, asaren a Jijingi di kpaa nga hendan a iyol, ve yô, mba hendan ayol a ve, nahan ne kera fatyô u eren akaa a i sar ne la ga.

Mbagalatia 5:24

Mba ve lu mba Kristu Yesu yô, ve mande iyol a ishima i kenden kua asaren a i sha terankon imôngo ve.

Mbaefese 2:3

Ngise se cii kpaa se lu ken ve ken asaren a ayol a ase, se lu eren sha mbamhange mba ken iyol man mba ken mhen wase, man se lu ônov mba iyughuv sha marami vough er mbagenev di nahan.

Titu 2:12

Ngu tesen se er se̱ venda mwe u i wa Aôndo iko ga la man asaren a taregh kpaa, se̱ zenden tsev tsev man sha jighjigh man sha mciviraôndo kpaa ken tar u ainge ne,

Titu 3:3

Gadia se kpaa, ngise se lu mbalanenkwagh se hemban ato, se tsumen, se lu ikpan i asaren man ugurgurmbaakaav atô kposo kposo, se lu zenden sha aferakaa man iwuhe i eren, mbagenev kôr se ihom shi se lu ihom ayol a ase kpaa.

Yakobu 3:15

Heera yô, ka kwaghfan u a dugh Sha la ga, kpa ka u taregh shi ka u iyolough shi ka u ujijingi mba bov tsô.

Yakobu 4:16

Kpa hegen yô, ne mba tan ihagh sha imbwase yen i kaan. Imbaihagh ne cii ka ifer je.

Yosua 7:21

Er m nenge ikondo i cirin iyol i dedoo i Shinar ken ishar i utya man ushekel mba azurfa deri uhar kua ijen i zenaria i iyohov mbu i mbu kom shekel akunduahargber yô, sarem, tsô m tôô akaa la; nenge i yer a, nga shin inya, her atô u tenti wan man azurfa mase shin.

1 Peteru 1:14

De kera geman nen ayol a en sha inja i asaren a tsuaa a ken mlan wen la ga, lu nen er ônov mba wan iko nahan.

1 Peteru 2:11

Ne mbadoon mo ishima, ne mba ne lu ushirmbaiorov man iorvannya kpaa, m ngu zamber a ven mer: Nyagh nen asaren a iyolough a a nenge ityav a uma u ken ishima la.

2 Peteru 2:10

Man jim je yô, ka mba ve zenden sha inja i iyolough sha isharen i hôngorough, ve lahan mba i ver ve ve lu a tahav la cii. Ve cihi kwagh, ve wa apera, u tuhwan mba ve engem mbala kpaa ka cier ve iyol ga.

2 Peteru 2:18

Gadia ka sha u ôron ugbilinmbaakaav sha iyolgengese man sha asaren a iyolough man ijimba i eren ve meen ior mba ve sember duen ken mba ve lu ken mtsum la, ye.